¹ Mose akolonganyike ulukuta lonse nokulada ati, '' Ifi efintu Yahweh akonkomeshe mwebo ukucita mwebana ba Israeli. ² Pa nshiku mutanda emo mukalabpma umulimo, nomba kuli mwebo, ubushiku ubwalenga cinelubali bukabe ubwa mushilo, bushiku bwesabata ubwapwililika ubwa kutusha, uwbwa mushilo kuli Yahweh. Uyo onse uukabomba umulimo mubushiku bulya akabikwa kukwipaiwa. ³ Mwebo tamuli nokushamo umulimo onse mumayanda yenu mubushiku bwesabata.'' ⁴ Mose alandile kulukuta lonse ulwabena Israeli, nokutila, ''Ifi efintu fintu Yahweh akonkomeshe. ⁵ Buleni ifyamusangulo fyakwa Yahweh, onse uwamuli mwebo uukwete umutima uwakuitemenwa. Leteni icamsangulo kuli Yahweh-golide, silfere, umukuba, ⁶ nobushishi ubwafitako, nobwakashikila, nobwamasako yasuma; nefintu fya mushita; ⁷ ne mpapa sha sukusuku ishanaka bwino nempapa yaabulwa mumenshi, nefintu fyamushita. na mafuta yamukatolitoli, ⁸ namafuta ayasuma ayakusuba ayanunkila nayanunkila aya cunshi, ⁹ namabwe aya shohamu namabwe yambi ayakwangasha ayakubika pacakufwala utupimfya twapacifuba. ¹⁰ Umuntu onse uwaishia uuli mukati kamulimwebo ese nokubomba fintu Yahweh akonkomeshe_____ ¹¹ Nencenede yakulanshanishishamo pamo ne tenti; necakufimba, notwakukofyamo twatuko, nefyaiminina, nemipido, nefyaimikwa, namashinte; ¹² pamo ne cipso nemyalo, nenkupiko yacakupwisishishapo ulubembu, nensalu yakucingililako pamwinshi. ¹³ Bena baliletele netebulo pamo nemyalo yailiko, nefipe fyonse ifyaliko, neefyakulya fyakucinso; ¹⁴ necakutekapo akatolitoli, nefipe fyaciko, notutolitoli namafuta yamututolitoli; ¹⁵ necipao cako elapo nemyalo yaciko, namafuta yakusuba namafuta ayanunkkila bwino ; ¹⁶ necipailo icakuninikilapo ifyamusangulo pamo nomukubo uukulu nemyalo yaciko nefipe; nakabeseni akakulu necakutekapo caciko. ¹⁷ Bena baliletele nefyakwikatilila pamusolo pamo nefyakwimikilako namashinte yaciko, nensalu shakubika kumwinshi wamusolo ; ¹⁸ nefyakwikata itenti lyakulanshanishishamo nomusolo nemyalo yaciko. ¹⁹ Bena baliletele nefyakufwala ifyapikulwa ifyakubombelamo muncende yamushilo, ifyakufwala ifyamushilo ifyakwa Aarone shimapepo nabana bakwe abaume, ifyo bena babombelamo buhimapepo.'' ²⁰ Nomba imikowa yonse iyabena Israeli baishile nokuya kumbi ukufuma kucinso cakwa Mose. ²¹ Elyo o se uo umutima wakwe waimishe noyo umupashi wakwe wacitile ukiifwaila ukwisa nokuleta icamusangulo kuli Yahweh kubukule bwacakulanshanishishanyamo, kufipe fyonse ifyakuli uyu mulimo, nakufyakufwala ifyamjushilo. ²² Bena balishile, bonse abaume nabanakashi, uyo onse umutima wakwe wafwaile. Bena baletele ifipini, intenga, nemieto yakukambatikilako, umusango onse uwafyakufwala fya golide. Bena bpnse bafipalamike ifyamusangulo uwa golide elo icakushinshinka icamusangulo kuli Yahweh. ^{23 24} Mose akolongonyike ulukuta lonse ulwa bena Israeli no kulanda kuli bena ati, ''Ifi efintu Yahweh akonkomeshe mwebo ukucita. Panshiku mutada emo mwebo mukalabomba umulimo, nomba kuli mwebo, ubushiku ubwalenga cine lubali bukabe ubwa mushilo, bushiku bwesabata ubwamushilo kuli Yahweh. Uyo onse uukabomba umulimo mubushiku bulya ali nokubikwa kukwipaiwa ²⁵ Umwanakashi onse uwakashiwa anasha amasako kuminwe yakwe nokuleta ifyo wene anasha__ubwafitulukila, ubwakashika, ubwakashikila, nangu ubwamasako ayakashika, nangu ubwabuta ubusuma. ²⁶ Abanakashi bonse abo umutima wabo waimishe noyo uukwete ukuukoshiwa ukunasha amasako yambushi. ²⁷ Nentungulushi shaletele amabwe ya shohamu nafimbi ifyakuba pafifuba ifyakufwala pacifuba ; ²⁸ bena baliletele ifyanunkila bwino namafuta yamututolitoli, nayakusuba pamubili, nayabwema busuma. ²⁹ Abena Israele baliletele ifyamusangulo fyakuifwaila kuli Yahweh: umwaume onse nomwanakashi uo umutima wafwaya umwine ukuleta ifipe fyakumilimo iyo Yahweh akonkomeshe ukupitila muli Mose ukubombwa. ³⁰ Mose alandile kubena Israaeli ati,'' Moneni, Yahwehaliitile mwishina pa Besele umwana umwaume uwakwa Hari, ukufuma mumukowa wakwa Yuda. ³¹ Ena alimwwiswishemo Beselele umupashi wakwe, mukupela ena amano, umucetekanya, ukwishiba kumusango onse uwamicitile. ³² Mukwelenganya ifya kwelenganya na kubomba muli golide, silfere, nomukuba ; ³³ Pamo mukuputula nokupima amabwe nokubasa ifimuti__mukucita umusango onse uwamititile nokwelenganya. ³⁴ Ena alibikile ifi mumutima wakwe mukusambilisha, bonse ena na Oholiabu umawna wakwa Ahisamaki, ukufuma mumjukowa wakwa Dani. ³⁵ Ena aiswishe bena pamo ukukanshiwa ukucita umusngo onse uwakubomba, mukubomba kwakwelengenya, kabasa, nakapikula wabwafita kunono, uwbwakashikila, nnobwamasako yakashika nobwabuta ubusuma, nowakwakapikula. Kwali aba kucita umulimo mumusango onse uwakubomba, nakabili kwali nabakwelenganya ifyakwelenganya.