¹ ''Nomba ifi efipope fintu ufwile ukubika pakati kabo: ² Ngawashita umusha umwina Hebele, afwile abomba imyaka mutanda, mumwaka walenga cinelubali alingile ukuya umuntungwa ukwabula ukulipilapo ififili fyonse. ³ Ngaaishilefye umwine, afwile aiila umwne umuntungwa; ngaalyupa, umukashiwakwe alingile ukuya nao mubuntungwa. ⁴ Ngacakuti shikulu wakwe alimupele umwanakashi amufwalila nabana abaume nangula abanakashi, umukashi nabana bakaba bakwa shikulu wakwe, kabili afwile aya umuntungwa umwine. ⁵ Noma ngacakwebati umubomfi umwine ailandila, ''Nalitemwa shikulu wandi, abakashi bandi nabana; nshakaye ubuntungwa,'' ⁶ lyena shikulu wakwe alingile ukumuleta kuli Lesa. Shikulu wakwe lingili ukumuleta pambali yamwinshi nangula pamwinshi, kabili shikulu wakwe afwile aikata ukutwi kwakwe ne coni. Elo umubomfi akamubombela mpaka imfwa. ⁷ Umuntu ngaashitisha umwana umwanakashi kukuba umubomfi, talingile ukuya umuntungwa ngafitnu umubomfi umwaume acita. ⁸ Ngatasekeshe shikulu wakwe, uwamusalile umwine ukuba umusha wakwe, lyena afwile amuleka alubulwa. Takwete insambu shakumushitisha kubantu bakucalo cimbi. Takwete insambu shaifyo, pamulandu wakwebaati namuta ububi. ⁹ Shikulu wakwe nga amusala kukuba umukawamwana wakwe, alingile amusunga ngomwana wakwe. ¹⁰ Ngaasendanaumbi umwanakashi kukuba umukashi wakwe, tafwile ukulamutana ifyakulya, ifyakufwala, nangulaa insambu shakupwa kwakwe. ¹¹ Nomba ngatalemupela ifintu fitatu kuli wena, alingile ukuya ukwabula ukulipilapo ulupiya ululi lonse. ¹² Onse uwauma umuntu ukufika kumfwa, uyo muntu nao alingile ukwipaiwa. ¹³ Ngacakweba ati umuntu tacibepa mukumulolela, nomba Lesa acisuminisha ukucicika, Lyena nkakusontela incende kuntu engabutukila. Nga ¹⁴ ununtu auma umunankwe kumufulo nokumwipaya ukubomfya amaka, lyena ufwile ukumubula, nangulafya ali pacipailo cakwa Lesa, pakweba ati afwa. ¹⁵ Onse uwauma wishi nangu nyina afwile aipaiwa. ¹⁶ Onse uwaiba umuntu-uumwibileamushitisha nangula-asangwa muminwe yakwe-keba wamuntu afwile ukwipaiwa. ¹⁷ Onse uwatipa nyina nangula wishi alingile ukwipaiwa. ¹⁸ Ngacakwebati abantu balwa abene elo umo acena umunankwe kwibwe nangula kukofi lyakwe, elo uyo muntu tafwile, nomba alalililafye pa busanshi; ¹⁹ nomba gaapupuluka kabili akwata namaka yakwiminina umwine kunkoto, ulya uwamucenene afwile ukulipila panshinta intu ulyaacenene apwa; alingile amona ukwebati ulya acenene apolelela. Nomba ulya muntu tali namulandu wakwipaya. ²⁰ Ngacakuti umuntu auma umubomfi wakwe umwaume nangula umwakashi nenkoto, elo kabili umubomfi afwa umulandu wakumwa, lyena umuntu waifyo alingili ukupnikwa. ²¹ Nomba ngacakuti, umubomfi wakwe aikalako ubushiku bumo nangula shibili, tapalingile ukuba icilandushi, pantu ninshi nalufyakale umubomfi. ²² Abantu ngabalelwa elo bacena umwakashi uulinefumo icakutila apunsha, nomba tapali ukucenwa kumbi pamubili wakwe, lyena ulya umuntu wamilandu alingile ukulipila ukulingana nokupingula kwamulume wakwe kuli wena, kabili alingile ukulipila ukulingana nokupingula kwabapingushi. ²³ Nomba ngali ificenaulwa ifikulupali ena, lyena ulingile ukubikapo umweo pamweo, ²⁴ ilinso pelinso,umunwe pamunwe, ilino palino, ²⁵ ukoca pakoca, icilonda pacilonda, icikwebululwa pacikwebululwa. ²⁶ Ngacakutila umuntu auma pelinso lyamubomfi wakwe umwaume nangula umubomfi wakwe umwanakashi nokulyonaula, lyena afwile ukuleka umubomfi ukuya uwakaele ukwabula ukulipila ifilifyonse pamulanda walinso. ²⁷ Ngasokola ilino lwamubomfi wakwe umwaume nangula umwankashi, alingile ukuleka umubomfi ukuya uwakaele pamulandu welino lyakwe. ²⁸ Ngacakutila ing'ombe yapunka umuntu umwaume nangula umwanakashi afwa, ilya ing'ombe bafwile ukuitoba amabwe, nomunani waiko taufwile ukuliwa; nomba umwine wampunda talingile ukupelwa imilandu. ²⁹ Nomba ing'ombe ngayalikwete icisela cakupunka nakukale, elo umwine balimusokelemo, lelo taisungile bwino, elo ingh'ombe yaipaya umwaume nangula umwanakashi, ilya ing'ombe bafwile ukuipola amabwe. nomwine nao alingile ukwipaiwa. ³⁰ Ngakwafwaikwa icakulubwila ko umweo wakwe, afwile ukulipila pakulubbula umweo wakwe conse ico akafwaikwa ukupela. ³¹ Ngaing'ombe yapunka umwana umwaume nangula umwanakashi, umwine wang'ombe afwile ukulipila ifyo ifundu lilelanda ukucita. ³² Nga ing'ombe yapunka umubomfi umwaume nangula umwanakashi, umwine wang'ombe afwile ukulipila amashekele yatatu aya Sifere nen ng'ombe ifwile ukwipaiwa. ³³ Nga umuntu aimba icilindi, nangula umuntu ashikula icilindi elo akana ukushika, elo ngacakutila in'ombe nangula impunda yaponenamo, ³⁴ umwine afwile ukulipila pakonaulwa. Afeile alipila ulupiya kumwine wanama iifwile, nenama yafwa ikasanguke iyakwe. ³⁵ Ingombe ngayauma ingombe yamuntu umni elo ing'ombe yafwa, lyena bafwile bashitisha iituntulu nukwakanya umutengo, kabili bafwile baakanya neng'mbe iyafwa. ³⁶ Nomba ngacasangwa ati ilya ing'ombe yalikwete icisela capunka kunuma, elyo umwine taisungile bwino, afwile ukulipila pang'ombe, neng'ombe yafwa ifwile ukusanguka iyakwe.