¹ Eico beselele na Ohliabu nomuntu onse uwaba uwakanshiwa uyo Yahweh apele amano nomucetekanya uwakwishiba ifyakubomba umulikmo onse uwakukula muncende yamushilo bali nokubomba umulimo umwabela mulifyonse fintu Yahweh akonkomeshe.'' ² Mose aitile Basele, Ohliabu, nomuntu onse uwakanshiwa muli ayo amano Yahweh apele ukwishiba, namuli uyo umjutima waimishe mukati mukati kakwe mukwisa nokubomba umulimo. ³ Bena balipokelele ukufuma kuli Mose ifyamusangulo fyonse ifyo abena Israeli baletele kubukule bwancende yamushilo. Abantu baletele ifyamusangulo fyakuifwaila lyonse kumaca. ⁴ Elo bonse abantu abakanshiwe balebomba pancende yamushilo baleisa ukufuma kumulimo uyo bena balebomba. ⁵ Ababomfi bakumulimo baebele Mose ati, '' Abantu balimukuleta fimbi pafishili fya kumulimo wabubomfi wamulimo untu Yahweh akonkomeshe fwebo ukucita.'' ⁶ Elo Mose alangilile ati takuli nangu umo munsakwe ukwesha ukuleta nakabili icamusangulo kumulimo wabukule bwancende ya mushilo. Nomba abantu balekeleukuleta ifyabupe. ⁷ Bena balikwete ifngi ifipe fyamjulimo onse. ⁸ Elo bonse balimukati kabo abakubomba kumulimo wancende wakulanshanishishamo kunsalu shakucingilisha ishili ikumi shapangilwe kunsalu ishabutisha naku wafitulukila, nnowakashilila,nowamasako yakashika, nowakashika uwalembwapo ba Kerubi. Uyu waalimulimo wakwa Beselele, umulimo wakwakabomba wakanshiwa. ⁹ Ubutali bwapanshi imo imo bwali amata amakumi yabili__nacine konsekonse, mubwipi amata yane. Ifya kucingi;isha fyonse fyali cimocine. ¹⁰ Beselele alundenye impashila shisano kushinankwe ifyofine. ¹¹ Ena apangile nomwakwingisha ukwafita kunono ukukonka kumpela yakufumina nakumpela yampashila yacinti yabumo, naena acitile cimocine ukukonka kumpela yakufumina nakumpela yacintu cabubil. ¹² Ena apangile umwakwingisha umuli amakumi yasano panshila yantanshi namakumi yasano umwakwingisha kulutwe lwakumpela yampashila mucintu cabubili. Elo umwakwingisha mwali jmwalinhana capamo. ¹³ Ena apangileutwakukobekako utuli amakumi yasano utwa golde nokusuntinkanya impashila capamo kuli shena elo ati icakulanshanishishamo caisaba nomba icakwatana iaikatana pamo. ¹⁴ Baselele apangile impashila kumasako yambushi ukuba itenti pacakwikalamo; ena apangile impashila ikumilimo_nalimo kuli ifi. ¹⁵ Ubutali bacila mpashila bwali amata amakumi yatatu, namubwipi bwacila mpashila bwali amata yane. Cilampashila shonse ikumi limo nalimo shali ukulingana kumo kwine. ¹⁶ Ena alundenye impashila shisano kumokwine nashimbi impashila utanda kumo kwine. ¹⁷ Ena apangile umwakwingisha umuli amakumi yasano kunembe nembe yakulutwe yampashila yacintu cabumo, ¹⁸ Beselele apangile utwakukobekako utuli amakumi yasano utwamukuba mukulundinkanya itenti capamo elo ati libe icipimfya cimo. ¹⁹ Apangile necakukupa umwakulanshanishishamo kumpapa yabasuskusuku iyawamisha bwino, naimbi impapa iisuma iyakuya pamulu wacilya. ²⁰ Beselele imfelemu lyakwikalilila ilyapamwinshi ukufuma kufimuti fyamushita mucakulanshanishishamo. ²¹ Ubutali bwamfelemu bwali amata ikumi limo, na namubwipi cila mfelemu bwali ubuta buo necipande. ²² Cila mfelemu yalikwete ifyakwikatilila fibili ifyafimuti ifyakulundinkanya imfelemu capamo. Ena acitilefi kumfelemu shonse ishakulanshanishishamo. ²³ Ena apangile imfelemu mucakulanshanishishanyamo muli iinshila: imfelemu amakumi yabili kukapinda kakukuso. ²⁴ Besesle apangile amashinte amakumi yane aya Silfere ukuya pesamba lya mfelemuamakumi yabili. Kulya kwali amashinte yabili pesamba lyamfelemu imo iyakulundinkanya kumfelemu capamo amashinte yabilipesamba lya cilamfelemu yambi ayakulundinkanya ama mfelemu capamo. ²⁵ Palubali lwabubili ulwa cakulanshanishishanyamo, pakapinda kakukuso, ena apangile imfelemu amakumi yabili. ²⁶ Namashinte yakwe amakumi yane aya Silfere. Kulya kwali amashinte yabili pesamba lyamfelemu yantanshi, amashinte yabili pesamba lyamfelemu ishakonkapo, nefyofine. ²⁷ Pantu kunuma yacakulanshanishanyamo kumasamba, Baselele apangile imfelemu mutanda. ²⁸ Ena apangile imfelemu shibili panuma yamatungi yakulanshanishishanyamo. ²⁹ Ishimfelemu shali ishalekana pesamba, noma ishalundinkana mumupeto umoe. Ena apangile fibili kuli fyena kuli ishila pamatungi yabili. ³⁰ Kulya kwali imfelemu cine konse konse, pamo namashinte yakwe aya Silfere.mmnb Kulya kwa amashinte ikumi limo namutanda muli yonse, amashinte yabili pesama lyantanshi, amashinta yabili pesamba yamfelemu yakonkapo, nefyofine. ³¹ Beselele apangile nemyalo iyapindama iyacimuci camushita_isano pamfelemu kulubali lumo lwacakulanshanishishanyamo, isano iyapindama pamfelemu kulubali lubiye ulwacakulanshaanishishanyamo, ³² Isano iyapindama pamfelemu kubali lwakunuma lwaca kulanshanishishanyamo kumasamba. ³³ Ena apangile nemyalo iyapindama mukati kamfelemu, ukweeba ati, pakati pamulu, ukusanga ukufuma kumpela nakumpela. Ena akupile imfelemu kuli golide. ³⁴ Ena apangile imipeto yakwe kuli golide kuli bena ukubomba elo ukukwatilila pamyalo iyapindama, naena akupile nemyalo kuli golide. ³⁵ Baselele apangile impashila iyakufita kunono, ukwakashikila, nobutonge ubwakashikisha, nensalu iyaabuta iisuma, mukulembwapo ba Kerubi, ukubomba kwamuntu uwakanshiwa. ³⁶ Ena apangile pa mpashila fishingitini fine ifyafimuti fyamushita, naena akupile bena kuli golide. Ena pamo apangile utwakukobekako utwa golide kucishingitini, naena aposelepo pali ena amashinte ya Silfere yane. ³⁷ Ena apangile icakukobekamo kumwinshi we tengti. Ici capangilwe kukufita kunono, ukwakashika, nobutonge ubwakashikisha,ukubomfya iyabuta iisuma, ukubomba ukwakwa kaoikula. Ena apangile fisano kufyakwikatilila kufishingitini. ³⁸ Ena akapile pamulu wafiko nefikakilo kuli golide. Amashinte yakwe yasano yali ayapangilwa kumukuba.