¹ Ulingile ukupanga icipailo icambao isha Akaya, mubutali cikalepe amata yasano namubwipi namo amta yasano. Icipailo cilingile ukuba icalingana mukusansuka ikabae amata yatatu. ² Kuma koona yane ukupangilako icaba kwati ninsengo shong'ombe Amasengo yakapangwefye icipande cimo necipailo, kabili ukakupikeko umukuba. ³ Ukapange nefipe ifyakubomfya kucipailo: imipika yakukushilamo imito, nabafolosholo, utubeseni, ifyakutunkwilako imipusa yanama, nefyakubikamo umulilo. ukapange fyonse ifi ifyakubomfya ifyamukuba. ⁴ Ukacipange icapilo, icapangilwa kubukonde bwamukuba. Ukapange imipeto yamukuba pali cila bukonde pama koona yonse. ⁵ ukabike ubukonde mwisamba lyacipailo, citika umo ukwisa panshi nacitika umo ukya pamulu. ⁶ Ukapange ifyakupingilako icipailo,ifyakupingilako ifyakwata ifimuti fya akaya, kabili kulicena ukakupek umukuba. ⁷ Ifyakupingilako ukabikeko imipeto, kabili ifyakupingilako fifwile fyaba kumbali shibili ishacipailo, pakupitilako. ⁸ Ukapangileko nemikobelo kucipailo , ukufuma kumbao. Ukapange filyafine fintu akulangile kulupili. ⁹ Ukapange napamisolo wakwi tenti lyakwa Lesa, ukakobeke lubali kukapinda kakukulyo akamumusolo, ukakobeke insalu iyapyatwa iilepele amata umwanda umo. ¹⁰ Ifyakukobekako fikakwate ifyakwimininako amakumi yabili, ifyamukuba amata amakumi yabili kukabe nefyakukofyamo fikakwate kufyakwimika,ifyakukakilako fikabe ifyasilifele. ¹¹ cimocine na kukapinda kakukuso,ifyakukobekako amata umwanda umo mubutali pamo nefyakwimika amakumi yabili,amashinte aya mukuba amakumi yabili ayamukuba ¹² .Nefyakukofyamo fikakwate kufyakwimika,nefyakukakilako fikabe ifyamukuba.Mumbali ya musolo lubali kumasamba kukabe icakucingako icalepa amata amakumi yasano.Kukabe nefya kwimika ikumi namashinte ikumi. ¹³ Umusolo nao wine ufwile wakwata amata amakumi yasano mubutali lubali kukabanga. ¹⁴ Ifyakukobeka kulubali lumo pakwingila fifwile fya lepa amata ikumi limo nayasano.fikakwate ifyakwimikako fitatu namashinte yatatu. ¹⁵ Kulubali lubiye nakokwine kufwile kwaba ifyakukobeka ifyalepa amata ikumi limo na yasano .Fikakwate ifyakwimika fitatu namashinte yatatu. ¹⁶ Pamwinshi wakwingililapo mumusolo pakabe icakucingako icalepa amata amakumi yabili .Icakucingako cikapagwe ica bluu,icakashika , nobushishi ubwapikulwa ,umulimo wa muntu uwacengela.Cikakwate ifya kwimika fine namashinte yane. ¹⁷ Ifyakwimika fyonse ifyamumusolo fifwile fyakwata ifya kukakilako ifya silifele,ne fya kukofyamo ifya silifele,nama shinte aya mukuba. ¹⁸ Ubutali bwa musolo bufwile bwaba amata umwanda umo ,mubwipi amata amakumi yasano,namukusansuka amata yasano,pamo no bushishi ubwa pikulwa ubwakukobeka bonse ubwalepa,namashinte yamukuba. ¹⁹ Ifipe fyonse fikalebombela mwitenti ,kabili ne mpoopo shonse isha kwi tenti na ku musolo fikapangilwe no mukuba. ²⁰ ukakonkomeshe abena Israeli bakalete amafuta yamuolife, ayalengama kabili ayatwiwa, pakuti amalampi yakaleeka mukutwalilila. ²¹ Mwitenti lyakukumanainamo kunse yacakucingako icali mwitenti mwali alaka wacipangano, Alone nabana bakwe abaume bakalasunga amalampi ayakalaaka kucinso ca kwa Yahweh, ukufuma kucungulo ukufika kumaca. Ili lifunde ilyakutwalilila ku bena Israeli lintu bali nokulasunga munkulo shonse