¹ Awamapo umuntu umulanda uwenda muli bukaele bwakwe ukucila uyo icipuba icakwata indimi shibili. ² Onsefye, tecisuma ukukwata ukufwaisha ukwabulo kwishiba kabili uyo uubutuka bwangu alalufya inshila. ³ Ubupuba bwa muntu bulonaula ubumi bwakwe kabili umutima wakwe ulafulilwa Yahweh. ⁴ Ifyuma filalundapo ifibusa, nomba umuntu icipuba alaifumya kufibusa fyakwe. ⁵ Kambone wabufi ali no kulimunwa, kabili uyo ulanda ifyabufi tali no kupusumuka. ⁶ Abengi balaipalamika ku muntu umukankala kabili cila muntu no cibusa wa uyo uupela ifyabupe. ⁷ Bamunyinane bamuntu umulanda bonse balamupata ena; cilaumo ifibusa fyakwe ngafyaba apatali ukufuma kuli ena! kuti abafwaya ukuti alande nabo, nomba tabalipo banaya. ⁸ Uyo uwaba no mutima wa mano alitemwa ubumi bwakwe; uyo uusunga ukwiluka alino kusanga ubusuma. ⁹ Inte iyabufi ili no kulimuwa, nomba uyo uulanda ifyabufi ali nokonaika. ¹⁰ Tawama icipuba ukulaipakisha ifyamalila--- kuti cacilamo umusha ukuteka abana ba mfumu. ¹¹ Umuntu uwamano alakokola ukukalipa kabili ni kululumbi lwakwe eko asulilakofye. ¹² Ukufulwa kwa mfumu kwaba kwati cibulumo ca nkalamu, nomba ubusuma bwaiko bwaba ngo mume pa cani. ¹³ Umwana umwaume icipuba cilaletelela wishi kabili umukashi uwalubuli aba nga menshi ayaletwalilila ukutona. ¹⁴ Ing;anda ne fyuma fya kupyana ukufuma kuba fyashi, nomba umukashi uwacenjela afuma kuli Yahweh. ¹⁵ Ubunang'ani bulalenga umuntu ukuponena mutulo, nomba uyo uushifwaya ukubomba ali no kuponenwa ne nsala. ¹⁶ Uyo uubela amafunde alasunga ubumi bwakwe, nomba uyo uusunga inshila yakwe ali no kufwa. ¹⁷ Uyo onse uulelepela abalanda alekongwesha Yahweh kabili ali noku mubwesesha pali fyonse ifyo acita. ¹⁸ Limuna umwana obe umwaume ilyo kucili isubilo kabili wilafwaya ukuti ena afwe. ¹⁹ Umuntu uufulwa bwangu muleke umwine akaifutile amafuto; ngba cakuti wa mupokololako, uli no kubweseshapo ukumufutilako na peka. ²⁰ Kutika kubalekupanda amano kabili pokelela ukufunda, pakuti nobe uwamano kumpela ya bumi bobe. ²¹ Mu mutima wa muntu mulaba amapange ayengi, nomba, ukufwaya kwakwa Yahweh kulabelelela. ²² Ukuba ne cumfwilo eco umuntu afwaya kabili umuntu uulanda aliwamapo ukucila uwabufi. ²³ Ukucindika Yahweh kutungulula umuntu ku bumi; uyo onse ali no kutusha bwaino kabili takacule ku bubi. ²⁴ Umuntu umunang'ani alashika iminwe yakwe mukabesei; alafilwa ukkubweseaha pa kanwa kakwe. ²⁵ Uma uwakapuni, kabilik umuntu uwabula mano ali no kucenjela; nga wafunda uwa mano ali nokwiluka. ²⁶ Uyo uwibila wishi kabili no kutamfya nyina mwana umwaume uuleta nsoni no musebanya. ²⁷ Nga cakuti wakana ukumfwa ku mafunde, we mwana wandi umwaume, ninshi wafuma ku mashiwi ya mano. ²⁸ Kmbone wabufi alasusha ubupingushi kabili akanwa ka mubifi kalacibula amampulu. ²⁹ Ubupingushi bwabelako abamiponto kabili ne fikote fyabelako ifipuba.