¹ Nga umuntu aiba ing'ombe nangu impuda nokuipaya nagu ukushitisha, lyena alingile ukulipililamo ing'ombe shisano paang'ombe imo, nempunda shine pampunda imo. ² Umung'o ngaasanhgwa aleiba, nhabamuma afwa, mulioyonshila tapali umulndu wakusumya umlopa uukakonka uuli onse. ³ Nomba akasuba ngakabala ninshi talatoba nokwiba, umulandu wakusumya umulopa ukakonka ulya uwamwipaya. Umung'o alingile ukulipililamo. ngatakwete nangu fimo , alingile ukumushtisha kubusha pamulandu wabung'o bwakwa. ⁴ Ngacakuti inama ebile yasangwa iituntulu pafikwwatwa fyakwe, tacili ni mpunda, kabalwe, nangu ing'ombe afwile alipililamo imiku ibili. ⁵ Umuntu ngakakila inama shakwe shilelya mwibala lyamyanganshi elo limbi inama yaluba, elo yayalya mwibala lyabene, afwile ukulipililamo ukufuma mufisuma fyemubala lyakwe ilyamyanganshi. ⁶ Umulillo ngaulepya elo waambukila kumyunga icakutila waoca nengano, nangula ingano ishiminine, nangula impanga yapya, ulya uwaocele umulilo afwile alipililamo. ⁷ Ngacakuti umuntu apela umunankwe ulupiya nangu ifipe ukumusungilako, elo ngabaiba mung'anda yaulya muntu, umung'o ngaasangwa, ulya umung'o afwile alipila imiku ibili. ⁸ Nomba ngakuti umun'o tasangilwe, lyena umwine wang'anda akamonekele kubapingushi kukulekaa bakafwalishe ngacakutila nabika iminwe pafipe fyamwine. ⁹ Pa lubembu ululi lonse, nangula ni ing'ombe, impunda, impanga, insalu, nanguli ifili fyonse ifyaluba fintu alanda ati, ''Ifi fyandi,'' ukukabilwa kwa bonse babili kulingile ukuletwa pacinso cabappingushi. Umuntu uu abapingushi basanga nomulandu afwile ukulipila imiku ibili kumunankwe. ¹⁰ Nacakweba ati umuntu apela umunankwe, impunda , impanga , nangula ing'ombe, ¹² nangula ififli fyonse ukumusungilako, elo fyaluba nangula ukucenekwa, nangulagye pali uwa senda ukwabula uwakumumona, icilapo ca kwa Yahweh cilingile ukucitika kuli bonse, kukumona ngacekwebaati pali umo uubikile iminwe pacipe camunankwe. Umwine afwile asumina , kabili uyu umbi takalipilepo ififli fyonse. ¹¹ Nomba ngacaibilwe ukfuma kuli wena, uyu umbi alingile ukulipila kumwine pali ici. ¹³ Ngacakutila inama yalicenenwe mutupimfya, leka uyu umbi alete inama ngecakushininkishishako. Talingile uklipila pacacenenwe. ¹⁴ Ngacakutila umuntu aashima inama kumunankwe elo inama yafwa nangula ukucenekwa eloninshi taili kumwine, uyu umbi alingile ukupela amalipilo ayali yonse. ¹⁵ Nomba nga umwine aciba nayo, uyumuntu umbi talaingile ukulipilapo ifili fyonse; inama ngabasonkelefye, ikalipililwa pamutengo wakusonkelelapo. ¹⁶ Kabili nga umuntu abembula umukashana uushaimanwa, nokulala nao, afwile ukumupanga umukashi ukupitila mukupela ifilefwaikwa kuli wena. ¹⁷ Ngacakuti bawishi bakanininafye ukumupela ukuti abe umukashi wakwe, afwile ukulipila ulupiya ukulingana nolwacisungu ulufwikwa. ¹⁸ Taufwile ukuleka indoshi ukuba nomweo. ¹⁹ Uuli onse uwalala nenama afwile ukwipaiwa. ²⁰ Onse uwatula ilambo kuli ka lesa kambi ukucilapali Yahweh afwile ukwipaiwa. ²¹ Tamufwile ukucusha umulendo nangula ukumulfyanya, pantu nemwe mwali abalendo mu calo ca Egpiti. ²² Tamufwile ukucusha mukamfwilwa nangula umwana wanshiwa. ²³ Ngamwabacusha, kabili ngabalilila kuli nebo, nkomfwa ukuilishanya kwabo. ²⁴ Icipyu candi cikapya, kabili nkamipaya kumupanga; abakashi benu bakasanguka bamukamfwilwa, nabana benu bakaba abana banshiwa. ²⁵ Nga wakongwesha ulupiya kumuntu wandi uuli onse pali imwe uuli mupina, tafwile ukuba kwati nikakongwesha wakaloba uulundalunda kukubikapo iyapamulu. ²⁶ Ngawasenda icakufimbana kumunobe ngecakwikatilamo, ulingile ukumubwesesha apo akasuba takalawa, ²⁷ Pantu ecakufimbana akwata icakufimba umubili wakwe. Cinshi cimbi cintu alalamo? Ngaalilila kuli nebo, nkamumfwa, pantu ndiwacikuku. ²⁸ Taumfwile ukumpontela, Lesa, nangula ukutipa intungulushi yabantu bobe. ²⁹ Taufwile ukwikatilila icabupe cabusomboshi bobe nangula icamwanganshi obe. Ulingile ukupela kuli nebo ibeli lyamwana obe umwaume. ³⁰ Ufwile wacita fimo fine naku mpuda naku ng'ombe nakumpunda yobe. Panshiku cinelubali kuti fyaikalilila nabanina, nomba pabushiku bwalenga cine konsekonse ufwile waleta kuli nebo. ³¹ Ukabula abantu balya abapatulwako pamulandu wandi. kabili taufwile ukulya inama iyaipaiwe mumpanga kunama. lelo, ufwile wapela imbwa.