¹ Webo ita munonko Aroni nabana bakwe abaume-Nadabu,, Elaesari, na itama- ukufuma mubena Israeali pakwebati bakalembembela ngashimapepo. ² Ukapange Aroni, munonko insalu ikabikwe pambali kuli nebo. Iyi insalu ikabe iyakumucindamika kabili ikabe iisuma. ³ Ukalande kubantu abakwata umutima wamano, pakuti bakapangile Aroni insalu yakumucindamika pambali akalebombela neebo nga shimapepo. ⁴ Insalu iyakuti bakapange ikakwate umufuko pacifuba, na efode, umukansu, insalu iyabula amaboko, tubani, na Osashi. Bakapange ii nsalu pakuti alibikwa pambali kuli nebo. Fikaba fyakwa munonko Aroni nabanankwe abume pakuti bakalebomba umulimo wabushimapepo. ⁵ Abaume abacenjela bakabomfye ubushishi bwa golide, bluu, ubwakashika nobwakashika cee. ⁶ Bakapange efode uwa golide, na bluu ubwakashika natonge uwakashika cee, nakolokondwe uwapyatwa. Ukabe mulimo wabantu abacenjela. ⁷ Ikakwate utuputulwa tubili utwapacipeya, yukalundinkane namakoona yabili aya pa muulu. ⁸ Umushipi uwakukakilako ukabe kwati ni efode; cikapangilwe kuciputulwa cimo pamo na efode iyapangwa nobushishi ubwapyatwa ekweba ati golide, bluu, nobwakashika nobwakashika cee. ⁹ Ukabule amabwe yabili aya orikishi nokulembapo amshina yabana baume abena Israeliikumi limo na babili. ¹⁰ Amashina yabo mutanda yakabe pelibwe limo , kabili amashina mutanda yakabwe pelibwe libiye, ukulingana nabana abaume muntu bafyalilwa. ¹¹ Pamo nomulimo wakwa kabasa wamabwe alaemba pamabwe, efyo ukalembe, ukalembe amashina yabana baume abakwa Israeli ikumi limo nababili pamabwe yabili. Ukashungulushe amabwe notwakufyantikamo utwa golide. ¹² Ukabikemo amabwe yabili pacipeya ku ciputulwa ca efode, ukuba ayakwibukishishapo Yahweh kubana baume abakwa Israeli. Aroni aalinokutwala aya mashina kucinso ca kwa Yahweh pafipeya fibili kukuba icakwibukishishamo bena. ¹³ Ukapange utwakukofyamo utwa golide. ¹⁴ neminyololo ibili iya golide uwaengululwa uwawama, kabili umwakufyantika ukabike iminyololo. ¹⁵ Ukapange itumba lyapacifuba uwabakupanga ubupingula, umulimo wamuntu uwelenganya, ekacitekwati ni Efode. Uwa golide, uwa bluu,uwakashika, nowatonge, uwakashika cee nowakolokondwe. ¹⁶ Akabe uwalingana. Ukapete itumba lyapacifuba konse konse. Citika umo mubutali, nacitika umo mubwipi. ¹⁷ Ukaputulemo imishilwa ineniya mabwe ayakosa umutengo. umushilwa uwapakubala ukakwatemo sadi, Topasi, na genati. ¹⁸ Umushilwa uwabubili ukakwate emalode, safire, na daimondi. ¹⁹ Umushilwa wabutatu ukakwate ayacimuti agte na amatisiti. ²⁰ Umushilwa wa bune ukawate belrili, n orikishi, na yasipi. Umwakufyantika mukashungululuke golide. ²¹ Amabwe yalingile ukuba ifyaba amashina yabana baume ab Israeli ikumi limo na yabili, muntu amashina yabo yabela. Yakabe kwati kubasa kwamipeto, cileshina likalaimininako umo uwamimikowa okumi na ibili. ²² Ukapange umunyololo wapetumba lyapacifuba kwati mwando, umulimo wa golide uwaengululwa. ²³ Ukapangileko imipeto ibili iya golide iyapetumba lyapacifuba kabili ukakambatike kumpela shibli ishapetumba lyapa cifuba. ²⁴ Ukakambatikeko neminyololo ibili mumakoona yabili. ayapetumba lyapacifuba. ²⁵ Ukakambatikeko nenshimbi impela shibila shaminyololo iyaengululwa mjtwakufyantikamo tubili. Elo ukakambatikeko natonse utwapankombe utupimfya twa efode pantanshi yatuko. ²⁶ Ukapange imipeto ibili iya golide kabili ukabika kumakoona yambi yabili kumufuko wapacifuba, mupepi nensalu yamukati. ²⁷ Ukapanga naimbi imipeto ya golide, kabili ikakwate pesamba lyacipeya utupimfya pantanshi y efode, tukaloshe kunse mupwpi na cimushipi ca efode. ²⁸ Ukakake imipeto yakwitumba lyapacifuba kumipeto kuli efode kumwando wa bluu,pakweba ati itumba lyaacifuba likakwate pamuu wacimushipi ca efode. ²⁹ Lintu Aroni aleingila mu ncende yamushilo,akalepita amashiana yabantu abena Israeli pamutima wakwe mwitumba lyapacifuba uwakwishibilako pakwingila, ngecakutwalilila ukwibukisha kuntanshi yakwa Yahweh. ³⁰ Ukabike Urimu na Tumumu mwitumba lyapacifuba, uwakwishililako pakupingula, elo fikaleba pamutima wakwa Aroni lintu akalapitita pamutima wakwe ifyakwishibilako, ifyabupingushi pabantu abena Israeli kuntanshi yakwa Yahweh. ³¹ Kabili ukapenge umwigila uwakufwalila pali efode uwa bluu eka eka. Ukashepo pakati icipunda apakupusha umutwe. Pacipundaapakupusha ukapikulepo ukashungulushe pakuti umwingila taulepwike. Uyu ukabe mulimo wakwa kapikula. ³² Kwisamba lyamwingilaukafukeko, ukapangileko na pomegraanati aya bluu, nayakashuka cee aya mpanga ukashungulusheko, nenyengele sha golide shikabe pakati ukushunguluka conse. ³³ Kwisamba lya mwingila ukufukeko, jukapangileko na pamegranati aya bluu, nayakashika cee ayampanga ukushunguluka. nenyengele sha golide shikabe pakati ukushunguluka konse. ³⁴ Kukabe nebyengele ya golide nomu pomegranati, inyengele ya golide pomegranati- nafyofine-ukushunguluka umwingila juwafukwa konse. ³⁵ Aroni akalefwala lintu alebomba, pakweba ati iciunda cikaleumfwika lintu aleya mumuputle wamushilo kuntashi yakwa Yahweh. Kabili nalintu alefumamo.Ififine pakwebati tafwile ³⁶ Ukapange nensani iya golide uwaengululwa ukalembepo, kwati nifilya balemba pacifwatiko ati,'' umushilokuli Yahweh.'' ³⁷ Ukakakilile iinsani kuli kantambo ka bluu pambali yansalu yakupomba kumutwe. ³⁸ Kakaleba pampumi yakwa Aroni; lyonse uukalapita ifilubo fikalaba mumutulo wa mushilo uwafyabupe pakweba ati abena Israeli bakalefibika fyeka kuli Yahweh. Insalu yakupomba kumutwe lyonse ikaleba kumutwe wakwe pakweba ati Yahweh akalepokelela ifyabupe fyabo. ³⁹ Ukapange insalu iyapikulwa iisuma, kabili jkapange nensalu akupomba kumutwe, nayo ikapangwe iisuma. ukapange nomushipi, umulimo wakwakapikula. ⁴⁰ Pantu abana baume abakwa Aroniukabapangila insalu, nemishipi, nemipanalala iyakubalenga ukwama nokucindama. ⁴¹ Ukafwike Aroni munonko, nabana bakwe abaume abo ali nabo. Bena ukabasube, ukabepele amaka, nokubabika beka kuli nebo, pakweba ati bakabombe bushimapepo kulinebo. ⁴² Ukabapangile utuputula utwakunsalu iyapikulwa utwakufimba pamibili yabo, utukalabaimba ukufuma mumisana ukufika mumatanta. ⁴³ Aroni nabana bakwe abaume bakalefwala ishi nsalu lintu baingila mwitenti lyakukumaninamo, nangula lintu bapalamina kucintamba mukubomba muncende yamushilo. Bakalebomba ififintu pakweba ati atabapelwe umulandu wakuti bafwa. Ili ifunde lyakutwalilila kuli Aroni nakulupwa lwakwe ulukakonkapo.