¹ Mumwaka wa makumbi yatatu, mumwenshi walenga bune, mubushiku bwalenga shisano ubwamweshi, elyo ine naleikala mukati kaba nkole pa munyanga wa Kebari, imyulu yaliswike, kabili namwene ifi monwa fyakwa Lesa. ² Pabushiku ubwalenga shisano ubwa ulya mwehi- wali mwaka uwalenga busano uwa bunkole ubwa mfumu Yoaikini- ³ Iceebo cakwa Yawe caishile kuli Eseliele umwana mwaume wakwa Busi shimapepo, mu calo ca bena Kaludi pa munyangala wa Kebari, nokuboko kwakwa Lesa kwali pali ena kulya. ⁴ Elyo naloleshe, kabili kwali kankungwala alaefuma kukapinda kakuso; ikumbi ilikalamva no mulilo ulebyatamo no lubuuto ukushingulukamo mukati kaciko, no mulilo wali necisemba bge cinyamuti mukati kekumbi. ⁵ Mukati mwali ifyapala ifya mweo fine. Ifi efyo fyalemoneka; fyalinemimonekele ya muntu, ⁶ leelo fyakwete ifinso fine cicmo cimo, cimo cimo icafya mweo cakwete amapindo yane ⁷ Tuli citile ifintu ifibipile kuli mwebo,nekufilwa akasunga ifilayo nemafunde nensula mwalayile umubomfi werlu mose. ⁸ Mwetukwesu iteni kutyulengo utu mwayebele mose umubomfu wenu fani mufacibo ifibipile,nkamusalanganyeni mubantu. ⁹ Sombi kani mwabwela kuli nebo nekukonka ifi na mwerbeleni nekuficita efyo neli abantu bernu bukaleni abasanganishiwe umutali makosa nkababunganika pamno nekubafumya uko nekubabika pamo nekubabwesesha kuy afulo nasalile pakwe batiu ishina lyandi likabe pekapalya. ¹⁰ Imimonekele ya finso fyafiko yali nge cinso camutnu. Fyonse fine fyuakwete icinso ca nkalamo kukulyo, kabili fyonse fine fyakwete icinso ca ngomnbe ilume kukuso. Fyonse fine fyakwete bicinso ca kapumpe. ¹¹ Ifinso fyafiko fyali fine, namapindo yafiko yaleimina pamulu, pantu icamweo conse calikwete amapindo yabili ayalekumya ipindolya camweo cimbi, kabili namapindo yabili eya lekupa imibili yafiko. ¹² Fyonse fyaleenda ukulosha ifinso kumo kwine pakuti uko konse umupashi wafilangilila ukuya, fyaleya ukwabula ukupilibuka. ¹³ Ukwisa kukupalana kwafya mweo, imimonekele yali nga malasha ayaleaka aya mulilo, nga imimonekele yafyenge; umulilo uwa akisha walemoneka pa mulu wafya mweo fine, kabili kwali nokubyata kwa nkuba. ¹⁴ Ifya mweo fyaleenda ulubilo kunuma naku ntanshi kabili fyakwete imimonekele ya nkuba! ¹⁵ Elyo naloleshe ifya mweo; kabili ine namwene umupeto umo pansi mupepi ne camweo conse nefinso fine. ¹⁶ Ii emimonekele ne mipangile ya mipeto; Cila mupeto wali nga Topasi, kabili ine yakwete imimonekele imoine; imimonekele ne mipangile yali ngo mupeto uuleshinguluka mukati kaunakwe. ¹⁷ Ilyo Yaleenda, yalelola ukuli konse ukulingana nentunga yafiko shine, ukwabula ukupilibuka ilyo fileya. ¹⁸ Ukwisa kuli bakolokota, bali abasansuka kabili abantunga, pantu bakolokotp baiswilemo amenso ukushinguluka. ¹⁹ Ilyo ifya mweo fyaleenda, imipeto nayo yaleenda mupepi nafyena. Ilyo ifya mweo fyaleima ukufuma pe sonde, imipeto nayo yaleima. ²⁰ Uko konse umupashi waleya, fyaleya, nemipeto yaleima mupepi nafyena, pantu umupashi wafya mweo wali mumipeto. ²¹ Ilyo lyonse ifya mweo fyaleenda, imipeto yaleenda; kabili ilyo fiya mweo fyale iminina, imipeyo nayo yaleiminina; Ifya mweo nga fyaimina mumulu ukufuma pesonde, imipeto nayo yaleima mupepi nafyena, pantu umupashi wafya mweo wali mumipeto. ²² Pamulu wa mitwe iya fya mweo pali icapalana nge uli; calemoneka icabengeshima uku kupa pamulu wafiko. ²³ Mwisamba lye ulu, amapindo yaca mweo conse yalitambalele ukololoka kabili yakumishe amapindo yafya mweo fimbi. Ica mweo conse calikwete amapindo yabili ayakuifimba icine; ica mweo conse calikwete amapindo yabili ayakufimba umubili waciko. ²⁴ Elyo naumfwile iciunda ca mapindo yafiko. Nge congo camenshi ayengi. Ngeshiwi lya ciunda ca mfulka. Nge ciunda ca mpuka ya bashilika. Ilyo lyonse fyaleiminina, fyale ponya amapindo. ²⁵ Ishiwi lyafumine mumulu pa mulu wa mitwe yafiko ilyo lyonse fyaleiminina shilili noku ponya amapindo. ²⁶ Pamuli we ulu pamulu wa mitwe yafiko, paali icapala icipuna icali kwati mimonekele ye libwe lya sifiri, kabili kwali icalemoneka nge cipuna kabili pa calemoneka nge cipuna pali icalemoneka nga umuntu. ²⁷ Ine namwene icimpashanya icalemoneka nge cela icileaka no mulilo mukati ukufuma mucalemoneka kwati musana; Ine namwene ukufuma kucalemoneka kwati musana wakwe mwisamba ukumoneka kwa mulilo no kubeeka ukushinguluka. ²⁸ Nga ukumoneka kwa mukola mfula mumakumbi nagu ubushiku bwamfula efyali imimonekele yalubuuto ulwa butisha ukucishinguluka. Yali mimonekele iya palene nobukata bwa kwa Yawe.Ilyo namwene ici, ine nawile ubunkupeme, kabili naumfwile ishiwi lilelanda.