¹ Nomba Mose na bantu bakwa Israele bali mukwimba ulu lwimbo kuli Yahweh, baimbile ati,"nebo ndimukwimbila Yahweh, pantu ena wabukata no kusekelela apakalamba; bakabalwe na bantu abalebensha ena naaba posa mucimana. ² Yahweh ena emaka yandi no lwimbo, nao ena aisabaipusukilo lyandi. Uyu ni Lesa wandi, na Nebo ndi no kulumbanya ena, Lesa wa batata, na Nebo ena ndemukoselesha. ³ Yahweh ena wabulwi, Yahweh ili eshina lyakwe. ⁴ Ena aaposele Farao amaceleta yakwe na bashilika mucina. abakalamba babuteko abasalwa bakwe baibile mucimana camatete. ⁵ Ukushika bena nakubafimba; nabaya panshi mukushika kwati libwe. ⁶ Ukuboko kwenu kwa kulyo, Yahweh, kwa bukata mumaka,ukuboko kwenu kwaku kulyo,Yahweh, kula fwantaula abalwni. ⁷ Mumaka ya bupingushi bwenu mwebo mwaposele abo abalemimina mwebo. mwebo mwatumine ukufuma kuli mwebo icifukushi, naco cena cabaliile kwati fimuti. ⁸ Kumupu wamu myona yenu a menshi yonse yaliminine ; notumfumfuku twamenshi twaiminina utwaololoka umupili; ukushika kwamenshi kwatikama mumutima wacimana. ⁹ Abalwani balanda ati, 'Nebo ndekonka, Nebo ndesanga, Nebo ndeakanya ifya pokwa; ukufwaya kwandi bena kulebekuta; Nebo ndimukusomona ulupanga lwandi; ukuboko kwandi bena kule bonaula.' ¹⁰ Nomba nebo mwapupa kumwela wenu, necimana bena cabafimba; bena baibila kwati kutungululwa kumaka yamenshi. ¹¹ Nani uwaba ngamwebo, Yahweh, muli tulesa? Ninani uwabanga mwebo, mubupingushi ubwamushilo, ubucindami ukulumbanishisha, mukucita icipeshamano.? ¹² Mwebo mwatambalike ukufuma kukuboko kwenu kwakukulyo, necalo bena cabamina. ¹³ Mucipangano caluse lwenu mwebo mwatungulwile abantu benu mwebo mwalibapokolwele. Mumaka yenu mwebo bena mwaba tungulwile kucifulo icamushilo uko mwebo mwaika. ¹⁴ Na bantu bakomfwa, nabena bakatutuma; ukutina kukekata abekashi baku Pelishiti. ¹⁵ Nomba nemfumu sha Edomu shikatina; nabashilika baku Moabu shali tutwime; abekashi bonse abamu Kenaani basungulika bonse. ¹⁶ Ukucina nomwenso fikawila pali bena. Pamulandu wakuboko kwenu kwamaka, bena bakaba abaiminina elo ngelibwe mpaka abantu benu bapite, Yahweh-mpaka abantu benu mwebo mukabapokolole bakapite. ¹⁷ Mwebo bena mukabaleta nabena ukubalimba palupili lwenu ulwacikwata pacifulo, Yahweh, ulomwebo mwacita ulwa kwikalamo, apamushilo, mwe kuuku wesu, palya amaboko yakulile. ¹⁸ Yahweh akalateka penape." ¹⁹ Pantu bakabalwe bakwa Farao baile pamo na maceleta nabantu bakwe abapali bakabalwe bakwe mucimana. Yahweh alibweseshe amenshi panuma amenshi aya mucimana pali bemba. Nomba abena Israele balimukwenda pamushili apauma pakati kacimana. ²⁰ Miriamu kasesema, inkashi yakwa Aarone, aimishe akaoma, nabanakashi bonse baile ukufuma pamo notuoma, ukucinda monse pamo nomwanakashi munankwe. ²¹ Miriamu ali mukwimba kuli bena: ''Imbeni kuli Yahweh, pantu wabucindami nokusekelela. Bakabalwe nabantu bakwe abacikalapo ena alibaposele mucimana. ²² Nomba Mose atungulwile Israele ukuya ukufuma kucimana camatete. Bena baile ukufuma mumatololo ya Shuli. bena baendele panshiku shitatu mumatololo nabena tabasangile amenshi. ²³ Nomba baishile ku Mara, nomba tabamwine amenshi kulya pantu yali ayalula. Elo bena bainike ilya ncende Mara. ²⁴ Elo abantu bali mukuilishanya kuli Mose no kulanda ati, "Cinshi fwebo tulenwa?" ²⁵ Mose alilile kuli Yahweh, na Yahweh ena amulangile icimuti. Mose ali ciposele mumenshi, namenshi yasangwike ayasuma mukunwa. cali nipalya ati, Yahweh abapele icipope icakosa, nakabili nikulya ena abeseshe bena. ²⁶ Ena alandile ati, "Ngamwebo icine mwakula umfwa kwishiwi lyakwa Yahweh Lesa wenu, nokucita icisuma mumenso yakwe, nangu ngamwapela matwi kumafunde yakwe nokubaka ifipope fyakwe fyonse-Nebo nkabika pali mwebo ubulwele nangu bumo buntu Nebo nabikile pabena Egupti, mpantu Ninebo Yahweh uulemyundapa mwebo." ²⁷ Nomba abantu baishile kuli Elimu, kulya ukwaki utumfumfuku ikumi natubili utwa menshi no tumuti twa tuncindu amakumi cine lubali. Eko bapangile inkambi mupepi na menshi.