¹ Lesa alandile ayamashiwi yonse: ² ''Nine Yahweh Lesa wenu, uwamifumishe muncende ya Egipti,ukufuma mung'anda yabusha. ³ Taufwile ukukwata Lesa umbi ukucila pali nebo. ⁴ Taufwile ukupanga icabaswa nangula icimpashanya icili consemumulu nangula panshi, nangula icili panshi,nangula ica mumenshi panshi. ⁵ Taufwile ukufumako nokufipepa,Nebo, Ninebo Lesa wabufuba. Ndapanika amasambi yafikolwe ukupanikilamo ukufika nakunkulo iyabutatu neyabune kuli balya bonse abampata. ⁶ Lelo ndalanga ukutemwakwandi ukufika nakunkulo amakana ayabantu abantemwa nokusunga amafunde yandi. ⁷ Taulingile ukulalumbula ishina lya kwa Yahweh Lesa obe apafye, Pantu nshakalenge uulumbula ishina lyandi apafye ukuba uwakaele. ⁸ Muleibukisha ubushiku bwesabata, nokububika ubwamushilo kuli nebo. ⁹ Ulingile ukubomba nokucita imilimo yose munshiku mutanda. ¹⁰ Nomba ubushiku bwalenga cinelubali bwakwa Yahweh Lesa wenu. Pali ububushiku tamufwile ukucitapo umulimo uuli onse,iwe, nangula, abana bobe abaume, nangula abana bobe abanakashi, nangula ababomfi abanakashi, nangula ifitekwa fyobe, nangula abatandashi abali pamwinshi obe. ¹¹ Pantu munshiku mutanda Yahweh apangile imyulu ne caalo,imimana nafyonse ifyabamo, nokutusha pabushiku bwalenga cinelubali. Pamulandu waici Yahweh apalile ubjushiku bwesebata nokubupanga ubwamushilo nokubupatulako. ¹² Ulecindika bawiso nabanoko, pakweba ati inshiku shobe sjhingafula muncende intu Yahweh alekupela. ¹³ Taufwile ukwipaya uuli onse. ¹⁴ Taufwile ulepanga ubucende. ¹⁵ Taufwile ukwibila uuli onse. ¹⁶ Taufwile ukushininkisha ubunte ubwabufi kumunobe. ¹⁷ Taufwile ukulakumbwa mukamunobe; umubomfi wakwe umwanakashi, nangula impunda yakwe, nangula ingamali, nangula fyonse ifyo ifyamunobe.'' ¹⁸ Abantu bonse bamwe ukupangala nokubyata, nukumfwa icibulumo cesengo lyampaanga, nokumona ulupili lulefuka. Lintu abantu bamwene, balitinine nokufumako akatalamukila. ¹⁹ Batie kuli Mose, ''Landa kuli fwebo, kabili twalaumfwa; nomba wileka Lesa alande kuli fwebo, pantu tulefwa.'' ²⁰ Mose atile, kubantu, ''Mwikwata umwenso, pantu Lesa naisa kukumyesha kakweba ati ubukata bwakwe bingekala muli mwebo,'' ²¹ Elo abantu baiminine pambali, na Mose apaleme kukufita ukwatikama ukwali Lesa. ²² Yahweh atile kuli Mose, ''Ifi efyo ulingile ukweba abena Isreali: 'mwebo mwewbene namumona ati nalanda namwebo ukufuma mumulu. ²³ Tamulingile ukupanga tu lesa tumbi ukucila pali nebo, tulesa twamukuba nangula tulesa twa golide. ²⁴ Ulingile ukupanga icipailo capanshi icandi, kabili mulingile ukupela ilambo necabupe cakoca, necabupe cakulongana, impunda shenu neng'ombe, muncende yonse muntu naita ishina lyandi ukucindikwa, nkesa kulimwebo nokumimipala. ²⁵ Ngamwampangila icipailo camabwe, tamufwile ukucikulila kumabwe aya putulwa,pantu ngamwabomfya ifibombelo fyenu pali ici, nkaconaula. ²⁶ Tamufwile ukuya pacipailo candi pamitanto, pakwebaati insoni shenu tashinekele.'''