¹ Abantu baile ukufuma ku Elim, nomushi wa Isreali waishile ku ciswebebe icalubembu, ulwaba pakati ka Elim na Sinai, pabushiku walenga ikumi limo na shisano ubwa mweshi wa cibili panuma yakufuma ku calo ca Egipti. ² Umushi onse uwa bantu ba Isreali b ailishenye kuli Mose na Aarone mu ciswebebe. ³ Abena Israeli batile kuli bena, ''Kanshi ngatwafwilefye kukuboko kwa kwa Yahweh muncende ya Egipti umo twaleikala nempoto shanama nokulya imikate ukwikuta. pantu mutuletele muno muciswebebe kukeipaya umushi onse kunsala.'' ⁴ Elyo Yahweh atile, ''Nkalokesha imikate ukufuma kumulu pamulandu wamwebo. Abantu bakalaya mukutola cilabushiku pakweba ati ningesha ngacakuti kuti baenda mwifunde lyandi. ⁵ Ubushiku ubwalenga mutanda ngabwafika, bakatola imiku ibili ngefyo baletola ishi nshiku shakunuma, kabili bakepika ifyo bakolonganike.'' ⁶ Elyo Mose na Aarone batile kubena Isreali, ''Mucungulo mwaishiba ati ni Yahweh ewamifumya muncende ya bena Egipti. ⁷ Mulucelo mukamona ubukata bwakwa bwa kwa Yahweh, pantu namwimfwa muleiliishanya kuli wena. Nifwe bani pakuti muiilishanye kuli fwebo?'' ⁸ Mose nakabili atile, ''Muleishibe ici Yahweh nga imipela inama mucungulo nemikate ulucelo ukulya mukekute-pantu naumfwa ukuilishanya kuntu muleishanya pali wena. Aarone na nebo tuli bani? Ukuilishanya kwenu takuli palifwebo; kuli pali Yahweh. ⁹ Mose atile kuli Aarone, ''Landa ku mushi wa bantu bakwa Isreali, 'palameni kuli Yahweh, pantu numfwa ukuilishanya kwenu.''' Cishileba ati, ¹⁰ lilyaline Aarone alelanda kumushi wabantu ba mu Isreali, ati baloleshe ku ciswebebe, kabili nokumona, ubukata bwakwa Yahweh bwamonekele mwikumbi. ¹¹ Elo Yahweh alandile kuli Mose nokutila, ¹² ''Ningumfwa ukuilishanya kwabana ba Isreali. Landa kuli bena nokutila, 'mucungulo mwalalya inama, kabili ulucelo muleisushiwa nemikate. Elyo mukeshiba ati nine Yahweh Lesa weu.'' ¹³ El icungulo kwaishile bamwankole nokushunguluka inkambi. Mulucelo umume walishile nokwisa shunguluka inkambi. ¹⁴ Ilyo umume wapwile, pamulu wamatololo pali pali fubefube ngowapanshi. ¹⁵ Lintu abantu bamu Isreali namwene ifi, batile kuli cilaumonaumo, ''Cinshi ici?'' Tabaishibe icalipo. Mose atile kuli bena, ''Mose atie kuli bena ati ''Mukate untu Yahweh amipele ukulya. ¹⁶ Ili efunde lintu Yahweh apele kui mwebo: 'Mufwile ukutola, chila umo, ifyo alingile ukulya, ulupe lumo cilamuntu.Ifi efyo mufwile ukutola: Kolonganikeni ifikumene ukulya cila umo uwikala munkambi yenu.''' ¹⁷ Abantu bamu Isreali bacitile ifyo fine. Bambi batolele ifingi abi batolee ifinono. ¹⁸ Lintu bafipimine nolupe lwacipimo, balya abatolele ifingi tabashileko ifimbala, nabalya abatolele ifinono tababulilwe. cila umo atolele ukulingana nokukabila kwakwe. ¹⁹ Elo Mose atile kuli bena, ''Tapali uwakushako nangu fimo mpaka mailo ulucelo.'' ²⁰ Nomba tabaumfwile kulin Mose. Bambi balishilepo fimo mpaka ulucelo lwakonkelepo, nomba fyalitampile ukubola nokonaika. ²¹ Baletola cila lucelo nolucelo. Cila muntu atolele ukulingana nefyo engalya ubushiku bumo. Lintu akasube kabalike, fyalisungulike. ²² Lintu ubushiku bwalenga mutanda bwafikile batolele imikate imiku ibili, imiseke ibili cila muntu.Intungulushi shonse ishamushi shalishile nokulandefi kuli Mose. ²³ Atile kuli bena, ''Ifi efyo Yaheh alandile? Mailo bushiku bwakutusha. ubushiku bwesabata lyashila ilyakwa Yahweh. Saluleni fintu mulefwaya ukusalula, kabili ipikeni fintu mulefwaya ukwipika, Fyonse ifyashalapo, fisungeni mwebene mpaka mailo ilucelo.''' ²⁴ ico babikile pambali mpaka ulucelo, ngafintu balangililwe.Tafyaonaike, kabili takwali ukulikonse muli cena. ²⁵ Mose atile, ''Lyeni kifyakulya lelo, pantu lelo bushiku ubwapatulwako ubwakucindika Yahweh. Lelo tamwafisange mumpanga. ²⁶ Mukalakolongonika panshiku mutanda, lelo ubushiku bwalenga cimelubali lisabata. Pasabata takwakaleba mana.'' ²⁷ Lintu ubushiku bwe sabata bwaishile bamo abantu baile ku mpanga mukutola mana lelo tabasangangileko nangu fimo. ²⁸ Elo Yahweh atile kuli Mose, Nililali ukatwalilila ukukana bela amafunde yandi nokubaka ifipope fyandi? ²⁹ Mona, Yahweh namipele isabata. kanshi pabushiku bwalenga mutanda namipela imikate iyanshiku shibili. Cila umo pali mwebo alongile ukwikala pancende yakwe; tapali uwakufuma pancende yakwe pabushiku bwalenga inshiku cinelubali.'' ³⁰ Eico abantu batushishe pabushiku bwaenga cinelubali. ³¹ Abantu ba mu Isreali baitile ifyo ifyakulya ''manna.'' kabili fyena fyali ifyabuta nge mbuto sha Coriander, nokunkila nokumfwika waciko nge fyabebuka ifyafuma kuci. ³² Mose atile, Lekeni umuseke wa manna usungwe ifi efyo Yahweh akonkomesha: ukfika nakunkulo shonse pakwebati abantu benu bengesamona umukate untu namilishisheko mumatololo, panuma yakumifumya muncende ya Egipti.''' ³³ Moses atile kuli Aarone, ''Senda impoto bikamo ulupe lwa manna mukati. Cisungilile kuli Yahweh kjukusungwillwa kunkulo nenkulo.'' ³⁴ Ngafintu Yahweh akonkomeshe Mose ,Aarone alisungilile mumbali yacipampa cacipope . ³⁵ Abantu ba Isreali blile manna pa myaka amakumi yane mpakabafika pancende bakkilepo iya kenani. ³⁶ Nomba ulupe cali cekumi pali Efa.