¹ Ukwasuka ukwatekanya kulabwesha icifukushi, nomba amashiwi ayakalabana kulemya ukukalipa. ² Ululimi ulwa muntu wa mano lulanda ukwishiba, nomba akanwa aka babula amano ketulula ubuwele wele. ³ Amenso yakwa Yahweh yali monse monse, yali mukutwalilila ululonda pa babi na pa basuma. ⁴ Ulilimi uluposha cimuti ca bumi, nomba ululimi ulwa bufi loaula umupashi. ⁵ Umupumbu asula ukulungika ukwa kwa wishi, nomba ena uyo usambilila ku kulungikwa alaba uwacenjela. ⁶ Mukati ka ng'anda ya muntu uwaololoka mulya mwaliba ifyuma ifikulu, nomba ifya cibwesha ca muntu umubifi ena cilamupela ubwafya. ⁷ Imilomo ya muntu uwa amano itanda pamulandu wa kwishiba, nomba teifyo elo ku mutima wa bawele wele. ⁸ Ilambo lya babifi ici ca muselu kuli Yahweh, nomba ipepo lya waololoka ena kulamusekesha, ⁹ Inshila ya bantu ababifi ici camuselu kuli Yahweh, nomba ena atemwa umo uyo uukonka ici cisuma. ¹⁰ Ukulanda kwakula ukulolela ulionse uyo uulekelesha umusebo na ena uyo uwapata ukulungikwa akafwa. ¹¹ Imipoto no kuloba nafisuka kuntanshi yakwa Yahweh; ukucilisha imitima ya bana abaume aba bantunse? ¹² Abapunika tabatemwa umo uyo ena uumulungika; ena teti aye ku wamano. ¹³ Umutima uwasekela upanga pa menso apasuma, nomba ku mutima uwacenwa umupashi ulatobeka. ¹⁴ Umutima wa mupashi ufwaya ukwishiba, nomba akanwa ka mupumbu kalya pa buwele wele. ¹⁵ Inshiku shonse isha kucululuka shalibipa, nomba umutima uwawama wena mutebeto uushaba ne mpela. ¹⁶ kusuma ukwacepa ku katina ka kuli Yahweh ukucila ifyuma, ifyuma ifingi no kusakamana. ¹⁷ Cisuma icakulya pamo no musalu kulyha ukuli ukutemwa, ukucila umwana wang'ombe uwapekanishiwa pamo no kupatwa. ¹⁸ Umuntu wa cipyu emya ulubuli pa mulu, nomba umuntuj uyo uli uwatekanya ukukalipa alatalalika ifyongo. ¹⁹ Inshila ya mutu umung'ani yalba kwati ni ncende pamo ne cisansala ca myunga, nomba inshila ya waololoka ninshila ya pamulu iya kulwa. ²⁰ Umwana umwaume wa mano alaleta insansa kuli wishi wakwe, nomba umuntu umuwele wele asula nyina wakwe. ²¹ Umupumbu alasekelela emuntu uyo uwabula amatontonkanyo, umo uyo uwakwata ukumfwikisha aleendca mu musebo uwaololoka. ²² Ukupekanya kulaya ukwalubana kulya ukushili aba kupanda amano, nomba ku mpendwa iikulu ya bakupanda amano bena balatunguluka. ²³ Umuntuj alasanga ukusekela ilyo ena apeela ukwasuka kwa mukanwa kakwe; ifyo yawama amashiwi munshita ishisuma! ²⁴ Umusebo uwa bumi ilatungulula apakupilukila ku muntu wa cenjela, pakweba ati bena kuti bapilibukila ukuya ukufuma kwisamba lya ku mipolo. ²⁵ Yahweh alaponya panshi ing'anda yaba yumfwa, nomba ena alacingilila ifipe fya kwa mukamfwilwa. ²⁶ Amatontonkanyo ya mubifi yaba aya muselu kuli Yahweh, nomba amashiwi yakusekesha yaba aya wama. ²⁷ Umuntu uyo uukwataicibwesha ukufuma ku ushalungama asanga ukwisa ukwamafya ku lupwa lwakwe, nomba uyo umo uwapata ukubosha akaba no mweo. ²⁸ Umutima wa muntu uwaololoka ulafwaya ica kwasuka pantanshi talacita ici, nomba akanwa ka bantu ababifi ketulula ukufumya ifya bipa fya kako. ²⁹ Yahweh aliba ukutali ukuya ukufuma ku bantu ababi, nomba ena alomfwa amapepo ya bantu abaololoka. ³⁰ Ukubuta kwa menso kuleta ukusansamuka ku mutima, ne lyashi ilya wama bumi ku mubili. ³¹ Ukutwi kulya ukufwa ukukalipilwa kulapeela ubumi, akekala mukati ka bantu abamano. ³² Uyo umo uusula ukukanda alaisula umwine eka, nomba ena uyo ukutika ku kutungulilwa alasangamo ukumfwikisha. ³³ Akatina ka kuli Yahweh kutungulula mu mano, no kufuuka kulesa pantanshi ya mu cinshi.