¹ Nomba ifi efintu webo ulinokucta pakubika bena pambali kuli nebo pakweba ati bena baba abakubombela nebo ngabashimapepo. Bula umwana wang'ombe umo nabasukusuku ababula ububi, ² umukate umwabula icictutumushi, nomukate uwapapatala uushatutumuka uwasanshiwako na mafuta. Elo pamo bula ifyabeluka ifishatutumuka ifyasubukwa namafuta. Panga ifyabeka ukubomfya ubunga bwangano. ³ Webo ulinokubka fyena mumuseke umo, nokufileta fyena mumseke, nokupalamika fyena pamo nomwana wang'ombe nabasukusuku babili. Webo ulinkipalamika Aroni nabana bakwe pamwinshi we tenti umwakukumanina. ⁴ Webo ulinokusamba Aroni nabana bakwe abaume mumenshi. ⁵ Webo ulinukubula ifyakufwala nokufwika Aroni umwingila,natambatamba necinkkuntu, natumba, necakucinga pacifuba. ⁶ Webo ulinokubika icitebo pamutwe wakwe nokubika icibalika icamshilo pacitebo. ⁷ Nomba ukabule ukabule namafuta ayakusuba nokuyapongolwela pamutwe wakwe, namuli iinshila emuntu ena ukamusubile. ⁸ Webo ulinuleta abana bakwe abaume nokubafwika imikansu pali bena. ⁹ Webo ulinokufwika Aroni nabana bakwe abaume imishipinokubika imipangalala palibena. Ukubomba ukwabushimapepo kulinokulola kuli bena kwfunde lyakutwalilila. Muli ii nshila webo ulinokubika Aoni nabana bakwe abaume pali bena kukubombela nebo. ¹⁰ Webo ulinokuleta abana bang'ombe bonse kmenso ye tenti lyakukumannamo, na Aroni nabana bakwe abaume balinokubika imnwe yabo pamitwe yabana ba ng'ombe. ¹¹ Webo ulinokwipaya ing'ombe kumenso yakwa Yahweh pamwinshi lyakukumaninamo. ¹² Webo ulinokubula umulopa wabana bang'ombe bamo nokubika wena pansengo kucipailo kumunwe obe, webo ulinokufumya nokwitulwila umulopa uwashala peshinte lyacipailo. ¹³ Webo ulinokubula amafuta yalya ayafimba ifilundwa ifyamukati, nokubula pamo nefyafimba palibu nemfyo shibili kumafuta yalya ayapamulu pali yena; ukafyocele napacipailo. ¹⁴ Elo nomba pamubili wang'ombe, elyo nempapa yaiko-namafi, webo ulinokuyocela pamulu kunse yankambi. Icikaba nomutulo wapa lubembu. ¹⁵ Webo ulinokubula pamo sukusuku umo, na Aroni nabana bakwe abaume babili neminwe yabo pamitwe yabo. ¹⁶ Webo ulinokwipaya sukusuku, nomba ukabule umulopa wakwe nokukana pa cipailo ponse pambali. ¹⁷ Webo ulinokuputula sukusuku mufipimfya nokusamfya fyena filundwa fyamukati namolu yakwe, namwebo mulinokubika ifilundwa fyamukati, capamo pamopene nefipimfya fyaciko pamo nomtwe waciko, pacipailo. ¹⁸ Nomba ukoce sukusuku onse. Ici cikba umutulo wakoca kuli Yahweh, umununko wakutompolola uwawama icamutulo wamjlilo uwapangwa kuli Yahweh. ¹⁹ Nomba webo ulinokubula sukusuku umbi, na Aroni nabana bakwe abaume balinokubika iminwe yabo pamutwe waciko. ²⁰ Nomba webo ulinokwipaya sukusuku nokubulapo umulopa waciko. Uubike napalutwe lwakutwi kwakulyo kwakwa Aroni, napalutwe ulwabana bakwe abaume kukutwi ukwakukulyo, napafikumwa fyabo ifyakukulyo, napafindo fyabo ifyakukulyo kumakasa. Nomba webo ulinokuba kana umulopa pacipailo mumbali shonse. ²¹ Webo ulinokubula umulopa umo uuli pacipailo namafuta yakusuba, nokana aya yonse pali Aroni napansalu shakwe, Aroni nomba akabika pambali neebo, elo pamo nensalu shakwe, nabana bakwe abame nensalu ahabana bakwe kuli wena. ²² Webo uli nokubula amafuta yakwa sukusuku namafuta ayakumucila, nefyafimba kulibu, nemfyo shibili namafuta yafimba pali fyena, nokulu ukwakulyo__pantu uyu sukusuku wapali bashimapepo ukulola kuli nebo. ²³ Bula nomukate umo, necabebuka cmo icamukate icapangwa kumafuta, necipapatu cimo ukufuma mumuseke wamute umwabula ictutumuhi cilya cili kumenso yakwa Yahweh. ²⁴ Webo ulinokubike ififintu muminwe yakwa Aroni namuminwe yabana bakwe abaume nokushinshinka bena kuntanshi yandi acakushinshinkilapo umutulo kumenso yakwa Yahweh. ²⁵ Webo nomba ulinokubula ifyakulya ukufuma muminwe yabo nokoca fyena pacipailo kumo nomutulowakoca, Ici cikafumya umununko uusuma pali nebo; icicikaba umutulo uwapangwa kuli nebo kumulillo. ²⁶ Webo ukabule necapacifuba cakwa sukusuku wakwa Aroni uwapelwa ukushinshika cena pacakushinshika umutulo kumenso yakwa Yahweh, ncicikaba ciputulwa cenu. ²⁷ Webo ulinokubika lubali kuli nebo icpacifuba icamutulo wacakushinshiknka, nokulu kulya ukwapelwe palibashimapepo__fyonse ifyapacifuba cilya cali icakushinshika nokulu kulya kwatulilwe pali Aroni nabana bakwe abaume. ²⁸ Ififikaba kucipao cakutwalilila pali Aroni napa banabakwe abume. Icicikaba camusangulo ukufuma mubantu abena Israeali ukupela kuli Yahweh ukufuma kumitulo yabo iya mutende. ²⁹ Nefyakufwala fyamushilo kuli Aroni filinokuba pamo ifyabikwa pabana bakwe abaume panuma yabena. Bena balinokusubwa amafuta nokushshiwa kuli nebo muli bena. ³⁰ Bashimapepo abo abkonka ena ukufuma mubana bakwe abume, abo abekesa mwitenti ilyakukumaninamo, mukubombela nebo mucifulo camushilo, bena bakafwale isho nsalu panshiku cinelubali. ³¹ ebo ulinokubula sukusuku wakubikila kuli shimapepo kuli nebo nokwipika ena mucifulo camushilo, ³² Aroni naban bakwe abaume balinokulya umunani wakwa sukusuku nomkate ulya uulimumuseke pamwinshi wetenti lyakukumaninamo. ³³ Bena balinokulya inama nomukate ulyamwapelwa pabapwishisha ububi palibena nokubakusha bena, ukuba ababikwa kulinebo. Takuli nangu umo uwakulyafiyo, pantu bena balabomfya ifi kuli nebo, abapatulwa pali nebo. ³⁴ Ngafimo ifyamumjunani ifyamutulouwakushiwa, nangu umukate, fyashalapo ukufika kulucelo lwakonkapo, nomba webo ulinokufyoca fyena. Ifi filinokuliwa pantu fyali ifyabikwa pamali kuli nebo. ³⁵ Muli iyi nshila, mukakonke fyo filya nebo nakwete ukukukonkomensha webo ukucita, webo ulinokucita kuli Aroni nabana bakwe abaume. Panshiku cinelubali webo ulinokiubapekanya bena. ³⁶ Inshiku shonse webo ulinokupela umulume wa ng'ombe elo ngomutulo wapalubembu kukulekelelwa. Webo ulinokuwamya icipailo pakupanga ukuwamishiwa pali ici, webo ulinokucisuba amafuta pakweba ati ukacibike pambali kuli nebo. ³⁷ Pantu inshiku cinelubali webo ulinokupanga jkuwamya pacipailo nokubika pambali ici kuli Yahweh. N omba icipailo cikaba icamushilo kuli nebo. Uuli onse uukakakumyako cipailo akab uwamushilo kuli Yahweh. ³⁸ Webo lyonse ulinokulatula pacipailo ³⁹ cilabushiku impanga shibili iikwete umwaka umo. Impanga imo weboulinokutula kumaca, naimbi impanga ulinoitula ukufika kucungulo. ⁴⁰ Kumo nomwana wampanga uwakutampilapo, julinokutula icipimo cabunga ubwapeleka ubwasankanishiwa kumo nefikopo fine ifyamafuta ukufuma kuyatwiwa, nefiptulya fine ifyafikopo ifyamyanganshi yamitulo uwafyakunwa. ⁴¹ Webo ulinokutula umwana wampanga umuku wabubili nalimo mukuwa kwakasuba. Webo ulinotula cimocine umutulo wambuto kumaca, nacimocine umutulo wafyakunwa. Ifi fikalafumya umununko uwawama pali nebo; ici cikaba icamutulo uwapangwa kuli nebo kumulilo. ⁴² Icicilnokuba umutulo wakukuninika lyonse ukupula munkulo shenu, napamwinshi wetemti lyakukumaninanamo kumaenso yakwa Yahweh, muntu Nebo nkalamikumanya mwebo mukulanda kuli mwebo kulya. ⁴³ Kulya ekuntu Nebo nkalamikumanya nabena Israeli; netenti likalaba ilya mushilo pali nebo kululumbi lwandi. ⁴⁴ Nebo nkalashisha itenti ilya kukumaninamo necipailo pali ifi fikaba kuli Nebo neka. Nebo nkashisha Aroni nabana bakwe abaume ukubombela Nebo ngashimapepo. ⁴⁵ Nebo nkekala mukati kabena Israeli naine nkaba Lesa wabo. ⁴⁶ Bena bakeshiba ati Nine Yahweh, Lesa wabo uyo uwabaletele kubafumya ku Egypti elo ukweba ati Nebo ndinamaka yakwikala mukati kabo. Ninebo Yahweh, Lesa wabo.