¹ Atile kuli ine, wemwana mwaume wamuntu, iminina ku makasa yobe, elyo nkalanda kuli iwe." ² Elyo acili alelalnda kuli ine, umupashi waingile muli ine no kunjimika ku makasa, kabili naumfwile alelanda kuli ine. ³ Atile kuli ine, wemwana mwaume wa muntu, nde tuma iwe kubantu bakwa Israeli, ku luko lwaba cisanguka abo abasangukila ine- bonse bena ne fikolwe fyabo bali bembuka kuli ine ukufika kuli shine nshiku. ⁴ Imfyalwa yabo bakwata impumi sha filumba kabili nibankosa mitima. Ndekutuma kuli bena, nokuya tila kuli bena, ifi efyalanda Shikulu Yawe." ⁵ Nga bakaya umfwa nangu tabakaye umfwa. Bena ni ng'anda ya ba cisanguka, lelo icikulufye baishiba ukuti kasesema ali na bena. ⁶ Iwe, we mwana mwaume wa muntu, wibatina nangu ukutina amshiwi yabo. wiba uwa mwesno, nangula waba naba cilasa ne myunga kabili nangula wikala muli bakali ng'ongo. Wilatina amashiwi yabo nangu kututuma ifinso fyabo, apo ni ng'anda yabucisanguka. ⁷ Lelo ukuyalanda amashiwi yandi kuli bena, ngabakomfwa nangu tabakomfwe, apmulandu wakuti niba cisanguka abacilamo. ⁸ Lelo iwe wemwana mwaume wa muntu, umfwa kufyo nalalanda kuli iwe. Wiba cisanguka kwati niilya ing'anda ya bacisanguka. Isula akanwa kobe no kulya ifyo nala pela kuli iwe!" ⁹ Elyo ine nalolesha, kabili ukuboko nakitambikwa pali ine; mukati mwali icitabo. ¹⁰ Acifungulula pali ine; calembelwe konse kubili kuntanshi na kunuma, kabili ifyalembelwemo fya bulanda, ukulosha , na akalanda