¹ Umwanakashi uwa mano nakula ng'anda yakwe, nomba umwanakashi watumpa ena ayonaula no kuiponya panshi ku minwe yakwe umwine. ² Nomba umo uyo uwenda mukololoka alatina Yahweh, nomba umo uyo uushaba na cishinka mu nshila shakwe ena mulemusula. ³ Mukanwa ka watumpa mwise inkonto yapa numa yakwe, nomba imilomo yawamano bena ikabalinda. ⁴ Kulya ukushaba ing'ombe, ukulishiwa takuba ukwa wama, nomba icibwesha cafisabo kwisa ukufuma ku makaya ng;ombe shilu. ⁵ Kambone wacine talanda ubufii, nomba kambone wabufi apeema ukufumya ubufi. ⁶ Abatumfya alafwailisha amano na kulya takuli, nomba ukwishiba kwisa ukwaanguka kuli umo uyo uwacengela. ⁷ Enda uye ufumeko ku muntu uwatumpa pantu webo tawakasangeko ukwishiba ukwa pamilo yakwe. ⁸ Amano ya muntu uwacenjela kumfwikisha inshila yakwe umwine, nomba ukutumpa kwabatumpa kubeepa. ⁹ Ukkutumpa kwaba tumfya lintu amampulu yapelwa nga malambo nefyakuninika, nomba mukati kabaololoka ukupalwa kulakanishiwa. ¹⁰ Umutima walishiba ukutunta kwa uko umwine takuli no mweni uwingakanishiwako ukusekelela kwa kuko. ¹¹ Ing'anda iya bantu ababi ikonaulwa, nomba itenti ilya baololoka likakwata ifyacikushi. ¹² Kuli inshila ingaba isuma ku muntu, nomba ku lutwe yena ilatungulula kumfwa. ¹³ Umutima kuti waseka nomba kuti waba uwakalipa no kusekelela mukushalikisha pamulu kuleta ubulanda. ¹⁴ Uushaba na cishinka mu mutima akapoka ifyo inshila yakwe yakwata, nomba umuntu musuma akakwata ica mumibele yakwe. ¹⁵ Umo uyo uwabulwa amno atetekela ifintu fyonse, nomba umuntu uwacenjela alatontonkanya pamulandu wa ntampulo shakwe. ¹⁶ Umuntu wa mano alatina no kupilibula ukuya ukufuma ku bubi, nomba abatumpa tabakwete ukucetekela ukwakupwishishisha ukusoka. ¹⁷ Umo uyo uwa angufyanya ukuba uwakalipa alacita ifintu ifya buwele wele, no muntu uyo uupanga apange yabi ali patwa. ¹⁸ Abapelwa amano cikwatwa cabawelewele, nomba abantu abacenjela cibalika ca kwishiba. ¹⁹ A bantu ababi bakakontama panshi kuntanshi kuli bonse abo abawama na bonse abo ababifi bakakontama panshi ku minshi ya bantu abalungama. ²⁰ Umuntu ushakwata balamupata naku cibusa cakwe cine, nomba umuntu uwacuma alakwata ababiye abengi. ²¹ Uyo untu alanga imisula pa mwina mupalamano alabembuka, nomba uyo untu alanga ububile ku uushakwata alapalwa. ²² Bushe tabalulumba abo abatunganya ububi? Nomba bonse abo abapanga ukucita ifisuma bakapokelela ukutemwa ukwaiminina ne cine. ²³ Mukukosa konse ukwa mulimo mulafuma icibwesha, nomba ilyo kulifye ukulanda, kutwala mu cipowe. ²⁴ Icibalika ca bantu bamano ecuma cabo, nomba ukutumpa kwa batumpa bena bulabaletelafye ukutumpa ukwingi. ²⁵ Kamboene wa cishinka alapususha imyeo, nomba ena uyo uupema ukufumya ubufi alaleta ukwipaya. ²⁶ Mukatina kuli Yahweh mwaliba ukupama ukwakosa; icicikaba ica kufisamamo pa bena bakwe. ²⁷ Akatina ka kuli Yahweh kamfuku mfuku ka bumi, elo ati umuntu kuti abwela ukuya ukufuma ku nkose shamfwa. ²⁸ Mu bwingi bwe pendwa ya bantu bakwe emusangwa ululumbi lwa mfumu, nomba ukwabula abantu ubukankala buba icibolya. ²⁹ Umuntu uwatekanya alikwata ukumfwikisha uukulu, nomba umuntu uwa anguka ukukalipa akoselesha ukutumpa. ³⁰ Ukutekanya kwa mutima ebumi pa mubili, nomba akalumwa kufwaya kwa mafupa. ³¹ Uyo umo uyo uucita akalumwa ku mupinaalatuka uwapangile ena, nomba uyo umo uulanga ububile ku wabulwa ena alamucindika. ³² Umuntu umubifi aleta ukupona panshi kububi bwa micitile yakwe, nomba umuntu umulungami nakwata ubucingo nangula ni mu mfwa. ³³ Amano yaikala mu mutima wa wacenjela, nomba nangula mukati ka batumpa kuti aleka umwine eka ukwishibikwa. ³⁴ Ukucita ifintu ifyalungama ku koselesha uluko nomba ulubembu ca nsoni ku muntu onse. ³⁵ Uluse bwa ku mfumu bwaba mu mubomfi uyo ubomba mukucenjela, nomba ubukali bwakwe buli pali umo uyo uubomba mu nsoni