¹ Nadabu na Adibu, abana bkwa Aarone, cilaumo asendele icifutumwino, nokubikamo umulilo mucifukiisho. Elo bapele umulilo uwabula ukusuminishiwa kuli Yahweh, Uo tasunishe bee ukupela. ² Eico umulilo wafumine kumulu nokubonaula, nabo balifwile pacinso cakwa Yahweh. ³ Elyo mose atile kuli Aarone, ''Ifi efyo Yahweh apilibwile lintu alelanda , 'Nkalangisha bumushilo bwandi kuli balya abakampalamina. Nkacindamikwa kubantu bandi.''' ⁴ Mose aitile mkishele na elesafani, abana bakwa Uzielo naluma wakwa Aarone, nokutila kuli bena, ''' isen kuno isene musende ba munonko ukubafumya munkambi ya cinyumbanyumba.'' ⁵ Efyo bapalamine nokubasenda ninshi bacili nabafwala ifykufwala fyabushimapepo, ukubafumya munkambi, nafintu Mose abatungulwile. ⁶ Elo Mose altile kuli Aarone nakuli Eleazer, nakuli Ithamar, abana , abana bakwe, ''Tamulingile kuleka umushishi wakumtwe wenu uleba uwasalangana, kabili tekulepula insalu shenu, pakwebati mwifwa, kabili pakwebati Yahweh efulwa nabantu benu bonse. Nomba suminisha ulupwa lobe, ing'nda yakwa Isreali yonse, ukulosha balyabonse abo umulilo wakwa Yahweh wipeye. ⁷ Tamufwile ukufumapo pamwinshi wa ncende yakulonganinamo, naiyo mukafwa, pantu ubusubu bwa kwa Yahweh buli pali mwebo. Eico bacitile ukulingana nafintu Mose abakonkomeshe. ⁸ Yahweh alandile kuli Aarone, ati, ⁹ ''Tekulanwa umwangashi nangula ifyakunwa ifyakalipa, webo, abana bobe abalelela kuli webo, ngawaya muncende yakulonganinamo, pakutila mwikafwa. Icicipope icakubelelela kunkulo nenkulo, ¹⁰ pakulekanya camushilo neca kowela, napa abuta necalamba, ¹¹ pakwebati mukafunde abana ba Isreali amafunde aya yantu Yahweh amikonkomeshe ukupitila muli Mose. ¹² Mose alandile kuli Aarone na kuli Eleazer nakuli Ithamar, kubana ashele nabo, ''Icabupe cangano icashele ku cabupe ca kwa Yahweh icapangilwe kumulilo, nokulya ukwabula intutumshi pambali yacipailo, pantu camushilo. ¹³ Ufwile wacilila muncende yamushilo pantu cakaniko cabana bobe icupe cakwa Yahweh icapngwa kumulilo, pantu ifi efyo nakonkomeshiwa ukkweba. ¹⁴ Nomba pa mabele aya cabupe ca shishiwa netenta lya camusangulo, ufwile ukufilya muncende iya busaka pantu, webo nabana bobe abaume nabanakashi nawebo, pantu bapelwa kuli webo ngecakaniko cabana bobe, icaakanishiwa ukufuma kwilambo lya cabupe icakulongana cabana ba Isreali. ¹⁵ Ngape tanta lya camusangulo napebele ilyashishiwa ilyacabupe, bafwile bacileta ngecabupe ca mafutaicapangwa kumulilo nge cabupe icashishiwa pali Yahweh. Bakaba bana bobe ngecakaniko cobe u muyaya, ngafintu Yahweh akonkomesha.'' ¹⁶ Elo Mose aipwishe pa mbushi iya cabupe, nokusanga ukwebati yalyochewa. Eico alifuliilwe Eleazar na Ithamar, abana bashala abakwa Aarone; nokutila, ¹⁷ Cinshi mwalila icabupe camasambi muncende ya cinyumbanyumba, pantu nincende iyashilisha, kabili Yahweh alicipela kuli mwebo aci cisende amampulu yakukolongana kwa bantu, kiukupanga icakukolonganika pamo kuli ena? ¹⁸ Moneni, umiulopa waiko tauletelwe mucinyumbanyumba,kanshi mwacilalinga mwacilya muncende yakulonganinamo ngafintu nakonkomeshe.'' ¹⁹ Elyo Aarone aaswike Mose, moneni, lelo bapanga icabupe cabo icalubembu necakoca kuli Yahweh, necicintu cancitikila ilelo. Nganingalya icakulya ica lubumbulelo, ngacacitemuna Yahweh?'' ²⁰ Lintu Mose aumfwile ico , alyumwikishe.