¹ Yahweh alandile kuli Mose, ukutila, ² ''Senda Aarone nabana bakwe, imingila namafuta yabusubo, ingo'mbe yamasambi, impanga shibili nomuseke uwamikate iyabula ukututumuka. ³ Kolonanika abacilonganino pamwinshi wa ncende yakulonganinamo.'' ⁴ Eico Mose acitile ukulingana nefyo Yahweh amukonkomeshe, nabacilongnino baishile capamo pamwinshi wa ncende yakulonganinmo. ⁵ Elo Mose abele aacilonganino, ''Ifi efya konkomeshe Yahweh ukucita. ⁶ Mose aletele Aarone nabana bakwe nokubasambika naenshi. ⁷ Abikile insalu pali Aarone nokukaka insalu mumusana wakwe, nokumufwika umwingila nkubika icinkutu pali wena, elo akaka icinkutu mumusana wakwe nenselu yakolokondwe necakukaka mumusana nokumukaka. ⁹ Amubikile na tumba pa cifuba, namuli tumba abikamo mabwe utw urlimu na Tumani. ⁸ Abika na tabani pamutwe wakwe napali tabani, kiuntanshi, abikako imnale yamukuba, icibalika cacongwe ico Mose amukonkomeshe. ¹⁰ Mose abulile amafuta ya busubo, nokusuba icinyumbanyumba nafyonse ifilimo ukpelwa kuli Yahweh. ¹¹ Akanine amafuta yabusubo imiku cinelubali, nefibombelo fyonse necibeseni capanshi, ukupelwa kuli Yahweh. ¹² Aitile amafuta yabusubo yamo pamutwe wa kwa Aarone nokumusuba kuku mupatulako. ¹³ Mose aletele abana bakwa Aarone nokubafwika afinkuli nokubapomba insalu shakolokondwe kumitwe, ngefyo Yahweh akonkomeshe. ¹⁴ Mose aletele ing'ombe kucabupe calubembu, na Aarone na ban bakwe abatambikepo iminwe pamitwe yang'ombe isho baletele kucabupe calubembu. ¹⁵ Mose alipeye,nokubula umulopa ukibika pamasengo yacipailo kumunwe wakwe, ukusangululula icipailo, nokucileta capamo kuli Yaheh pakuti cisanguluke. ¹⁶ Abulile amafuta yonse ayali mukati, nayafimbile ku mabu, nemfyo shonse namafutakumo, ¹⁷ Na Mose alifyocele ing'ombe, icishingamo, umunani, namabondo kunse yankambi, ngafintu Yahweh akonkomeshe. ¹⁸ Mose aletele impanga kucabupe cakoca, na Aarone nabana bakwe batambike iminwe yabo pampanga. ¹⁹ Alipeye nokukana umulopa pali cila lubali lwacipailo. ²⁰ Aputawile impanga mutupimfya nokoca umtwe notpimfya na mafuta. ²¹ Asamfishe ifyamumala na molu kumenshi, nokoca impanga yonse pacipailo. Yali vabipe cakoca nofumya icena cisuma, Icabupe icapangwa kumulilo ica kwa Yahweh ngafilya Yahweh akonkomeshe. ²² Elo Mose aletele impanga imbi, impanga iyakushisha, na Aarone nabana bakwe batambikepo iminwe pamutwe wampanga. ²³ Aarone alipeye, na Mose abulilepo imulopa umo nokubika kukutwi kwakwa Aarone ukwa kukulyo,nakucinkumwa cakukuboko kwakwe ukwakulyo,napacikondo icikulu icakulukasa lwakukulyo. ²⁴ Aletele abana bakwa Aaarone, nokubikakako umulopa umo kukalebelebe kakukutwi, kucinkumwa ckukuboko kwa kukulyo, nakucikondo i'cikulu icakukulyo. Elyo Mose akanine umiulopa kumakona yonse aycipailo. ²⁵ Abulile amafuta, amafuta yakumucila, amafuta yonse ayali mkukati, ayafimbile kumabu,imfyo shbili namafuta, netanta lya kukulyo. ²⁶ Ukufuma mumuseke wamikate yabula ukututumuka iyali pacinso cakwa Yahweh, abulilepo umukate umo uwabulamo intutumushi, nokate umo uwasankanako namafuta,na wefa,nokufibika pamafuta napetanta lyakukulyo. ²⁷ Abikile muminwe yakwa Aarone napabana bakwe fyonse nobashisha gabashila bakwa Yahweh kucabupe. ²⁸ Elo Mose afisendele mumaboko yakwe nokufyoca pacipailo kucabupe cakoca. Cali cabupe icashila kabili cafumishe icena cisuma. Cali cabupe icakoca icapangilwe Yahweh. ²⁹ Mose abulile ibele nokulishisha nge cabupe icashila kuli Yahweh. Cali cakaniko cakwa Mose kukusuba bashimapepo, mngafintu Yahweh amukonkomeshe. ³⁰ Mose abulile amafuta yabusubo yamo nomulopa uwali pacipailo; nokukana ifi pali arone, pansalu shakwe, napafyakufwala fyabana bakwe. Muli iinnshila apatwileko Aarone nabana bakwe nensalu shabo kuli Yahweh. ³¹ Eico Mose atile kuli Aarone nabana bakwe, ''ipikeni inama pamwinshi wancende yakulonganinampo, kabili apopene lyeni nomukate uuli mumuseke uwashile, ngafintu nakukonkomeshe, ukutila, '' Aarone nabana bakwe bakalya.' ³² Fyonse ifyashala kunama ulingile ukufyoca. ³³ Taufwile ukufuma pamwinshi wancende yakulonganinamo panshiku cinelubali, mpakfye inshiku shacumfwila shobe shakumana. Pantu Yahweh akakushisha panshiku cine lubali. ³⁴ Icacitwa lelo-Yahweh alikonkomeshe ati cikacitike pakumileta capamo. ³⁵ Mukekala ubushiku na kasubae pamwinshi wancende yakulonganinamo, nokusunga ifunde lyakwa Yahweh, pantu ifi efyonakonkomeshe.'' ³⁶ Eico Aarone na bana bakwebcitile fyonse ifyo Yahweh abakonkomeshe ukpitila muli Mose.