¹ Mumumweshi wabutatu panuma yakuufuma kwabana ba Isreali mu Egipti, pali bulyabwine bushiku, baishile kuciswebebe ca Sinai. ² Panuma yakufuma ku Rephidim nokwisa kuciswebebe ca Sinai, baikele muciswebebe kuntanshi ya lupili. ³ Mose aile kuli Lesa. Yahwh alimwitile ukufuma mu lupili nokukutila, '' Uligile ukweba abang'anda ya kwa Yakobo, abantu bamu Issreali: ⁴ Mwalimona fintu nacitile kubena Egipti, Ifyonamiswndele pmaoindo ya ba kapumpe nokumileta kuli nemwine. ⁵ Nomba lyena, ngamwumfwikisha ishiwi lyandi nokubela amafunde yandi, lyena mukaba mulicikwatwa candi icacindama pabantu bonse, pantu icalo conse candi. ⁶ Mukaba ubufumu bwabshimapepo uluko ulwashila kuli nebo. Aya emashiwi yantu ulingile ukulanda kubena Isreali.'' ⁷ Eico Mose aitile abakulu babantu. Abebele amashiwi yonse yantu Yahweh amukonkomeshe. ⁸ Abantu bonse baaswike capamo nokutila, ''Tulinokucita fyonse fintu Yahweh alandile.'' Elo Mose aishile mukufisha amashiwi yabantu kuli Yahweh. ⁹ Yahweh atile kuli Mose, ''Nkesa kuli webo mwikumbi ilyatikama nokulanda nawebo pakuti abantu bakakusumine ukuya umuyayaya.'' Elo Mose aebele amashiwi yabantu kuli Yahweh. ¹⁰ Yahweh atile kuli Mose, ''Kabiye ku bantu . Lelo namailo ulingile ukubapatulako kuli nebo, nokulenga basambe amalaya yabo. ¹¹ Baipekanye pabushiku bwalenga shitatu, pantu pabushiku bwalenga shitatu Yahweh, akatentemuka panshi palupili lwa sinai. ¹² Ukabike imipaka ukushungulka ulupili lwabantu. nokutila kuli bena, 'Mube abangwa ukukana ya kulupili nangu ukwikata kumipaka yaluko. Uuli onse uwaikata kulupili akepaiwa.' ¹³ Takuli iminwe yaulionse iingamwikatamo. Nomba, alingilefye ukupolwa amabwe nangula ukulaswa. Umuntu nangula inama, takekale nomweo. Lintu ipenga lyalila lyapanga necongo, kuti baisa ku lupili.'' ¹⁴ Elyo Mose atentemwike ukufuma palupili ukuya kubantu. Apatwileko abantu abakwa Yahweh nabo bawashishe namalaya yabo. ¹⁵ Atile kubantu, Mukaipekanye pabushiku bwalenga shitatu; tekulama kubakashi benu.'' ¹⁶ Pabushiku bwalenga shitatu, lintu lwali ulucelo, kwali ukubyaka nokupangala mjumakumbi palupili, neciunda icakulilisha kwesengo lyampanga. Bonse abantu munkambi balitinine. ¹⁷ Mose afumishe abantu munkambi kukukumanya Lesa, kabili baiminine pambili yalupili. ¹⁸ Ulupili lwa sinai lwashungulwikwe necunshi pantu Yahweh atentemwike mumulilonamucunshi. Icunshi caile nge cunshi cacakulopolwelamo, nolupili lonse lwalisunkene saana. ¹⁹ Lintu iciunda cesengo lyalilishe saana, Mose alilandile, Lesa alimwaswike mwishiwi. ²⁰ Yahweh altentemwike paluili lwa sinai, pamulu walupili, kabili aitile Mose palupili. Elyo ose aile . ²¹ Yahweh atile kuli Mose, ''Kabiye mwisamb nokuyasoka abantu; kabili abengi pali bena kuti baonaika. ²² Leka bashimapepo nabo ba palame kuli nebo kukuipatulako abene umulandu wa nebo-baipekanye abene pakwisa-pakwebaati nshi bonawile.'' ²³ Mose atile kuli Yahweh, ''Ababantu tekuti bese kulupili lwa sinai, pantu mwatukonkomeshe: ukupanga imipaka ukushunguluka ulupili nokulupatulako kuli Yahweh.''' ²⁴ Yahweh atile kuli ena, ''Kabiye mwisamba lyalupili noyaisa na Aarone, nomba wileka bashimapepo nabantu ukwisa kuli Tahweh, nangula ukulinkanya pakati kabo. ²⁵ ''Eico Moseatentemukile kubantunokulanda nabo.