¹ Yahweh alandile kuli Mose na Aarone mu calo ca Egupti, ena alandile ati, ² "Kuli mwebo, uno mwenshi ulebo wakutampa kwa mwenshi, nomwenshi wa ntanshi uwa mwaka kuli mwebo. ³ Webe no lukuta lwakwa Israele, 'Napa bushiku bwalenga ikumi ubwa uno mwenshi bafwile cila lupwa babule umwana wa mpanga nangu umwana wa mbushi kuli bena, cila ng'anda bacite ifi, impanga cila ng'anda yaba shibo. ⁴ Nga ing'anda yaba shibo ili iinono kukupela impanga, umuntu no mwinshi uwa konkapo umwina mupalamano babule impanga nangu imbushi umnani naco cikabe cisuma ku mpendwa ya bantu. Cikabe cisuma kuli onse ukalya, elo bali nokubula umnani uusuma ukukumana nemilile yabo bonse. ⁵ Inpaanga yenu nangu imbushi ilingile yaba iisuma iya bula akalema, iilume iya mwaka umo. Mwebo muli nokubula imo iya mpanga nangu imbushi. ⁶ Mwebo mulingile ukuisunga ukufika pa nshiku ikumi limo nashine isha ulya mwenshi. Nomba ulukuta lonse lwa kwa Israele ba fwile baipaya ishi nama ku cungulo. ⁷ Mwebo muli nokubulapo nomulopa noku ubika ku fimuti fibili ifya mwinshi uku no ku napa mulu wa mwinshi wa mwalo uwa ng'anda umo mukalalila uyu munani. ⁸ Mwebo muli nokulya uyu munani bulya bwine bushiku, panuma intanshi namoca pamulilo. Mukailile kumikate iishatutumuka, nakumisalu iyalula. ⁹ Mwikailya iibishi nangu iyaipikwa mu menshi. Kanofye iya ocewa ku mulilo pamo no mutwe wakwe, amolu ne filundwa fya munda. ¹⁰ Mwebo tamufwile mwafisunga nangu cimo ukufika mailo ulucelo. Mwebo mufwile mwa oca fyonse ifyashalapo ukufika ulucelo. ¹¹ Ifi efyo mwebo muli nokulya ici: ne mishipi namu kaka mumisana yenu, ne nsapato shenu ku makasa yenu, ne nkonto yenu muminwe yenu, Mwebo mufwile ukulya ici bwangu bwangu. Ici cakucilila cakwa Yahweh. ¹² Yahweh asosele ifi: Nebo nkaya pita mukati ka calo ca Egupti muli bulya bushiku no kwipaya ibeli lyonse lya bantu ne lya nama mu calo ca Egupti. Nebo nkaleta nobupingishi pali tulesa utwa mu Egupti. Nebo nine Yahweh. ¹³ Umulopa ukaba cilangililo pama yanda yenu mu kwisa kwandi kuli mwebo. Ilyo nebo namona mulopa, Nebo nkapita pali mwebo ilyo nkalaipaya mu calo ca Egupti. Ici cinkunka taca kese pali mwebo no konaula mwebo. ¹⁴ Ubu bushiku bu kaleisa ubwa kwibukisha kuli mwebo, ubo mwebo muli no kusunga ngo bwelambo kuli Yahweh. Cakwi bukisha ce funde kuli mwebo, monse mubantu benu kunkulo shenu, ati mwebo muli nokusunga ubu bushiku. ¹⁵ Mwebo mukalye buleti uushabamo icitutumushi munshiku cine lubali. Napa bushiku bwa ntanshi mwebo mukafumyepo icitutumushi muma yanda yenu. Uuli onse uukalya umukate uwatutumushiwa ukafuma pa bushiku bwantashi ukufika pa bushiku bwa cine lubali, uyo muntu muka mufumye mu bena Israele. ¹⁶ Na pa bushiku bwantanshi kulya kukabe ukupatululwa kwa kuli nebo ukwa lukuta, napa bushiku bwa cine lubali nako kukaba ukukolongana kumo kwine ngoku. Tamuli kubombamo umulimo nangu umo muli ubo bushiku , kano fye uwa kwipika ifya kulya kuli onse. Wene emulimo uka bombamo kuli mwebo. ¹⁷ Mwebo muli nokusunga imiteto ya mikate uushatutumuka pantu nipali ubu bushiku ilyo Nebo nafumishe abantu benu, amabumba yamaka kuma bumba yamak, ukufuma mu calo ca egupti, Elo muli nokusunga ubu bushiku ukupula mukati ka bantu benu kukulo shenu. Ici cikabe lyonse lifunde kuli mwebo. ¹⁸ Mwebo muli nokulya umukate uushatutumushimuka ukufuma ku cungulo ca nshiku ikumi limo na shine mu bushiku bwaku balilapo bwa mwenshi uwa mwaka, ukufika ku cungulo ca bushiku bwalenga amakumi yabili-nabumo bwakubalilapo ubwa mwenshi. ¹⁹ Muli ishi nshiku cine lubali, tamufwile mwasanga icitutumushi muma yanda yenu. Uuli onse uukalya umukate uwa pangwa ku citutumushi ali nokufumishiwa ukufuma mumishi ya kwa Israele, nangu ulya muntu wa mu calo cimbi nangu umuntu umo uwa fyalilwa mu calo cenu. ²⁰ Mwebo muli nokulya ifisha pangwamo ne citutumushi. Konse uko mwebo mwikala, mwebo muli nokulya umukate uusha pangwamo ne citutumushi. ²¹ Nomba Mose aitile aba kalamba bonse bakwa Israele nokulanda kuli bena ati, ''kabiyeni nokusala utwana twa mpanga utusuma ukulya pamo ne ndupwa shenu nokwipaya icakucilila celambo. ²² Nomba buleni kamupo ka esobu nokukatuka mu mulopa ulya uli mu kabeseni. Mukaane no mumulopa uuli mu kabesini pa mulu wa mwalo wa pa mwinshi elyo na ku fimuti fibili ifya mumbali ya mwunshi. Nangu umo pali mwebo ekafuma panse pa mwinshi wa ng'anda yakwe ukufika mailo ulucelo. ²³ Pantu Yahweh ali no kupitamo ukupulamukati ukuma abena Israele. Ilyo Ena akamona umulopa pa cimuti ca pa mulu wa mwinshi na pali fibili ifya mumbali wa mwinshi, Ena akapitilila umwinshi wenu no ku kana suminisha ukonaulwa ukwisa mu ma yanda yenu ku kuma mwebo. ²⁴ Mwebo muli nokusunga ici cintu. Lyonse ici cikabe kuli mwebo ifunde na ku fikolwe fyenu. ²⁵ Ilyo mwebo mukengila mu calo ico Yahweh ali no kumipela mwebo, nga elo Ena alaile ukucita, mwebo muli nokusunga ici ukubomba ukumau tatakula. ²⁶ Ilyo abana benu mwebo bakamipusha, 'Bushe uku kubomba kwa kutatakula kulolele mwi?' ²⁷ Nomba mwebo mukasose ati, Ili lilambo lyakucilila kuli Yahweh, pantu Yahweh alipitilile pama yanda ya bena Israele mu Egupti ilyo Ena aali mukuma abena Egupti. Ena ali pokolwele ama yanda yaba shifwe ukuba aya kaele.''' nomba abantu bali mukukontama panshi noku tatakula yahweh. ²⁸ Abena Israele balile nokucita filya fine yahweh akwete ukukonkomesha Mose na Aarone. ²⁹ Ici cali citike pa kati kabushiku ati Yahweh na uma yonse ama beli mu calo ca Egupti, ukufuma pa we beli wakwa Farao, uwa ikala pa citebe cakwe, ku we beli lya muntu uuli mu cifungo na kwi beli lyonse ilya fitekwa. ³⁰ Farao alishibwike ubushiku-ena, na bonse aba bomfi bakwe, na bonse abena Egupti. kulya kwali ukupunda kwa kulila ku kalamba mu Egupti, pantu takwali ing'anda umo umushalimo nangu umo uwafwa. ³¹ Farao aitile Mose na Aarone ubushiku nokulanda ati, ''Imeni, imeni fumeni mukati ka bantu bandi, mwebo na bena Israele. kabiyeni, katatakuleni yahweh, elo mwebo mulandile ukufwaya ukucita. ³² Buleni imikuni yenu na maombe yenu, ifyo mwebo mu landile, nokuya, na pamo mumpale.'' ³³ Abena Egupti bali mukwangufyanya uku kulu ukutuma bena ukufuma mu calo, pantu balandile ati, ''Fwebo bonse tulefwaya.'' ³⁴ Elo abantu babulile umufuba wabo uwabula ukubikamo icitutumushi. Na mabeseni yaku kandwilamo yabo yena bwangu bali naba yakaka munsalu shabo nokuyabika pa mabeya yabo. ³⁵ Nomba abantu abena Israele bacitile ifyo Mose abebele bena. bale ipusha abena Egupti insalu sha Silfere nensalu sha golde, nefya kufwala. ³⁶ Yahweh acitile abena Egupti ubulile ubwa kusekesha abena Israele. Elo abena Egupti bena bapele fyo ifyo babepwishe ukubapa. Muli iyi nshila. abena Israele basendele abena Egupti. ³⁷ Abena Israele bali mukwenda ukufuma ku Ramesese ukuyafika ku Sukote. Impendwa yabo yali 6000,000 bonse abaume abali mukwenda pama kasa, ukulundapo abanakashi na bana. ³⁸ Naba patankana nabo pamo baile pamo nabo, pamo ne mikuni yabo na maombe, impendwa iikulu iya fitekwa. ³⁹ Bena bapangile umukate uwa bulamo icitutumushi mu mufuba ulya baletele ukufuma mu Egupti. Wena wali uwa bulamo icitutumushi pantu bena bali bafumishe ukufuma mu Egupti nabo bali fililwe ukuwayawaya ukweba ati ba pekanye ifya kulya. ⁴⁰ Abena Israele baikele mu Egupti pa myaka 430. ⁴¹ Na pakupwa kwa myaka 430 muli bulya bwine ubushiku, ibumba ilikalamba lya bamaka lyonse lyakwa Yahweh lyaliile ukufuma mu calo ca Egupti. ⁴² Ubu bwali bushiku ubo baleenda ukwa bula ukwikala, pantu Yahweh bena abafumishe ukufuma mu calo ca Egupti. Ubu bwali bushiku bwa kwa Yahweh ubo bali nokusunga kuli bonse abena Israele ukupula muli bonse abantu bakwe ku nkalo shabo. ⁴³ Yahweh alandile kuli Mose na Aarone ati, ''Cino ecipope ica kucilila: Takuli uwaku calo cimbi uwa kukuma ku cakulya ici. ⁴⁴ Uuli onse, umwina Israele onse umusha, uwa shitilwe ku ndalama, ali nokulye ci panuma mwebo ena na mu muputula inkanda yapa lutwe lwa bwaume. ⁴⁵ umweni no mubomfi wa kulipila tabalingile ukulya icakulya icili conse. ⁴⁶ Icakulya cili nokuliwafye mu ng'anda imo fye.mwbo tamuli nokusendamo umunani ukufumisha kunse ya ng'anda mwebo tamuli nokutoba ifupa lya ici. ⁴⁷ Abekala calo bakwa Israele balingile basunga uyu mutebeto. ⁴⁸ Nga umweni ekala pali mwebo nao alimukufwaya ukusunga ica kucilila kuli Yahweh, bonse balupwa lwakwe baume bali nokuputulwa inkanda shapalutwe lwabwaume. Nomba ena kuti aisa nokusunga ici. Ena akesaba pamo nga bantu abo abafyalilwa mucalo. Umuntu uushiputwilwe inkanda yapalutwe lwabwaume tali nakulyako icakulya conse. ⁴⁹ Amafunde yakabe yamo yene na kuli bonse abana bamuli cino calo naku mweni uuli mukwikala na mili mwebo bene.'' ⁵⁰ Elo abena Israele bonse bacite ifya lingana ngefyo Yahweh akonkomeshe Mose na Aarone. ⁵¹ Caishile nomba pali bulya bwine bushiku Yahweh ali leteleIsraele ukufuma mu calo ca Egupti ne bumba lyakwe lya bamaka ili kalamba.