¹ Cawamapo ukukwata umutende na ubufungau bwa mukate ukucila ing'anda iyaisulamo imitebeto no lubuli. ² Umubomfi wamano ali nokuteka pa banaabacita ifya nsoni kabili ali nokwabanyako ne cakupyanina nga umo uwamuli ba munyina. ³ Ica kalopwelamo capali silfere kabili ilungu lya pali golide, nomba Yahweh alesha imitima. ⁴ Uwabipa ateyanya ku milomo ya mubimfi; uwabufi apela ukutwi kwakwe kululimi lwa bonaushi. ⁵ Uuli onse uuseka abapina atuka uwa mulengele ena kabili na umo uusekelela mukayofi takaye ukwabula ukupanikwa. ⁶ Abeshikulu ecibalika cabakote kabili abafyashi baleta ubucidami ku bana babo. . ⁷ Ukulanda kwa mololoke takuwamina pa fipuba; imilomo yabufi ya wamina umukalamba. ⁸ Amafisa kanwa yaba ge libwe lya cisense kuli umo uulipela; konse ena apilibukila, ashuka. ⁹ Uuli onse ulolekesha pafilubo akabila ukutemwa, nomba umo uubwekeshapo ubwafya asalanganya ifibusa. ¹⁰ Ukukalipila kuya mukati ka muntu uufwikisha ukucila ukupuma umwanda umo ukuya mu mupuba. ¹¹ Umuntu umubi akabilafye ububi, eico umutumwa umukalwe ali no kutumwa kuli ena. ¹² Cawamapo ukukumana na bere uwaibilwa abana ukucila ukukumana no mupuba mu bupuba bakwe. ¹³ Ilyo umo abwesesha ububi pa busuma, ububi tabwakatale abufuma pa ng'anda yakwe. ¹⁴ Ukutampa kwa lubuli kwaba nga umo uuli mukusansa amenshi ukuli konse, eico enda ukufuma kukumanama ilyo tacilatobeka. ¹⁵ Umuntu uusapota umuntu umubi kabili umuntu uuseka umuntu umololoke- bonse ba muselu kuli Yahweh. ¹⁶ Nicinshi umupuba engalipilila ulupiya kukusambilila pa mano ilyo ena takwata amano. ¹⁷ Icibusa citemwafye inshita yonse kabili munyina afyalwa pa nshita sha mafya. ¹⁸ Umuntu uushakwata amano alenga icilayo cakakwa kabili aba uwakulenga pa kongole sha pamwina mupalamano wakwe. ¹⁹ Uuli onse uwatemwa ulubuli atemwa ulubembu; uuli onse uwimya icibi cakwe akabila ukonaulwa. ²⁰ Umuntu uwakwata umutima uwapondama tapaba ifyo asanga ifisuma; umo uwakwata ululimi lwabufi aponena mubufi. ²¹ Uuli onse umufyashi wamupuba ailetelela ubulanda umwine eka; kabili wishi wa mupuba takwata insansa. ²² Umutima wakusekelela emuti uusuma, nomba umupashi uwakotolwa uumika amafupa. ²³ Umuntu umubifi apoka amafisakanwa ya mubufisolo ku konaula inshila ya mulinganya. ²⁴ Umo uwakwata ukufwikisha atwala icinso cakwe mupepi na mano, nomba amenso yawa mupuba yatumwa mumpela ye sonde. ²⁵ Umwana umwaume umupuba bulanda kuli wishi wakwe kabili bukali ku mwanakashi uwamufyele ena. ²⁶ Kabili, tecisuma ukupanika abololoke; nangula ukulopola abakakala pakololoka kwabo. ²⁷ Umo uushakwata ubwishibilo abofyafye amashiwi ayanono kabili ena uwatekanya umupashi akwata ukufwikisha. ²⁸ Kabili na bapuba batontonkanya ukuba aba mano ena ngaba tondolo; ilyo ena asunga akanwa kakwe akaisalwa, ena ailenga ukuba uwa mucetekanya.