¹ Webo wilakumbwa abo abacito bubi, no kukabila ukwenda pamo nabo, ² pamulandu imitima yabo itontonkanyafye ifyabupumbu na kumilomo balandilakofye ifya bwafya. ³ Ukupitila mu mano emo ing'anda ikulilwa na mukwishiba emo ikosela. ⁴ mukwishiba ifyumba filesukamo fyonse ifya mutengo napeka ifya bukankala. ⁵ Ubomfya amano alikosa, no muntu uwacenjela alakwatisha amano; ⁶ Kubutungulushi kuti mwacimfishamo inkondo na kubwingi bwa bakupanda amano kulaba ukucimfya. ⁷ Amano yaba apasansuka ku cinangwa; na muminshi takasamunemo akanwa. ⁸ Kwaliba umo utontonkanya ukupango bubifi-- abantuj bakamwita umukalamba wa fya bubifi. ⁹ Ukutontonkanya kwa bipa bupulumushi no wakapuni wa muselu ku bantu. ¹⁰ Ngacakutila watompoka ku mwenso mu bushiku bwa bwafya ninshi amaka yobe webo yanono. ¹¹ Bapokolole abo balasukwa batwalwe kukufwa no kubwesha abo bonse abaleteletenta ukulungama kukwipaiwa. ¹² Ngacakutila mwalanda ati, ''Iye, tatwaishiba pali fintu,'' bushe uyo uumona mu mitima yenu, nalimo bushe ulolekesha ukwishiba ifyo alamona? ¹³ We mwana wandi umwaume, ulte ubuci pamulandu baliwama, pakwebaati uluto lwa buci mukumfwika kuli webo. ¹⁴ Fwaisha amano mu mutima obe--- ngacakutila wa yasanga, ukesaba uwatantalila mu nshiku ne subilo lyobe talyakaputuke kuli webo. ¹⁵ Wilafisamina ngafilya ificita umuntu wabipa mu kusansa ing'anda ya walungama, umuntu wikonaula ing'anda yakwe! ¹⁶ Pakutila umuntu uwalungama kuti apona imiku cine lubali nokwima napeka, nomba abntu abbipa bakaipuntula no kupwililika. ¹⁷ Wilacankikwa ilyo umulwani obe apona no kulenga umutima obe ukusamwa ilyo aipuntula, ¹⁸ Epali Yahweh amona no kusuminisha no kubwesesha ubukali ukufuma kuli ena. ¹⁹ Wilapanga ubukali pamulandu wababifi, napeka wilakumbilwa abantu ababipa, ²⁰ Pakutila umutu mubi tatwalilila kuntanshi ne lampi lya bantu ababipa likafumapo. ²¹ Utine Yahweh, no kutina imfumu, wemwana wandi wilaesha ukwampana pamo pali balipondoka. ²² Mukupumikisha icikunka cilesa, ninani aikeshiba ubukulu bwa bucushi bukesa muli bea? ²³ Ifi efilanda abacenjela. Ukuba no mu ncishanya mu kupingula tacawama. ²⁴ Kuulanda ku muntu wakwe, ''Webo uli muntu walingama,'' ukalapishiwa ku bantu bakamupata ku nko. ²⁵ Nomba abo abalemufunda ne cabubi cikafuma ne cabupe cabusuma cikesa pali bena. ²⁶ Umon apela ubwasuko bwafumaluka alapelwa, ukufyompa ku milomo. ²⁷ Upekanye ukubomba mulimo wapanse, no kupanga ifili fyonse kuli wemwine fyamwibala; panuma yaifi ukule wemwine ing'onda. ²⁸ Tekwesha ukuba bukambone bwa kushinina umwina mupalamano webo ifyo tawishibe bwino no kufilomba ku milomo yobe webo. ²⁹ Tekwesha ukulanda, ''filya fine apangile kuli webo; nanebo efyo ndepanga kuli enna.'' ³⁰ Napitile peebala lya muntu umunang'ani; pa mwangashi wamuntu ushitotonkanya bwino. ³¹ Lyonse lyasapile kufyani fyakulilefye apali ponse, no mushili onse wakupilwe na kuli bakaenya, ne cibumba ca mabwe calibongolweke panshi. ³² Napeka nali mwene no kutontonkanyapo palici; naloleshe no kupokelela ukusambililako. ³³ Ukulambalalako panono, ukushipulako panono, ukwikumbatako panono ku minwe ku kutushako-- ³⁴ no bupina bukesa tandala pali webo, no kubulisha kobe kukaba kwati nimpuka yabashilika.