¹ Nomba Yahweh alandile kuli Mose ati, ² ''Sosa kubena Israele ati bafwile baluluke nokwisa panga insakwe pantanshi ya Pi Hahirote, pankati ka Migidole ne cimana, pantanshi ya baali-sefone, Mwebo mule panga insakwe apatungatene tubali ne cimana Pi Hahirote. ³ Farao akasosa pamulandu wa bena Israele ati, 'Bena bali mukulumba fye mu calo. Na matololo naya besalila mukati pali bena. ⁴ Nebo ndimukukosha umutima wakwa Farao, na ena ali no kubakonka bena. Nebo nkalanga ubucindami pamulandu wakwa Farao na bonse abashilika bakwe. Abena Igipti bakeshiba ati nebo nine Yahweh.'' Elo abena Israele bacitile insakwe elo ngefyo baibelwe. ⁵ Ilyo imfumu ya Igipti ba yebele ati abena Israele naba fyuka, na mano yakwa Farao na babomfi bakwe yali pilibwike kuli abo bantu. ba landile ati, ''cinshi fwebo twa cita? Fwebo twaleka abena Israele ukuya ukufuma mukutubombelafwebo.'' ⁶ Nomba Farao abulile iceleta lyakwe nokulipekanya nokubula abashilika bakwe pamo na ena. ⁷ Ena abulile amaceleta aya salalwa imyanda mutanda na yonse amaceleta ya bena Egupti,na babuteko pali yonse yene. ⁸ Yahweh aali mukukosha umutima wakwa Farao, imfumu ya Egupti, ne imfumu yakonkele abena Isreale. Nomba abena Isreale balimukufuma mukutumpuka. ⁹ Nomba abena Egupti bena bali mukubakonka, pamo naba kabalwe bonse na ma celeta, na bantu bakwe aba pali bakabalwe, na bashilika bakwe.Nabo abena Israele bali na bekala naba panga insakwe mupepi ne cimana apalungatana na Pi hahirote, pantanshi ya Beal-sefone. ¹⁰ Ilyo Farao aishile palama, abena Israele bali mukulolesha nabo cali bapeseshe amano, Abena Egupti baali mukwenda balebakonka bena, nabo bali mukutina sana. Abena Isreale baali mukulila sana kuli Yahweh. ¹¹ Nabo balandile kuli Mose ati, "Ni pa maulandu wakubulwa mipolo mu Egupiti, eco mwebo mwatuletele munshila ukwisa fwila mu matolo? Cinshi mwatucushishefi,ukutuleta fwebo ukufuma mu Egupti? ¹² Teici ico webo fwebo twakwebele mu Egupti? Fwebo twalandile kuli webo ati, 'Tuleke fwebo fweka,elo fwebo kuti twabombela abena Egupti.' Kuti caba icisuma kuli fwebo uku bombela bena ukucila ukufwila mumatololo." ¹³ Mose alandile ku bantu ati, "Mwiba no mwenso. Iminineni ndi no kumona ukupokolola kuntu Yahweh alacita kuli mwebo ilelo. Pantu mwebo tamwakabamonepo napeka abena Egupti bantu mwebo mulemona ilelo. ¹⁴ Yahweh alemilwila mwebo, na mwebo muli nokuba abaiminina ndi." ¹⁵ Nomba Yahweh alandile kuli Mose ati, ''cinshi webo, Mose, uli mukutwalilila ukulilila ukufuma kuli nebo? Eba abena Israele ukuti baye kuntanshi. ¹⁶ Imya pamulu inkoto yobe, tambalika ukufuma ku kuboko kobe pacimana nokupatukanya pabili, elo ati abantu abena Israele bena baye ukupita pacimana pamushili uwauma. ¹⁷ Mube abaishiba ati Nebo ndimukukosha imitima yabena egupti elo bali nokuya panuma yabena. Nebo ndeipela ubukata pamilandu wakwa Farao napa bashilika bakwe bonse, nabali pama celeta yakwe, nabantu bakwe abali pali ba kabalwe bakwe. ¹⁸ Nomba abena egupti bakeshiba ati Nebo nine Yahweh ilyo Nebo naikwatile ubukata pamulandu wakwa Farao, amaceleta yakwe, na bantu bakwe abali pali bakabalwe bakwe.'' ¹⁹ Umungeli wakwa Lesa, uyo waleya panyashi ya bena Israele, alifuminepo nokuya kunuma yabena. Ne cishingitini ce kumbi cafumine pantanshi yabena no kuya mukwiminina kunuma yabena. ²⁰ Ne kumbi lyaishile pakati knsakwe yabena Egupti na pakati kabena Israele . Ili lyali likumbi ilya fita kubena Egupti, nomba lyali mukuleta ulubuto ubshiku kubena Israele, elo ulubali lumo takwali ukwisa mupepi kulubiye ubshiku bonse. ²¹ Mose atambalike ukufuma ku kuboko kwakwe pa cimana.Yahweh aseseshe icimana kunuma ku mwela uwakosa uwa ku kabanga ubushiku bonse no kupanga icimana icalo icauma. Muli iyi nshila amenshi yalyakanike. ²² Abena Israele baile pakati ka cimana pamushili uwauma. Amenshi yali pangile icibumba kuli bena pa kuboko kwabo kwa kulyo no kuboko kwabo kwa kuso. ²³ Peka abena Egupti bakonkele, bali mukwingila bali mukubakonka mukati ka cimana, impunda shonse shakwa Farao, amaceleta yakwe, na bantu bakwe abali pali bakabalwe bakwe. ²⁴ Ilyo bali mukulinda, ulucelo Yahweh apangile mucishingitini camulilo peka iye kumbi kubashilika babena Egupti, nokufulunganya abashilika babo ba bena Egupti. ²⁵ Nomba Farao akakile amaceleta yakwe, nokweba ati bayafumyeko kuli bubu bwafya. Eico abena Egupti balandile ati, "Natubutuke pantanshi yabena Israele, elo ati Yahweh ali mukubalwila kuli fwebo fwe bena Egupti." ²⁶ Nomba Yahweh alandile kuli Mose ati, "Tambalika ku kuboko kobe pacimana nokweba ati amenshi yaye pamo pabena Egupti, na pamaceleta yabo, na bantu bakwe abali pali bakabalwe bakwe." ²⁷ Mose, nao atambalike ukuboko kunkonto yakwe pacimana, kukufikakulucelo; icimana calibwelele ifyo cali lyonse. Ilyo abena Egupti bali mukukonka, elyo Yahweh aumine abena Egupti mukati kacimana. ²⁸ Elyo amenshi ya bwelele pamo, na bena Egupti bafwile pamo na maceleta nabantu bakwe abali pali bakabalwe, abashilika bonse abali mukuya bale bakonka bonse balifwile mucimana, takwali no washepo. ²⁹ Nomba abana bakwa Israele, bali mukuya pamushili uwauma pakati kacimana. namenshi kuli bena yali kwati cibumba, kukuboko kwabo kwa kulyo nokuboko kwabo kwa kuso. ³⁰ Efyo Yahweh apokolwele abena Israele, kukuboko kwakwe ukwakosa na kumaka yakwa Farao imfumu ya Egupti, na bena Israele balemona abena Egupti abafwa pambali ya cimana. ³¹ Elyo abena Israele bamwene amaka ayakalanba ayakwa Yahweh yantu acitile pa bena Egupti, na bantu bonse abbena Israele batinine Yahweh, no kucindika Lesa na Mose umubomfi wakwe.