¹ Ukupakanya ukwa mutima kwalola ku muntu umwine, nomba ukwasuka ukufuma ku lulimi lwakwe kwisa ukufuma kuli Yahweh. ² Imibele ya muntu yonse yaliba iya sangululwa mu menso yakwe umwine, omba Yahweh eupima imipashi. ³ Tuulula imilimo yobe kuli Yahweh na kupekanya kobe kukatunguluka. ⁴ Yahweh apanga icili conse pa mulimo waciko, nangula mubifi pa bushiku bwa bwafya. ⁵ Umutima onse uwaisansabika wa bunani kuli Yahweh, nomba ube uwa cine pali fi, bena tabakaye mukukandwa. ⁶ Mukwaiminina kwa kutemwa nabicine efifimba pa membu na katina kakuli Yahweh abantu balaluka ukufuma ku bubi. ⁷ Ilyo imibele ya muntu yasekesha kuli Yahweh, ena alapanga nangula ukweba ati abalwani ba muntu ukuba aba mutende kuli ena. ⁸ Kasuma akali akaceepa kufya mu busuma, ukucila ifikulu ifisa ku bupondamishi. ⁹ Mu mutima wa muntu umwine mufuma ukupekanya ukwa mibele yakwe, nomba Yahweh eutungulula intampulo shakwe. ¹⁰ Ukucenjela kwa bupingushi kuli pa milomo ya mfumu; akanwa kakwe takalingile ukonaula ubupingushi. ¹¹ Icakupima cacine ciisa ukufuma kuli Yahweh ifya kupima fyonse mu mufuko fili milimo yakwe. ¹² Ukucita ububi ca bunani ku mfumu, pantu icitebe calipekanishiwa mu kubomba ifya lungama. ¹³ Imilomo iyalunga yaba iyakusekesha imfumu na ena alitemwa umuntu uyo uulanda amashiwi ayalungama. ¹⁴ Ubukali bwa mfumu ni ntumi ya mfwa nomba umuntu uwa mano kuti aesha ukutalalika icifukushi. ¹⁵ Mu lubuto lwa cinso ca mfumu mwaliba ubumi no kupalwa kwakwe kwaliba kwati likumbi ilyakweba ati yaleta imfula ya cilala. ¹⁶ Kuwama nshi uku ukwakukwata amano ukucila golide. Ukukwata ukumfwikisha kulingile ukusalwa ukucilishamo pali silfere. ¹⁷ Inshila iyasalala ya balungama yalipilibuka ukuya ukufuma ku bubi; na umo uyo uulinda imibele yakwe alasunga ubumi bwakwe. ¹⁸ Ukuyumfwa kwisa kuntanshi ya konaulwa, no mutima wamatutumuko kuntanshi yakuipuntula. ¹⁹ Caliwama ukuba no mutima uwafuuka mukati ka bantu aba bula amano, ukucila ukwakana ifyapokololwa ku bantu ba matutumuko. ²⁰ Uyo onse uusakamana pafyo bena baebelwe basanga ifya wamisha, na bonse abo abacetekela muli Yahweh bakapalwa. ²¹ Uyo uwaba no mutima wa mano aketwe uwacenjela, no kulanda ukwalowa kufuntula ukusambilisha ukumfwika bwino. ²² Ukumfwikisha ekamfukumfuku ka bumi kuli uyo uukwete ci, nomba ukulungika aba bulamano ebuwele wele bwabo. ²³ Umutima wa muntu wa mano kupeela ukucenjela ku kanwa kakwe no kulandako ukukutika ku milomo yakwe. ²⁴ Amashiwi yasuma yaba ngo luto lwa buci----yaba ayalowa ku mutima no kundapa amafupa. ²⁵ Kwaliba inshila iimoneka iyalungama ku muntu, nomba ulutwe lwaiko ni nshila ya mfwa. ²⁶ Insuna ya ubomba ibomba pali ena insala yakwe ena ilamukoseleshako ²⁷ Umuntu icinangwa ashula ububi, no kulanda kwakwe kwaba kwati mulilo uubabula. ²⁸ Umuntu uwapusauka alemya ulubuli no wa lwambo alalekanya ifibusa ifyapalamana. ²⁹ Umuntu uwa lufyengo alabepa ku mwina mupalamano wakwe, no ku mutungulula ena munshila iya pannshi iya kweba ati tayaba bwino. ³⁰ Uyo uushinisha ku menso alatontonkanya ifintu ifishalungama; bonse abo abasuminkanya imilomo bakaleta ububi ukupita. ³¹ Umutwe wa ndale cibalika ca bukata; ici cipokelelwa mukwikala ukwa mu mibele ya bulungami. ³² Cali wama ukukokola ukukalipa ukucila ukuba impalume noyo utungulula umutima wakwe alikosa ukucila uyo uwapoka umusumba. ³³ Icipendwilo ciposwa pa cakwishibilapo, nomba ukuputula umulandu onse kufuma kuli Yahweh.