1 Umushi onse uwa kwa Isreali waimine ubulendo ukufua kumatololo ya sinai, ukukonka ifipope fyakwa Yahweh. Baikele pa Raphidim, 2 lelo takwali amenshi yakuti abantu benganwa. Eico bailishenye kuli Moae pamulandu nefyo balepitamo nokutila, ''Tupele amenshi yakunwa.'' Mose atile, ''Cinshi cintu mwalapusanina nanebo? Cinshi mwalaesesha Yahweh?'' 3 Abantu bali necilaka saana, elyo bailishenye kuli Mose. Batile, ''Cinshi cintu watufumishe mu Egipti? Kukutwipaya nabana besu nefitekwa fyesu kucilaka?'' 4 Elyo Mose alilile kuli Yahweh, Nalacitashani naba bantu? Balefwaya bampole namabwe.'' 5 Yahweh alandile kuli Mose, ''Kabiye pantanshi yabantu, senapo nentungulushi shimo ishabantu bamu Isreali. Usende nenkonto intu waumine pamenshi, nokuya. 6 Nkeminina nobe pantanshi ye libwe lya Herob, elo ukoma palibwe. Amenshi yakafumamo ayakuti abantu bakanwe.''Elyo Mose atitle ifyo mumenso yabantu nabakalamba babena Isreali. 7 Ainike ilya ncende ati Massah na meribah pantu abena Israeli balepusana nao kabili pamulandu wakuti balyeseshe Shikulu mukutila, ''Bushe Yahweh alinafwebo nanhula iyo?'' 8 Nomba abashilika babena amalekibalishi;le nokwisa pakasa Isreali pa Rephidim. 9 Eico Mose atile kuli Joshua, ''Salapo abaume bamo nokuyanabo. Ukuyalwa na Ameleki. Mailo nkeminina pamulu walupili nenkonto yakwa Lesa muminwe yandi.'' 10 Eico Joshua alwile nabena Amaleki ngafintu Mose amukonkomeshde, Nishi Mose, Aarone, na Hur baile pamulu walupili. 11 lintu Mose acili naimya amaboko mumulu, Isreali alecimfya; Amaboko ngayapona, Abena ameleki balecimfya. 12 LIntu amaboko yakwa mose yafinine, Aarone na Hur babulile amabwe nokumutungilila ukti engekalapo. Umuntu uo kukuboko kumbi nomubiye nao kukubobko kumbi. Kanshi amaboko yakwa Mose yaikalilile mumuulu mpaka akasuba ukuwa. 13 Joshua aonawile abena Ameleki kulupanga. 14 Yahweh alandile kuli Mose, ''Lemba ifi fintu mwibuuku nokufibelenga mumatwi yakwa Joshua, pantu kufutapo ifibukisho fyabena Ameleki mwisamba lyamyulu.'' 15 Elyo Mose akulile icipailo nokcinika ati ''Yahweh ebucingo bwandi.'' 16 Atile, '' pantu ukuboko kwalimisiwe kucipuna cakwa Yah-ati Yahweh akemya inkondo nabena ameleki iyankulo nenkulo.''