¹ Umwangashi uwamiponto n cakunwa icamaka ica mpoma; uyo onse uupumbukilako mukunwa takwata mano. ² Akatina akakutina imfumu kwaba kwati kuti na kwa mwana wa nkalamu ilya ili mukubuluma; na umo uyo alepanga umwine ukukalipa aibembukilo bumi bwakwe. ³ Ici bucindami pali onse ukufuma ku fyongo, nomba uwatumpa onse alatolokela mu fikansa. ⁴ Umunang'ani talima ukufuma pa mwela, ena alafwaya ifisabo pa nshita ya kusombola nomba takakwate nanngula fimo. ⁵ Umulimo wa mu mutima wa muntu waba kwati menshi ayashika, nomba umuntu umo uwa kumfwikisha akatapulamo. ⁶ Abantu abengi balabilisha ena wa luse nomba nani uwinga sanga umo uyo uwa luse? ⁷ Umuntu uwalungama enda muli bucishinka, na bana bakwe abaume abo abakonka paanuma yakwe bakaba abapalwa. ⁸ Imfumu iyo iyaikala pa citebe ilabomba imilimo iya kupungula ena icakuminako fyonse ku menso yakwe bubi ukweba ati buli pantanshi yakwe. ⁹ Nani uwingalanda ati, ''Nebo nalisunga umutima wandi uwa wama; Nebo ningwama ukufuma ku lubembu lwandi''? ¹⁰ Ifya kupiminako ukufina ne fishilingile ukupiminako--- fyonse fya bunani kuli Yahweh. ¹¹ Nangula mwaice bamwishibila muficitwa fyakwe, nangula i,ili,oyakwe yaliba iisuma nangula iyaololoka. ¹² Amatwi ayomfwa na menso ayamona-- Yahweh ewafipanga fyonse fine. ¹³ Witemwa ukulala nangula webo ukesaba munsala; isula amenso yobe na webo ukakwata ifya kulya ifingi. ¹⁴ ''Fibi! Fibi!'' ushita efyo alanda, nomba ilyo ena ayakumbi ena alayumfwa. ¹⁵ Kulya kuli golide no kwikuta ku mabwe ayamutengo, nomba imilomo yakwishiba fipe ifyakosa umutengo. ¹⁶ Bula insalu yakwe umo uyo uwabikile icakulunda pa mweeni, no kwikata mu cakulaya ilyo ena abika icakulinda pa mwanakashi umbi umbi. ¹⁷ Umukate ulomfwika uwalowa ku muntu uwabufi, nomba panuma mu kanwa kakwe mwisulafye tu mabwe tuono. ¹⁸ Bika amapange pa kupanda amano na pakucingililwa kwa mano kwimya ubulwi. ¹⁹ Uwa bukwakwa asokolola inkama, na elyo webo tauli nokuba pamo na bantu abo abalandisha sana. ²⁰ Nga muntu atipwila wishi nangula nyina wakwe, akatolitoli kakwe kakabikwa kunse mukati ka mwafita. ²¹ Icuma icasangwa bwangu bwangu bakutampa taca kapalwe mu kulekelesha. ²² Wilanda ukweba ati, ''Nebo ndino kukupa panuma pali ici cilubo!'' Lolela pali Yahweh na ena webo akakupokilola. ²³ Ifya kupiminako ifishalinga fya muselu kuli Yahweh, ne cakupiminako icakufinsha tacawama. ²⁴ Amatampulo ya muntu yaba ayatola kuli Yahweh; kanshi nomba ena kuti aumfwikisha shani inshila yakwe? ²⁵ Ici lukose pa muntu ukulanda no kususha, ''Ifi fintu fya mushilo,'' no kutampa ukutonkanya pamulandu wafintu cipilibula ilyo panuma ya kupanga umulapo wakwe. ²⁶ Imfumu ya mano ilela umubi no kubwesesha icakuminako umupeto pali bena. ²⁷ Umupashi wa muntu katolitoli kakwa Yahweh, ''fwaya monse mufiputulwa ifya mukati kakwe. ²⁸ ukwiminina ukwa luse ne cishinka filinda imfumu; ena apanga icitebe cakwe icakosa kutemwa. ²⁹ Ululumbi lwa balumendo emaka yabo ne fyakufwala fya bakote ni ndaale ya mishishi yabo. ³⁰ Ukulwa kwa mwela ukupanga icilonda cisamfya umubifi no kumwa kupanga ukusamfya ifilundwa fya mukati.