¹ Pabushiku bwalenga isiku cinekonsekonse Mose aitile Aarone nabana bakwe , nentungulushi shamu Isreali. Atile kuli Aarone, ² ''bula uwana wang'ombe pamukuniku cabupe calubembu, nempanga iyabula akalema kukuba icabupe cakoca, nokufipela kuli Yahweh. ³ Ukalanda kubana ba Isreali nutila, 'Send imbshi iilume kucabupe camasambi nakana ka ng;ombe, ne mpanga, fyonse fibe nomwaka kabili ukwabula akalema, kukuba icabupe cakoca; ⁴ Kabili usende nomwana wampunda na impanga kukuba icabupe ca mutende kuli Yahweh, nakabili icabupe cangano icasankana na mafuta, pantu lelo Yahweh alemonekela kuli webo.'''' ⁵ Elo baletele fyonse ifyo Mose abakonkomeshe kunkambi yakolonganinamo nabonse abantu bapalamine kuli Yahweh. ⁶ Elyo Mose atile, ''Ifi efyo Yahweh akonkomeshe kuli mwebo ifyo mufwile ukucita, pakeba ati ubukata bwakwe bwingamonekela kuli mwebo,'' ⁷ Mose atile kuli Aarone, '' palamina kucipailo nuleta icabupe camasambi yobe necabupe cakoca, nokuipalamika capamo webo nabantu, kabili pela ilambo lyabantu kukupanga icakubaletapamo. ngefyo Yahweh akonkomeshe.'' ⁸ Eico Aarone apalamine pacipailo nokwipaya umwana awng'ombe kucabupe calubembu icakwe. ⁹ Abana bakwa Aarone baletele umulopa kuli wena, nao atubikemo umunwe wakwe nokukana kumasengo yacipailo, nokwila umulopa panshi ya cipailo ¹⁰ NMomba alyocele amafuta, imfyo,nayafimba kulibu pacipailo nga icabupe calubembu, ngefyo Yahweh akonkomenshe Mose. ¹¹ Umunani nefyashala aocele kunse yankmbi. ¹² Na Aarone aipeye icabupe cakoca, nabana bakwe bamupele umulopa, uo asanshile konse kumbali shacipailo. ¹³ Elo bamupele icabupe cakoca, tupimfyatupimfya, capamo nomutwe, kabili alifyocele pacipailo. ¹⁴ Asamfishe ifyamukati namolu nokufyoca pamulu wacabupe cakoca. ¹⁵ Aarone aletele ifyamalambo yabantu- nokufisenda ngecabupe camasambi yabo nokwipaya. atulile palubembu, ngefyo acitile kumbushi yakubalilapo. ¹⁶ Atambike icabupe cakoca, nokucipela ngafimtu Yahweh akonkomeshe. ¹⁷ Atambike icbupe cangano; aciswishe muminwe yakwe nokoca pacipailo, pamo necabupe cakoca ica lucelo. ¹⁸ Aipeye nomwana wa ng'ombe nempanga, ilambo lyacabupe camutende, ilyali lyabantu. Abana bakwa Aarone bamupele umulopa, uo akanine mumbali yacipailo monse. ¹⁹ Elyo nomba , baliputwile amfuta ya ng'ombe nempanga, amafuta yakumucila, namafuta yalya ayafimba ifya mukati, imfyo nefyafimba amabu. ²⁰ Basendele ifipimfya fyonse ifyputawilwe nokufibika mumabele, elyo nomba Aarone afyocele pacipilo ²¹ .Aarone ashishishe amabele ntanta lyakukulyo ngecabupe icashila kuli Yaweh, ngafintu Mose akonkomeshe. ²² Elo Aarone amishe amaboko yakwe pabantu nokubapala; elo afumine mukupela icabpe camasambi, icabupe cakoca, necabupe camutende. ²³ Mose na Aarone baile muncende yakulongannamo, ello bafumine nakabili alipalile abantu, nobukata bwakwa Yahweh bwamonekele kubantu bonse. ²⁴ Umulilo wafumine kuli Yahweh nokoca icabupe cakoca namafuta pacipailo.elyo abantu bonse bamwene ifi bapundile nokukontamina ifinso panshi.