¹ Jefulo, shmapepo wa ku midian, wishifyala wakwa Mose, aumfwile palifyonse fintu Lesa acitile kuli Mose nakubantu bakwe abamu Isreali. Aumfwile ukweba ati Yahweh nafumya abena Isreali mu Egipti. ² Jefulo, wishifyala wakwa Mose asendele Zippora, umukashi wakwa Mose, panuma yakumutuma kung'anda, ³ nabana baume bakwe babili; ⁴ ishina lya umo ali ni Gershom naumbi ao ali ni Elizer, pantu Mose ali nalanda, ''ifikolwe fyandi ifya kwa Lesa ifyangafwa, Amokolwele kulupanga lwakwa Farao. ⁵ Jefulo, wishifyala wakwa Mose, aishile na bana nabakashi kuli Mose mumatololo munu alinaikala palupili lwakwa Lesa. ⁶ Atile kuli Mose, ''Nebo, newiso fyala Jefulo, ndeisa kuli webo nomjukashi obe nabana bakwe babili.'' ⁷ Mose aile kukukumanya- wishifyala akonteme pashi nokumutomona, Baipushenye imitende nokuya munkambi. ⁸ Mose aebele wishi-fyala fyonse fintu Yahweh acitile kuli Farao nakubena Egipti pamulandu wabena Isreali, pamulandu wakuchushiwa konse ukwacitike munshila kuli bena, nafintu Yahweh abapokolwele. ⁹ Jefulo alisekelele fali fyonse ifisuma fintu Yahweh acitile aena Isreali,mukweba ati alibapokolwele kumaboko yabena Egipti. ¹⁰ Jefulo atile, ''Lekeni Yahweh acindikwe, pantu namipokolola kumaboko yabena Egipti nakumaboko yakwa Farao, nokupokolola abena Isreali kumaboko yabena Egipti. ¹¹ Nomba naishiba ati Yahweh wamaka ukucila tu lesa tumbi, pantu lintu abena Egipti balecusha abena Isreali mubonaushi, Lesa alipokolwele abantu bakwe.'' ¹² Jefulo, wishifyala lyakwa Mose, aletele icabupe cakoca nelambo kuli Lesa. Aarone ne ntungulushi shonse isha mu Isreali balile icakulya pacinso cakwa Lesa na wishi-fyala wakwa Mose. ¹³ Paushiku bwakonkelepo ose aikele kukupingula abantu. Abantu balimushungulwike ukufuma ulucelo ukufika icungulo. ¹⁴ Lintu bawishi-fyala bakwa Mose bamwene fintu Mose acitile kubantu, atile, ''Finshi ififintu walacita kuli ababantu? Cinshi cintu wikalile weka nabantu bonse nabakushunguluka ukufuma ulucelo mpaka icungulo?'' ¹⁵ Mose atile kuli wishi-fyala, ''Abantu bcisa kuli nebo ati bafwye inshila yakwa Lesa. ¹⁶ Ngabakwata ukupusana , besa kuli nebo. Ndababalila pakati kaumo nomunankwe, kabili ndabasambilisha amafunde yakwa Lesa, nefipope. ¹⁷ Wishi-fyala wakwa Mose atile kuli ena, Ifyoulecita tefisuma saana. ¹⁸ Ukanaka saana, webo mabantu ulinabo. Ici icisendo cikulu saana kuli webo. Tekuti ukucicite wekaafye. ¹⁹ Umfwa kuli nebo. Nalakupelako ilangulushi, na Lesa akaba nawebo, pantu ulimwiminshi wabantu kuli Lesa, kabli ulaleta imilandu yabo kuli Ena. Ulingile ukubafunda amafunda yakwe nefipope. ²⁰ Ufwile ukubalanga inshila nefyakwendanemilimo yakucita. ²¹ Nakucisha, ufwile wasala abaume ababwishibilo ukufuma pabantu bonse, abatu abacindika Lesa, abantu abacishinka abapanta ububi. Ufwile ukubabika pakati kabantu, kukuba intungulushi yamakana, imyanda, amakumi yasano, elo nekumi limo. ²² Bakapingula abantu mumbali shonse ishamilandu yabo, lelo imilandu iyakosa bakalaleta kuli webo. Nomba imilandu iinono balapingula abene. Muli iinshila cikakwangukilako, kabili basenda icisendo pamo nawebo. ²³ Ngawacitefi kabili Lesa ngakukonkomesha ukucitefyo, lyena ukakwanisha, nabantu bonse baakalya kumayanda mumutende.'' ²⁴ Eico Mose amfwile kumashiwi yakwa wishi-fyala nokucita fyonse fintu alandile. ²⁵ Mose asalile abaume ababwishibilo ukufuma mubena Isreali nokubapanga imitwe shantungulushi ishabantu bonse, intungushi shabantu ishakutungulula amakana, imyanda, amakumi yasano, na ikumilimo. ²⁶ Balepingula abantu mumilandu yabo yonse. Imilandu iyakosa baleleta kuli Mose, Nomba abene beka balepingula imilandu iinono. ²⁷ Elyo Mose ashile bawishi-fyala,na Jefulo bwekelemo kucifulo cakwe.