¹ Elyo alilile namatwi yandi neshiwi ilikalamba, kabili atile, "Lekeni bamalonada bese kumusumba, cila umo ne canso cakweicakonawilako mukuboko kwakwe. ² Eico moneni, abaume mutanda baishile ukufuma mu nshila yampongolo iya pamulu iya kukapinda kakukuso,cila umo necanso cakwe ica kwipailako mukuboko kwakwe.Kwali no mwaume mukati kabo afwele ifyakufwala ifyaembakabili ifyatelela nakalembelo nakalimo kakwa kalemba kulubali lwakwe. Eico baingile mukati nokwimanina mupepi ne cipao ca mukuba. ³ Elyo ubukata bwakwa Lesa wakwa Israeli bwaiminine mumulu ukufuma kuli Kerubimu uko kwali pa mwisnhi wa nganda. Abilikishe umwaume uwafwele ilaya ilyaemba uwakwete akalembelo kakwa kalemba pa mbali yakwe. ⁴ Yawe atile kuli ena, "Pita mukati ka musumba- mukati ka Yerusalemu- kabili bika icishibilo pa mpumi ya abo abalelila nokulanguluka pafya muselu fyonse ifilecitika mumusumba." ⁵ Elyo asosele kuli bambi mupepi naine, "Pita mumisumba panuma yakwe nokwipaya. Wileka amenso yobe ukuba noluse,kabili wishapo nangu umo. ⁶ Ipaya-pwilisisha ukonaula-mwaume umukote, abalumendo, nacisungu, abaana banono, nangu abanakashi. Leelo wiya ku uli onse uukwete icishibilo pampumi yakwe. Tampila pe Tenti lyandi!" Eico batendeke pali bacilolo abali kuntanshi ya Ng'anda. ⁷ Atile kuli bena, "Kowesha ing'anda, nokwisusha imansa shaiko nefitumbi. Kabiye!" Eico baile nokusansa umusumba. ⁸ Ilyo baleusansa naisangilefye neka kabili nawile ubunkupeme nokuti, "Iye, Shikulu Yawe, Bushe uleonaula bonse abashalapo abena Israeli mukupongolwela icipyu cobe pali Yerusalemu?" ⁹ Atile kuli ine, "Ubupulumushi bwa nganda yakwa Israeli na Yuda nabukulisha. Icaalo nacisulamo no mulopa no musumba nawisulamo nobupondamishi, pantu batila, 'Yawe alilaba icaalo na Yawe tamona!' ¹⁰ Leelo ine, ilinso lyandi talya kwatile uluse, kabili nshakabalekefye. Nkabika imicitile yabo pamitwe yabo." ¹¹ Moneni! Umwaume uwafwele ilaya lyabusaka uwakwete akalembelo kakwa kalemba kumbali yakwe, alibwelulwike. Alondolwele nokutila, "Ine nimomba ifyo nakonkomeshe ukucita.