¹ Nomba Yahweh alandile kuli Mose ati, ² '' Kuli nebo umpatwileko ibeli lyonse libe ilya mushilo, ibeli lyonse ilyaume mukati ka bena Isreale, bonse pamo mu bantu na mu nama. Yonse amabeli yabe kuli nebo." ³ Mose alandile ku bantu ati, "Iteni ubu bushiku mu mano, ububushiku ubo mwebo mwaishile ukufuma mu Igipti, ukufuma mu ng'anda ya busha, na ku kuboko kwa kwa Yahweh ukwa kosa amiletele mwebo ukufuma ukwisa kuli ino ncende. Takuli umukate ulimo icitutumushi ukweba ati bakalye. ⁴ Mwebo muli mukuya ukufuma mu Igipti pali buno bushiku, umwenshi wa Abibu. ⁵ Lintu Yahweh mwebo akamileta muchalo ca mwina Kanaani, Hiti, Amore, Hibi, Yebushi, icalo ico ena alapile ku fikolwe fyenu ukupela mwebo, icalo icili mukufumya umukaka no buci-nomba mwebo muli nokusunga uyu mulimo wa tatakula muli uno mwenshi. ⁶ Pantu mu nshiku cinelubali webo muli no kulya umukate umushili icakututumusha; na pabushiku ubwa lenga cinelubali ku kaba ilambo lya mucinshi kuli Yahweh. ⁷ Umukate umushili icakututumusha wena bakaulye monse munshiku cinelubali; takuli mukate uulimo icakututumusha ukumoneka mukati kenu. Takuli icitutumushi ukweba ati cikamoneke muli mwebo namuli onse uwa mumimpaka yenu. ⁸ Pali bulya bushiku webo ukasose kubana bobe, 'Ni pamulandu waico Yahweh atile kuli nebo ilyo nebo naishile ukufuma mu Igipti.' Ici cikaba kuli webo cakukwibukisha pakuboko kobe, ne cakukwibukisha pampumi yobe. ⁹ Ici eco amafunde yakwa yahweh yakabe mukanwa kobe pantu ukuboko ukwamaka Yahweh amiletele mwebo ukufuma mu Igipti. ¹⁰ Eico mwebo muli nokusunga amafunde na kunshita ishalinga ukutula kumwaka no mwaka. ¹¹ Ilyo Yahweh mwebo amiletele mu calo ca kanaani, elo ena ali lapile kuli webo na ku fikolwe fyenu ukucita, ilyo ena apele icalo kuli webo. ¹² Webo ufwile ukupatulula kuli Yahweh ica ntanshi ca mwifumo iyonse. Fyonse ifya mabeli yantanshi yamau nama ifitume, fyena fikabe fyakwa Yahweh. ¹³ Lyonse beli ilya mpunda webo ukalishite ukubwesha kumukuni. Nga webo wakana ukushita ukabwesha, nomba webo ufwile ukamokole umukoshi wakwe. Nomba umo uwa mu mabeli ayaume ayali yonse aya mubana bobe abaume-webo ufwile webo wayashita ukuya bwesha. ¹⁴ Ilyo umwana obe umwaume webo akakwipushe kuntashi. 'Nge ci calola mwi?' nomba webo ukamwebe ena, Cali ni kukukosa kwa kuboko kuntu Yahweh atuletele fwebo ukufuma mu Igipti, ukufuma mu ng'anda ya busha. ¹⁵ Ilyo farao inkosa mutwe akene ku kuleka fwebo ukuya, Yahweh aipeye amabeli yonse mu calo ca Igipti, yonse amabeli ya bantu na mabeli yonse aya nama. Nipali ici nebo mdi mukwipaila Yahweh ibeli lyonse ilyaume ilya nama yonse, na cinshi nebo ndeshitila ukubwesha ibeli lyonse ilya mwana wandi umwaume. ¹⁶ Ici cikesaba ica kwibukisha pa maboko yobe, ne cakwibukisha pa mpumi yobe, pantu cali ku kukosa kwa kuboko Yahweh atufumishe fwebo ukufuma mu Igipti.'' ¹⁷ Ilyo Farao alekele abantu baye, Lesa tabatungulwile bena munshila ya mu calo caba Pelishiti, nangu ati cilya calo cali mupepi. Pantu Lesa alandile ati, "Limbi abantu kuti baalula amano yabo ilyo bamona ukulwa na bena ba bwelelamo ku Igipti.'' ¹⁸ Elo Lesa atungulwile abantu ukushinguluka monse mu matololo ukufika kuli bemba wa matete. na bena Israele bailepituka ukutula ku calo ca Igipti abamaka ku kulwa. ¹⁹ Mose abulile amafupa yakwa Yosefe pamo nayo, pantu Yosefe apangile abena Israele ubunte ukulapa nokulanda ati, ''Lesa cine cine webo akakupokolola, na mwebo mufwile mwa senda konse amafupa yandi pamo namwebo.'' ²⁰ Abena Israele bali mukwenda ukufuma ku Sukote nokuya tusha pa Etamu ku lutwe lwa matolo. ²¹ Yahweh aile pantanshi yabo mukasuba icakwikatilila ce kumbi ica kubatungulula bena munshila.Mubushiku ena aleya mu cakwikatilila ica mulilo ukupela bena ulubuto. Muli iyi nshila bali mukwenda akasubanobushiku. ²² Yahweh tali mukufunyapo pantanshi yabantu inshita shakasuba ica kwikatilila ce kumbi nangu inshita shabushiku icakwikatilila ca mulilo.