¹ Aya nayo emapinda yambi ayakwa Solomini, ayakopolwelwe na bantu abakwa Hisekia, imfumu ya bena Yuda. ² Bucindami bwakwa Lesa ukufisa umulandu, nomba imfumu ifwaya ubucindami. ³ Kwati nifilya fine mu mulu mwasansuka ne calo fintu cashika, efyo ne mitima ya shamfumu taishibikwa. ⁴ Fumyamo ba munyela muli silfere no ukbomfya silfere akabomfya fye bwino. ⁵ Nangu cibe fyo, fumya abantu ababi ku cinso ca mfumu ne citebe cakwe cili no kwikalililwa ku kucita icawama. ⁶ Wicindamika we mwine ku cinso ca mfumu kabili wiiminina pacifulo ca bantu abakulu. ⁷ Cawama ena ukulanda kuli webo ati, ''Piluka isa pano,'' ukucila ena ukucefya pa menso yaba mano. ⁸ Witwala bwangu umulandu kucilye. pantu kuti wacita kukulekeleshe umunobe nga kumfwishe nsoni? ⁹ Lubululeni umulandu pakati kaimwe no munenu ne nkama wisokolwela umbi, ¹⁰ epali uleumfwa akusebanya ne lyashi lyobe lya bipa lyaumfwika. ¹¹ Ama Apele ya golide ayabikilwe pansani shabeka efyaba na mashiwi ayalandwa panshita iyalinga. ¹² Ukufunda kwa mano mukutwi kuuleumfwika kwaba nga kalutenga ka golide aka kukutwi. ¹³ Ngo kutalala kwa mfula ya bufumi bwa buta munshita ya kusombola efyaba ne ntumi ya cine ku baituma; pantu talalika imitima ya bashikulu wabo. ¹⁴ Amakumbi no mwela ukwabula imfula ifyaba no muntu uwitacisha pafyabupe ifyo ashapela. ¹⁵ Ukutekanya kuti kwanasha umutima wa mukulu wa bashilika no lulimi ulwanacililila kuti lwa mokole fupa ¹⁶ Nga wasanga ubuci, lya ubulingile-- epali waikutisha, no kuluka. ¹⁷ Wilaya cishinka cilanshita ku ng'anda ya munobe, limbi kuti akutendwa no kukupata. ¹⁸ Umuntu ushinina munankwe bukambone bwa bufi abange inkonto babomfya mu nkondo, nangu lupanga, nangu umufwi uwatwa. ¹⁹ Ucetekela umuntu ubepa munshita yama cushi kwa nge lino ilisokona kabili ngo lukasa ulwalemana. ²⁰ Cili ngo muntu ukufule cakufwala munshita ya mpepo, kabili ngo bwalwa ubwa kalipa pa cilonda cili kwati kwimbila uli na macushi. ²¹ Uwakupata ngali n e nsala, umupele ifyakulya, nangu ali ne cilaka, umupele amenshi, ²² pantu cili kwati ulebika amalasha ayalekuka pamutwe wakwe kabili Yahweh akakulambula. ²³ Umwela wa kukapinda ka kukuso uleta imfula ifuntauka no lulimi ulusokolola inkama lulenga ukuponya icinso. ²⁴ Cawama ukwi kala pacoona pamutenge ukucila kwikala no mukashi walubuli. ²⁵ Nga menshi ayatalala ku uli ne cilaka, elyo lisuma ilyashi ukufwa ku calo cakutali. ²⁶ Umololoke utina pa cinso ca mubifi aba nge cilambe icafundaika na kamfukumfuku kafundaika. ²⁷ Tacawama sana ukulyo buci ubwingi; eico ifyebo fyobe fibe ifya kutotela fibe bwino bwino. ifimonwa fipya fyalipusana ukupilibula mu mafya ya mavesi. ²⁸ Umuntu ushifwaya no kukanya mutima aba ngo musumba wa mishiwa apashabe linga.