¹ Umwana umwaume uwamano alomfwa kufyo wishi alemulangilila, nomba uwakapuni tomfwa ku kukalipilwa. ² Ifitwalo ififuma mukanwa kwakwe umuntu alsekela mu fintu ifisuma, nomba insuuna ya wacenjela yena konaula. ³ Uyo usunga akanwa kakwe aisungila ubumi bwakwe, nomba uyo uwasamuna imilomo yakwe alailetelela umwine. ⁴ Insuna ya muntu umunang'ani takwata nangula cimo, nomba insuna ya mutu uwa cenjela ena ali no kwikuta. ⁵ Umuntu uwaololoka alipata amashiwi yabufi, nomba abantu ababifi bacitafye abene umusebanya, nokulacita ifya nsoni. ⁶ Ubololoke bulacingilila abo bonse abafilubo mu nshita yabo, nomba ububifi bulonaula abo abacita ububi. ⁷ Kwaliba bamo abaibepa ukuba abakankala abene, nomba abashaba nangula fimo fyonse, kabili kwaliba bamo abapelafye fyonse , ilyo balikwata ifyuma ifingi. ⁸ Ifyuma fya muntu ukukankala kuti fyalubula ubumi bwakwe, nomba umuntu umulanda tatina. ⁹ Ulubuto lwa bantu abaololoka lulasekelela, nomba ilampi lya bantu ababipa lilino kufumishiwapo. ¹⁰ Icilumba cena ciletafye ifimfullunganya, nomba abo bonse abakutila kufisuma kwaliba amno. ¹¹ Ifyuma fya kunonkela munshila iyaabipa filapwa, nomba ukwata ulupiya mu kubomba ne minwe yakwe ali no kulenga ulupiya lwakwe ukufula. ¹² Ilyo isubilo lya tantalila, umutima ulatompoka, nomba icilekabilwa nga cafikilishiwa cimuti ca mweo. ¹³ Uyo usuula fintu balemufunda alayonaula umwine, nomba uyo uucindika amafunde ali no kulambulwa. ¹⁴ Ukufunda kwa muntu uwamano kamfukumfukku ka bumi, kulafumya kulukose lwa mfwa. ¹⁵ Amano yalalenga umuntu acindikwa, nomba inshila ya bashakwata icishinka ilaleta ubusanso. ¹⁶ Umuntu uwacenjela alacita amano muli conse cintu alesala, nomba icipuba cena cilasalanganya ubupuba bwakwe. ¹⁷ Intumi iyabipa iponena mu bwafya, nomba intumi ya cishinka ileta ukupola. ¹⁸ Uyo uusula ukusambilila ali no kukwata ukubulwa ne nsoni, nomba uufwaya ukumulungika alacindikwa. ¹⁹ Ala cilawama ico walefwaisha nga camoneka, nomba bunani kufipuba ukufuma kububi. ²⁰ Ukwenda no muntu uwamano nobe uli no kuba uwamano, nomba uwenda ne fipuba ali no kucula. ²¹ Ubusanso bwisa pababikfya, nomba umuntu uwaololoka alalambulwa ubusuma. ²² Umuntu umusuma alashila abenshikulu bakwe icakupyana, nomba ifyuma fya babipa fisungilwa umuntu uwaololoka. ²³ Mwibala lya mulanda mulaseka ifyakulya ifingi, nomba umuncishanya ulafumyapo. ²⁴ Uyo ushibula ubwembya alipata umwana wakwe umwaume, nomba uyo uwatemwa umwana wakwe umwaume alatekanya ukumufunda. ²⁵ Umuntu uwaololoka alalya no kwikusha insuna yakwe, nomba ifumo lya wabipa lyonse likala ne nsala.