¹ Yahweh alandile kuli Mose ati, ''Putula ifiputulwa fibili ifyamabwe pamo ngefyantanshi. Nebo ndinokulemba pafipampa amashiwi alya ali pafipampa fyantnanshi, ifipampa filya watobele. ² Ukabe uwaipekanya ulucelo nokwisa piluka ulupili lwa Sinai, nokwisa ilanga kulinebo palupili pa mululu. ³ Takuli nangula umo untu ukpiluka nao ukwisa nao, nokwisa ilanga wemwine kulya kuli nebo pamulu wa lupili. ⁴ Elyo Mose apwitwile ifipampa yfamabwe pamo nga ifyantanshi, nao alimine ulucelo celo nkuyapiluka ulupili lwa Sinai, ngafintu Yahweh amwebele Mose alisendele ifipampa fyamabwe muminwe yakwe. ⁵ Yahweh alikoele mwikumbi nokwiminina na Mose palya, nao alwendwelele ishina ''Yahweh.'' ⁶ Yahweh alipitile mupepi pantanshi okubilikisha, ''Yahweh,Yahweh, Lesa waluse nokussenamina, uukokola ukukalipa, nokufina mucipangano vacishinka namuli bumpomfu, ⁷ uusunga icipangano caluse paba makana abankulo,uubelela amampulu, nempuliumushi, nemebu. Nomba ena takalinga ababemba ukuya ukwabula umulandu. Ena akaleta ukukandwa kwamampulu yabashibo pabana babo, napabana babana babo, elo ukufika napankulo iyalenha shitatu neyalenga shine. ⁸ Mose bwangu bwangu akontamike umutwe wakwe panshi nokutatakula. ⁹ Nomba ena alandile ati, ''Nganomba nebo nasanga ukupalwa mumenso yenu, mweshikulu, mukwai muye mukati kafwebo, pantu aba bantu nibacintomfwa. Tubeleleni uluse kumampulu yesu nakulubembu lwesu, nokutupanga icakupyaninina cenu.'' ¹⁰ Yahweh alilandile ati, ''Moneni, Ninebo ndi pakupanga icipangano. Pantanshi yabantu bonse, Nebo ndinoucita ifipesha amanno ifishabala ificitika pesonde lyonse nangu nimumitundu yonse. Abantu bonse mukati kenu bakamona imilimo yandi, pantu ifi fikaba fyakuyinya ifyo nebo ndecita pamo na webo. ¹¹ Ukonke fintu nebo ndilimukukweba webo ilelo. Ninebo ndipakukufumya pantanshi yobe abena Amore, Kanaani, Hitit, Pesia, nomwina Yebusi. ¹² Ube uwacenjela wikapanga icipangano pamo nabekashi bamu calo cintu webo uleyako, nangula bena ukuba ulukose mukati kobe. ¹³ Mulifyo, webo ulinokutobaula ifipailo fyabo,nefishingitini fyabo mukatobaule, nokuputaula imyalo yaba Ashera abo. ¹⁴ Pantu web taauli nakutatakula tu lesa tumbi, uyo ishina lyakwe lyabukwa. ¹⁵ Elo ube uwacenjela takuli kupanga icipangano nabekashi bamu calo, pantu bena nabacita bucilende nab ekashi bamu calo, pantu bena nabacita bucilende abene beka kuli tulesa twabo. ¹⁶ Nomba uo pali bena akakulalika nawebo ukalya ifyakulya fimo ifyamalambo yabo, nanomba webo ulinokubulap bamo pabana babo abanakashi kubana benu abaume, nabana babo abanakashi bakacita bucilende abene beka kuli tu lesa twabo, nabena bakacita abana benu abaume bucilende abene beka kuli tulesa twabo. ¹⁷ Wikacita pali wemwine tulesa twaengwa. ¹⁸ Webo ufwile ukubaka ilambo lyamukata uwabulamo intutumushi. Elo Nebo nakukonkmensha webo, webo ulinokulya umukate uwabulamo icakututumuka panshiku cine lubali pashita iyabikwa mumweshi wa Abibu webo wafumine ukufuma mu Egipti. ¹⁹ Ibeli lyobelyandi, nangu libeli lyamumikuni yobe, yonse mung'onbe, namumpanga. ²⁰ Webo uli nokushita ibeli lya mpunda pamo nomwana nga webo taushitile ukubwesha ibeli lyonse ilya ana babo abauma. Takuli nangu umo uukamoneka kuntanshi yandi ukwaula nangu -cimo. ²¹ Webo ukalabomba apnshiku mutanda, nomba pabushiku ubwalenga cinelubali uli nokutusha.Nangu nimunshita yakulima nangula nimunshta yakusombola ulinokutusha. ²² Webo ulinokusunga ulwendo lwelambo lyamilungu pamo nelambo lyakutampa ukusombola ukwa ngano, nawebo ulinokusunga ulwendo lwelambo lyakulonganyika pamjo pakupwa kwa mwaka. ²³ Imiku itatu mumwaka umo abaume bobe balingile ukulamonekela kuli shikulu Yahweh, lesa wabena Isreali. ²⁴ Pantu nebo ndinokufumyamo imitundu pantanshi yobe nokukusha imipaka yobe. Takuli nangula umo uukafwaya ukukukwata icalo cobe elyo ngecalo elyo webo ukalaya mukupiluka mukumonekela kuntanshi ya kwa Yahweh Lesa obe imiku itatu mumwaka umo. ²⁵ Webo taulinokuntulila umulopa uwelambo lyandi pamo necaktutumuka conse, nangu nakabili inama yonse ku caipaiwa camutebeto uwelambo lya cacilila icashele ukufika ku lucelo. ²⁶ Webo ulinokuleta ifisuma ifyamufisabo fyantanshi ifyamwibala mung'anda yandi. Webo taulinokwipikila umwana wambushi pamo nomukaka wakwanyina.'' ²⁷ Yahweh alandile kuli Mose ati, ''Lemba ayamashiwi, pantu mukutontonkanya ayamashiwi Nebo ndimukupanga icipingo pamo nobe mu Israeli pamo.'' ²⁸ Mose alikulya pamo na Yahweh panshiku amakumi yane akasuba nobushiku ; ena talile icakulya icili conse angula ukunwa amenshi yali yonse. Ena alilembele pacipampa amashiwi haacipingo, amafunde ikumi. ²⁹ Ilyo Mose akokele ukufuma ku lupili lwa Sinai pamo ne fipampa fibili ifyamafunde yacipingo muminwe yakwe. Ena taishibe ati umubili wamenso yakwe yalemoneka iyabeka ilyo alelanda na Lesa. ³⁰ Ilyo Aarone nabena Israeli bamwene Mose, nenkanda ya menso yakwe yali iyabeka nabo balitutwime ukwisa mupepi nao. ³¹ Nomba Mose ali betile bena, na Aarone entungulushi shonse ishalukuta baishile piluka kuli ena. Nomba Mose aladile pamo nabo. ³² Panuma yaifi, abantu bonse abena Israeli baishile piluka kuli Mose, nao abalondolwele amafunde yose yantu Yahweh amupele palupili lwa Sinai. ³³ Lintu Mose apwishishe ukulanda nabo, ena abikile icakuifimba pampumi yakwe. ³⁴ Konse kuntu Mose aile kunnansh yakwa Yahweh kukulanda nao, ena alefumya icakufimba ,ukufika nakunshita yakufuma kunse. Lintu ena afuma kunse, ena aleeba abana bwa Israeli fintu bakukonkomeshe kuli ukulanda. ³⁵ Ilyo abena Israeli bamwene impumi yakwa Mose ilebeeka, abikileko icakufimba pamenso yakwe peka ukufika napanshita abwelelamo mukulanshanya na Yahweh.