¹ Amashiwi ya mfumu Lemuele-- ayo nyina alemweba. ² Cinshi, we mwana wandi umwaume? cinshi ici, we mwana umwaume uwa mwifumo lyandi? Bushe cinshi ulefwaya, we mwana umwaume uwa mulapo yandi? ³ Taufwile ukupela amaka yobe kumwanakashi, nangu inshila kuli abo abonaula isha mfumu. ⁴ Te cakwesha isha mfumu, we Lemuele, Tecakwesha ishamfumu ukuwa umwangashi, nangula intungulushi ukulanwa ifikola, ⁵ pamulandu wakuti ilyo banwa kuti balaba icipope, no kutelusha insambu sha abo bonse abatitikishiwa. ⁶ Peeleni ifya kunwa ifikola ku bantu abaleonaika nomwangashi uwakalipa kubalecula. ⁷ Lekeni bena ebakuti balenwa kabili bena balelaba kubulanda bwabo kabili tabali no kulaibukisha amacushi yabo. ⁸ Landa kuli abo bonse abashingailandila abene kabili ulepokololako abo bonse abale onaika. ⁹ Ulebalandilako no kupinfula umulandu ukulingana ne nsambu no kulubulwilako umupina na bantu abalekabila. ¹⁰ Ninani engamusanga umukashi wa mano? umutengo wakwe wakutali ukucila amabwe ya yewelo. ¹¹ Umutima wa mulume wakwe walimushininkisha, kabili takabe umulanda. ¹² Alacikta ifintu ifisuma kuli ena tefibi iyoo inshiku shonse isha bumi bwakwe. ¹³ Alafwaya insalu ya masako ya mpanga ne ya tonge iya telela no kupikula ku minwe yakwe. ¹⁴ Aba kwati maato yaba shimakwebo; alaleta ifya kulya ukufuma ukutali. ¹⁵ Alema ilyo bucili bushiku no kupela ica kulya kubali mung'anda yakwe, no kupela icakaniko kubabomfi bakwe abashana. ¹⁶ Ena kkubala alolekesha ibala no kulishita; ne fisabo ifya muminwe yakwe ali byalamo imyangashi. ¹⁷ Alikosa umwine na maka no kulenga amaboko yakwe ukukosa. ¹⁸ Alishiba ifili no kucitika ukusandulula ifisuma, ubushiku bonse ilampita talishimya. ¹⁹ Alabika iminwe yakwe pa kamuti ka kupikwilako, ne minwe yakwe ilafumbata umupeto wa kupikwalako. ²⁰ Aalafumbatula iminwe yakwe ku bantu abalanda; alafumbatula iminwe yakwe na ku bantu abalekabila. ²¹ Ena tatina nangula kube ukutalala kubamu ng'anda, pantu bonse aba mung'anda yakwe balikwata insalu ishakaba. ²² Ena alapanga ifyakwashika pa bululu bwakwe, kabili alafwala ne nsalu ishatelela ne sha kashikila. ²³ Umulume wakwe alishibikwa pa mwinshi, ilyo aikala na bakulu ba mu calo. ²⁴ Ena alapanga insalu ishatelela no kushitisha kuli bena, ne mishipi ashitisha kuli bashimakwebo. ²⁵ Alafwala amaka no mucinshi, kabili ena ali no kusekela kuntanshi. ²⁶ Alasamuna akanwa kakwe no kulanda ifyamano kabili ifunde lya citeele lyaba palulimi lwakwe. ²⁷ Alalolekesha ku mibombele yaba mung'anda yakwe kabili talya umukate wa bunang'ani. ²⁸ Abana bakwe balema no kumwita uwashuka, no mulume wakwe alamutasha ati, ²⁹ ''Abanakashi abengi balacita bwino, nomba webo walicila pali bonse.'' ³⁰ Ukuwama kulabepa, ubusuma nabo kuicushafye, nomba umwanakashi uutina Yahweh, ena ali no kulumbanishiwa. ³¹ Mupeleni ifisabo fya mu minwe yakwe kabili lekeni bamutashe pa mwinshi pa mulandu wa milimo yakwe.