¹ Umo uwipatula no kuba eka aifwaila umwine ukukabila kwakwe no kukafwaya ukumfwa kuli fyonse ifya mano. ² Umunangwa tafwaya ukufwailisha ifya kwishiba, nomba kanofye ififisuluka fintu ifyaba mu mutima. ³ Ilyo umuntu uwabipa aisa, no kucendwa kulesa pali wene---pamofye no kutukwa no kupontwa. ⁴ Amashiwi ya mu kanwa ka muntu yaba menshi ayashika: nicishiba ca mano kamfuku mfuku ka mulonga ⁵ Tecisuma ukulemekesha umuntu wabipa no kupondamicila ubupingushi umuntu walungama. ⁶ Imilomo ya munang'ani ileta ulubuli na ku kanwa kaletelela ukupumwa. ⁷ Akanwa kamunang'ani ekamonaula no kwikobelesha umwine eka ku milomo yakwe. ⁸ Amashiwi ya walwambo yaba kwati cakulya camukubutuka no kukulukila mu mala. ⁹ Kabili umo ubomba panono panono munyina wakwe bonaushi uwacilapo. ¹⁰ Ishina lya kwa Yahweh lupungu lwakosa; umuntu uwalungama alabutukilamo no kwicingilila ¹¹ Ifyuma fya mukankala fyaba kwati musumba uwakosa na mukumwenekesha kwati lupango lwalepesha. ¹² Icantanshi alaponeshiwa umuntu wa mutima wa cilumba, nomba mukwicefya mufuma ukucindikwa. ¹³ Umo uwankula ilyo talaumfwikisha--- bubbunangwa ne nsoni. ¹⁴ Umupashi wa muntu kuti washipicisha ubulwele, nomba nani wingasenda umupashi wafunshika? ¹⁵ Umutima wa wamucetekanya uleshiba no kutwa kwa wasalapuka kulafwaya ukwishibefi. ¹⁶ Icabupe bwa muntu bukamwiswila umusebo ukulu napeka ukumutwala kubacindami abaume. ¹⁷ Uwakutampilapo ukulubulula umulandu alamoneko walungama mpakafye kubele lubulula nnkwe aisa no ku mulengulula. ¹⁸ Ica kuteye cipa eciputula ifitala napeka cipatanya impalume shakosa. ¹⁹ Namunyina walufyanishiwa alakosa kwati musumba wakosa, no lubuli lwaba kwati mipindo ya palupango. ²⁰ Ififuma kufisabo fya kanwa icifu cikekuta, mu kusombola kwa ku milomo yakwe ku kamwikusha. ²¹ Imfwa no mweo fitungululwa kululimi, na onse uwatemwa lulimi akalye fisabo. ²² Uyo uwasango mukashi asange icintu icisuma nomba na pokelela ukusenamina ukufuma kuli Yahweh. ²³ Umuntu umupina endelafye uluse nomba umuntu umucindami alasuka bukali bukali. ²⁴ Umo unaula abanankwe ailengafye mukwifumya kuli bena, nomba kuli ubunankwe ulambatila kwati untu mwafyalwa nakwe.