¹ Eico mu mwaka wakulenga mutanda na mu mweshi walenga mutanda, mubushiku ubwalenga isano wamweshi, ilyo naikele mu ng'anda yandi na bafilolo ba kwa Yuda twaikele nabo, ica kuti ukuboko kwakwa Shikulu Yawe kwawile pali ine kulya. ² Elo naloleshe, noku cishamo kwali icapalana nokumoneka kwa muntu. Ukufuma kumimonekele ya musana wakwe pasamba pali umulilo. Kabili ukufuma pamulu wamusana kwali cimo icalemoneka icabeka, kwati cela icapya ³ Elyo aikishe icali mumusango wakuboko kabili casendele ku mishioshi ya kumutwe wandi; umupashi walinjimishe mulwelele kabili mucimonwa ukufuma kuli Lesa, andetele ku Yerusalemu, mukati pa mwinmshi kumpongolo yakukapinda kakukuso uko baimika utububi twa kalumwa kakalamba utusonsomba. ⁴ Elyo moneni ubukata bwakwa Lesa wakwa Israeli bwali kulya, ukulingana ne cimonwa namwene pa ncende iyabatama. ⁵ Elyoatile kuli ine, "We mwana mwaume wa muntu, sansula amenso yobe ku kapinda kakukulyo." Elo na sanswile amenso yandikukapinda kakukuso na kapinda kakukulyo aka mpongolo iyiyi tungulula ku cipailo ukulya pamwinshi pali akalubi kabufuba. ⁶ Elo atile kuli ine, "We mwana mwaume wa muntu, Bushe naumona ifyo balecita? Ifi efya muselu fukalamba ifyo aba ng'anda yakwa Israeli balecita kuno kukulenga ine ntaluke ukufuma mu bwikalo bwandi. Lelo wala aluka no kumona ifya muselu ifya cilishapo." ⁷ Elyo andetele ku mwinshi wakunshila yakulubansa, kabili naliloleshe, namona icipunda mucibumba, ⁸ Atile kuli ine, "We mwana mwaume wa muntu, koma muli ici icibumba, kwali icibi. ⁹ Elyo atile kuli ine, kabiye nokumona ububifi ubwa muselu ubo balecita kuno." ¹⁰ Eicop nalingi;le no kumona, kabili moneni, namwene ifilangililo pa fibumba ponse mumubelo wafintu ifikulaika ne nama isha kowela, notulubi tonse utwa ba ng'anda yakwa Israeli. ¹¹ Bafilolo aba ng'anda yakwa Israele amakumi cine lubali bali kulya na Yasania umwana mwaume wakwa Shafani aiminine mukati kabo kabili cila muntu alinolubani mu minwe yakwe pakutila ati icinunshishi ca bubani cile nina. ¹² Atile kuli ine, "We mwana mwaume wa muntu, Bushe naumona ifyo ba cilolo ba ng'anda yakwa Israele balecita mumfimfi? Cila umo na umo alecita ici umwafisama mumuputule wa aklubi kakwe, pantu batila, Yawe taletumona! Yawe nabutuka icalo." ¹³ Elyo atile kuli ine, "Bwelelamo nakabili no kumona nacvimbi icamuselu cikalamba ico balecita." ¹⁴ Icakonkelepo andetele ku mwishi wampongolo uwa ng'anda yakwa Yawe uwabela kukapinda kakukuso, moneni! abnakashi nabekala palya balelosha Tamusi. ¹⁵ Elo atile, "Bushe wamona ici, wemwana mwaume wa muntu? 'Pilibuka kabili nokumona icamuselu cikalamba icacila pali ifi." ¹⁶ Andetele mukati kalubansa lwa ng'anda yakwa Yawe, kabili mineni! pamwisnhi we tempele lyakwa Yawe pakati kabulambo ne cipailo, pali abume amakumi yabili naba sano na balosha inuma shabo kwi tyempele lyakwa Yawe ne finso fyabo baloseshe kukabanga, kabili baleshinshimuna akasuba. ¹⁷ Atile kuli ine, "Bushe wamona ifi we mwana mwaume wa muntu,?Bushe icintu nicinono kuba ng'anda yakwa Yudaukucita ici ica muselu ico balecita kuno? pantu nabesusha ulukakala mu calo kabili nabapilibukila nakabili kukusonsomba ubukali bwandi, ukubika imisambo ya fimuti ku myona yabo. ¹⁸ Eico nkacita muli bena; amesno yandi tayakaba kwatile inkumbu, kabilio shakabatengele. Nangula bakalile mumatwi yandi ne shiwi, ilya ciunda, nsha kabomfwe."