¹ Ili efunde ilya cabupe cakushininwa. lyaliba ilya shilisha. ² Balingile ukwipaya icabupe cakushininwa mu cifulo cakwipailamo, kabili bafwile ukukana umiulopa kuli cila lubali lwa cipailo. ³ Yonse amafuta yalimo yafwile ukupelwa: amafuta yakumucila, amafuta ayali mufilundwa fya mukati, ⁴ imfyo shibili namafuta ayalimo, ayapalamine ku cifu, nayalya ayafimba ku libu, nemfyo-fyonsefi fifwile ukufumishiwamo. ⁵ Bashimapepo bafwile ukoca fyonse ifi pacipailo nga icabupe icipangilwe kumulilo ica kwa Yahweh. Ici ecabupe cakushininwa. ⁶ Umwaume uulionse pali bashimapepo kuti alyako icilundwa caiko. cifwile ukuliwa muncende ioyashila pantu camshilo. ⁷ Icabupe lubembu cabakwati cabupe cakushininwa. Ifunde limoline lilabomba pali fyonse fibili. Fyakwashimapepo uupalamika abantucapamo namwine. ⁸ Shimapepo uupela pafyamabupe fyakoca kuti ashalapo natumo palifyo ifyabupe. ⁹ Conse icabupe cangano icaocewa mu citofwe, necabupe conse icaifyo icapikwa muli pani yakusalwilamo nangula muli pan i wakocamo cikaba cakwa shimapepo uwacipela. Conse icabupe cangano, ¹⁰ icauma nangu icasankanishiwa namafuta, cikaba ca ba lupwa ba kwa Aarone bonse capamo. ¹¹ Ili efunnde ilye lambo ilya cabupe ca mutende ico abantu bakapela kuli Yahweh. Nga ¹² uuli onse apela nga icabupe cakutahsha, afwile acipela na ilambo lya mukate uwabula intutumushi, nomba ukusubako amafuta, na ikmikate ayapangilwa fulaulo umusuma uwasankana namafuta. ¹³ Elyo kumulandu akupela ukutotela, afwila apelela pama nelmbo lya cabupe ca mutende ne mikate iyapangwa ukwabula intutunushi. ¹⁴ Afwile apela cilmutundu ifyamalambo ifyasangulwa ifyakwa Yahweh. cikaba cakwa shi mapepo uukana umulopauwa cabupe camutende pa cipailo. ¹⁵ Umuntu uulepela icabupe camutende pamulandu wakupela amatotelo afwile ukulya umunani wacabupe cakwe pabushiku bwelambo lyakwe. Tafwile ukufumapo mpakofye ulucelo lwakonkapo. ¹⁶ Nomba ilambo lyacabupe cakwe nga lyapamulandu wacilapo, nangula pamulandu wacabupe cakuitemenwa, umunani ulingile ukuliwa pabushiku bulyabwine alepelelapo ilambo, lelo ngapali fyonse ifyashalapo fifwile ukuliwa ubushiku bwakonkapo ¹⁷ Nomba, ngacakwebati fyonse ifyapangilwe iambo fyashalapo fifwile ukocewa pabushiku bwalenga citatu. ¹⁸ Ngacakuti icili conse pamunani welambo ilya cabupe camutende caliwe pabushiku bwalenga citatu. tacakapolelwe ¹⁹ Umunani onse uwakumya kucakowela taufwile ukuliwa. Ufwile waocewa kumulilo. ²⁰ Nomba, ngacakuti umuntu uwakowela alyako ku munani ufumine kwilambo lyacabupe ca kwa Yahweh-umuntu waifyo afwile afumishiwako kubantu bakwe. ²¹ Ngakwebati umuntu uuli onse aikata kucakowela-cibe kukowela kwanama nangu ukwa muntu nangu ukukowela kumbi, ifilifyonse ifya kowela-elo kabili nga alyako nakufyakulya ifyelambo lyacabupe ca mutende icaba chakwa Yahweh, uyomuntu afwile afumishiwako kubantu bakwe. ²² Elo Yahweh alandile kuli Mose, ukwebati, ²³ ''Landa kubantu ba kwa Isreali nokutila, 'tamufwile mwalya amafuta ayali yonse aya ng'ombe, imbushi,impunda. ²⁴ Amafuta ya nmama iyafwa ukwabula ilambo, nangula amafuta yanamaiyaipaiwa kunama yampanga, limbi kuti yabomfishiwako kuli fimbi, nomba mwebo tamulingile ukulya. ²⁵ Uulionse uwalyaamafuta yanama iyo abantu bengapela ilambo kuli Yahweh ukubomfya umulilo, umuntu waifyo alingile ukumufumya kubantu bakwe. ²⁶ Tamufwile ukulya umulopa uulionse mumayyanda yenu, uwafuma kuconi nangula kunama. ²⁷ Uulionse uwalya umulopa, umuntu waifyo akafumishiwe kubantu bakwe. ²⁸ Elyo Yahweh alandile kuli Mose nokutila ati, ²⁹ ''Landa kubantu bakwa Israeli nokutila ati, 'Uwapela ilambo ilya cabupe camutende kuli Yahweh afwile aletako necakaniko celambo kuli Yahweh. ³⁰ Icabupe cakwa Yahweh cilingile ukupangwa kumulilo, iminwe yakwe umwine ifwile ukuleta. Alingile ukuleta amafuta nebele, pakwebati ibele lingabeiwanga icabupe icabeiwa kuli Yahweh. ³¹ Shimapepo alingile aoca amafuta pacipailo, lelo ibele likashala lyakwa Aarone naba lupwa bakwe. ³² Ufwile ukupela icintu icayana kuli shimapepo na icamusangulo ukufuma pe lambo lya cabupe camutende. ³³ Shimapepo, umo uwamulupwa lwa kwa Aarone, Akapela jumulopa uwacabupecamutende namafuta yakakwata itangta lyakukulyo nge cakaniko cakwe. ³⁴ Pantu ninsenda ukufuma kubantu bakwa Isreali, ibele ilya cabupe cabeiwa, netanta ilil camusangulo ukufuma kwilambo ilyafyabupe fya mutende, kabili nacipelwa kuli Aarone Shimapepo nabana bakwe nge cakaniko cabo. ³⁵ Ifi efyashishiwa kuli Aarone no lupwa lwakweku fyamabupe fya kwa Yahweh ifyapangwa ku mulilo, pabushiku buntu Mosde afitambike kukubombela Yahweh mumulimo wabashimapepo. ³⁶ Ici ecakaniko eco Yahweh akonkomeshe ukubapela ukufuma kubantu ba kwa Isreali, pabushiku buklya asule bashimapepo. Cikaba cakaniko cabo umuyayaya. ³⁷ Eli efunde ilya pacabupe cakoca, icabupe cangano, isha cabupe calubembu, isha cabupe cakushininwa, isha kushishishako, ³⁸ pafyo Yahweh akonkomeshe Mose pa lpilwa sinaion bulya bushiku buntu amukonkomeshe palwa bena Isreali kuku pela amalambo yabo kuli Yaweh mu ciswebebe ca Sinai.'''