¹ Ishiwi lya kwa Yawe lyaishile kuli ine, nokutila, ² "Iwe, we mwana wa muntu -Shikulu Yawe alanda ici ku calo cakwa Israeli. 'Impela! impela naisakumipaka ine iya calo. ³ Nomba impela ili pali iwe, pantu ndetuma icipyu candi pali iwe, kabili nkakupingulka ukukonka ku nshila shobe; elyo nkaleta ifya muselu pali iwe. ⁴ Pantu ilinso lyandi kalyakakwikatilwe uluse, kabili ifyamuselu fyobe fikaba mukati kenu Elyo mukeshiba ukuti nine Yawe.' ⁵ "Shikulu Yawe alandile ici: Icinkunka! icinkukuma cabula impela! Moneni, cileisa. ⁶ Impela mucine ileisa. Impela naima pakati kenu, Moneni, ileisa! ⁷ Ubusanso buleisa kuli imwe mwebekasgi ba calo. Inshita naifika; ubushiku nabupalama -Utoloto kabili tekubilisha kwansansa pampili. ⁸ Nomba ilyo tacilakokola nketulwila icifukushi candi pakati kenu kabili ukwisusha icipyu pali imwe iylo napingula imwe ukukonka kunshila shenu nokuleta bonse abamuselu pali imwe. ⁹ Pantu ilinso lyandi talyakamone inkumbu, kabili nshakamilekelele. Ngefyo mwacitile, nkacita kuli imwe,; kabili ifyamuselu fikaba mukati kenu eco mukeshiba ukuti nine Yawe, uulepanika imwe ¹⁰ Moneni, ubushiku! Moneni, buleisa! Ubusanso nabufuma! Inkonto yabalila, amatutumuko yapuka! ¹¹ Ulukakala nalukula munkoto yabubifi- nangu umo muli bena, kabili nagu nangu umo mwibumba lyabo, nangu fyuma fyabo, kabili nangu fyabucindami fyabo tafyakokole! ¹² Inshita ileisa; ubushiku nabupalama. Mwileka uleshita ukusekelela, nangu kashita ukulosha, apo ukufulwa kwandi kuli pe bumba lyonse! ¹³ Pantu kashitisha takabwelele ku calo ashitisheko ilyo bonse bali abomi, pamulandu icimonwa ukulingana nebumba lyonse talya kabweshiwe inuma; kabili pamulandu wampulumushi shabo, nangu umo takakoshiwe! ¹⁴ Nabalisha ipenga nokupekanya fyonse, lelo takuli nangu umo uleya kubulwi; apo icifukushi candi cili pe bumba lyonse. ¹⁵ Ulupanga luli kunse, kabili icinkukuma nbecipowe fili mukati kacinkukuma. Abo abali mwibala bakafwa kulupanga, ilyo icipowe necinkukuma cikapwisha balya mumusumba. ¹⁶ Lelo bamo abakapusuka bakafyuka ukufuma pakati kabo, kabili bakaya kumpili. Nge nkunda shamumipokapoka bonse bakalosha cilamuntu pafyabupulumushi fyabo. ¹⁷ Ukuboko konse kuka tompoka kabili ikufi lyonse lika nakuka nga menshi, ¹⁸ kabili bakaifwika abene insalu shamasaka, kabili ukututuma kuka fimba bene; kabnili insoni shikaba pali cila cinso, namapala pa mitwe yabo. ¹⁹ Bakaposa silifre wabo mumisebo na golide wabo akaba icishasanguluka. Silifere na golide wabo takabapusushe mu bushiku bwa bukali bwakwa Yawe. Imyeo yabo takapusushiwe, kabili insala yabo tayakekutishiwe, pamulandu impulumushi shabo shasanguka ilibwe lyakui pununamo. ²⁰ Mumataki yabo babulile ubusuma bwafibekobeko fyakwe, nakuli fyene bapangileko ifimpasho fya muselu kabili utulubi twabo utwamakankamike. Kanshi, ndeyalula ifi mufintu ifishasangululwa kuli bene. ²¹ Elyo nkapela ifi fintu mukuboko kwabambibambi nge cakutapa kabili kumbifi shapesonde ngecakutapa, kabili bakabakosha. ²² Elyo nkafumyako icinso candi kuli bena ilyo bakowesha icinso candi icawamisha; abapupu bakengila nokucikowesha. ²³ Mpangeni umunyololo, pamulandu icalo nacisulamo ubupingulo bwamulopa, wiswilemo ulukakala, ²⁴ Eico nkaleta imbishio shineshine isha mu nko, kabili nkapoka amayanda yabo, kabili nkapwisha abamataki, pantu incende shamushilo shikakoweshiwa! ²⁵ Umwenso ukesa! bakafwaya umutende, lelo tapakabe. ²⁶ Icinkukuma pacinkuma cikesa, kabili kukaba ilyashi lyabufi palyashi lyabufi. Elyo bakafwaya icimonwa kuli kasesema, lelo ifunde likepaya ukufuma kuli shimapepo kabili ukapandwa amano ukufuma kubakalamba. ²⁷ Imfumu ikalosha kabili umwana wa mfumu akafwikwa insamu, ilyo amaboko ya bantu ba mucalo yakatutuma mu mwesno. Ukukonka nakunshila shabo nkacita ici kuli bena! Nkabapingula ku mibele yabo mpaka bakeshibe ukuti nine Yawe"'