¹ Ilyo webo waikala mukulya na bakateka, umwenekeshe bwino ifili pantanshi yobe, ² kabili bika umwele pa mukoshi obe nga uli muntu uwatemwa ukulya ifyakulya ifingi. ³ Wikumbwa ifya malila fyakwe pantu fyakulya fya bufi ⁴ Wibombesha saana ku kukwata ifyuma; ba uwamano ayengi ku fya kwishiba ukwiminina. ⁵ Kuti waleka amenso yobe ulubuto pali ici? cili nokuya, pantu icishinka cili nokusenda amapapiko kwati nikapumpe kabili okupupuka mu muulu. ⁶ Wilya ifya kulya fya umo uuli na menso ya bibi-kabili wikumbwa ifya malila yakwe, ⁷ pantu ena ali nga ulya muntu umutengo wafyakulya. ''lya kabili no kunwa!'' ena alandile kuli webo nomba umutima wakwe tauli na webo. ⁸ Webo uli nokuluka ifinono ifyo walile kabili webo uli nokonaula ifyebo fyobe ifisuma. ⁹ Wilanda mukumfwa kwa mupuba, pantu ena ali nokusula amano ya fyebo fyobe. ¹⁰ Wifumyapo ilibwe lya mupaka nangula mu mpanga yabana banshiwa, ¹¹ pantu kalubula wabo alikonsa kabili ena akabalubulwiksha bena kuli webo. ¹² Twala umutima obe kufyakukonka kabili na matwi yobe ku fyebo fyabwishibilo. ¹³ Wiikata inkonka ukufuma ku mwana, pantu webo nga wamuma ena ne nkonto, ena tafwe. ¹⁴ Niwebo uufwile ukumuma ena ne nkonto kabili nokupususha umweo wakwe ukufuma ku manda. ¹⁵ We mwana wandi, nga umutima obe wamano, elo umutima wandi uli no kutemwa; ¹⁶ imfyo shandi shikasekelela ilyo imilomo yobe yalanda ifyalungama. ¹⁷ Wileka umutima obe upate aba masambi, nomba kokanyapo mu katina kakwa Yahweh inshiku shonse. ¹⁸ Icishinka kulya kuli isubilo kabili ne cilolelo cobe tacaputulwe. ¹⁹ Umfwa-webo! - we mwana wandi umwaume, kabili ba uwamano kabili tungulula umutima obe munshila. ²⁰ wiba pamo na bonse abanwa ubwalwa saana, nangula abafulumukila ukulya inama, ²¹ pantu cakolwa kabili uwabuka baba abapina kabili ukushinshila ukafwika bena indelemba. ²² Kutika kuli wiso uwa kufyele webo kabili wisula noko obe ilyo aba umukote. ²³ Shita icishinka, nomba wishitisha cena; shita amano, ifyakukonka, kabili ukufwikisha. ²⁴ Wishi wa muntu umulungami akaba uwakusekelela, kabili ena uwafyala uwa mano umwaume akatemwa muli ena. ²⁵ Lekeni wwiso abe na noko obe batemwe kabili leka no wakufyele webo asekelele. ²⁶ Mwana wandi umwaume,pela umutima obe kabili leka amenso yobe yamone inshila shandi. ²⁷ Pantu umu ncende cilindi icashika, kabili umwanakashi umbi umbi cishima icamafya. ²⁸ lalilila mukulolela nge cipondo kabili akusha impendwa yakubepa mu bantu. ²⁹ Ninani alanda? Ninani wakwata ubulanda? Ninani wakwata ulubuli? Ninani wakwata ukundandaula? Ninani wakwata ifilaso apabula umulandu? Ninani wakwata umulopa mu menso? ³⁰ Abo abaibika pa mulu wabwalwa, abo abesha ubwulwa ubwasankanishiwa. ³¹ Wilolesha pa bwalwa ilyo bwa kashika, ilyo bwabengeshima mulukombo kabili uya bwino pamukoshi. ³² Mu kulekelesha usuma nge noka kabili utunga nge folo. ³³ Amenso ybe yakamona ifyeni ifintu kabili no mutima obe ulanda ifintu fya lubembu. ³⁴ Webo uli nokuba nga umo uulele pa mumana uukulu nangula ukulala pa mulu wa mulongoti. ³⁵ ''Banguma nebo,'' webo winokulanda, ''nomba Nebo shaumfwile. Ilyo Nebo nabukile? Nebo kalakabila nakumbi ukunwa.''