¹ Atile kuli ine, "we mwana mwaume wa muntu, finshi wasanga, fyonse wasanga, lya. Icitabi ici, eico kabilye kalande ku ng'anfda yakwa Israeli." ² Eico naiswile akanwa kandi, kabili andishishe cilya icitabo. ³ Atile kuli ine, "We mwana mwaume wa muntu, lisha ifumo lyobe nokwisusha munda yobe lintu ine nkupele!" Eico nalile, kabili lyali lowele ngo buci mu kanwa kandi. ⁴ Elyo atile kuli ine, "wemwana mwaume wa muntu, kabiye ku ng'anda ya Israeli nokusosa amashiwi yandi kuli bena. ⁵ Pantu tauletumwa kubantu abamilandile iyaibela nagu ululimi ulwayafya, leelo ku ng'anda yakwa Israeli ⁶ tekubantu abengi abalandile iyeni nangu ululimi ulwakosa, abo amashiwi teti muyomfwe. Icine cine nga natumine iwe kuli bena balyumfwile kuli iwe. ⁷ Leelo ing'anda yakwsa Israeli tabakafwaye ukumfwa kuli iwe, pantu tabalefwaya ukumfwa kuli ine. Eico ing'anda yakwa Israeli yonse yalikosa impumi kabili abakosa imitima. ⁸ Moneni! nimpanga icinso cobe ukukosa nge finso fyabo nempumi yobe ukukosa nge mpumi shabo. ⁹ Ine nimpanga impumi yobe nga diamonde, ukukosesha ukucila akabwe! Wikabatina nangu ukutompoka pa finso fyabo, pantu ni ng'anda yaba cisanguka." ¹⁰ Elyo atile kuli ine, "We mwana mwaume wa muntu, ifyebo fyonse ifyo nasosa kuli iwe- fibike mumutima obe kabili ufyumfwe namatwi yobe. ¹¹ Elyo kabiye bkuli bankole, kubantu bobe, nokulanda kuli bena. Landa kuli bena, "Ifi efyo Shikulu Yawe atila, ' Ngabakomfwa nangu iyo." ¹² Elyo umupashi wantwele mumulu, kabili naumfwile kunuma yandi iciunda cacinkukuma icikalamba: "Ipaalo libe kubukata bwakwa Yawe ukufuma muncende yakwe!" ¹³ Cali ciunda camapindo ayafya mweo ilyo fyale ikumanya fyonse, ne ciunda camipeto iyali nafyena, nge ciunda cacunkukuma. ¹⁴ Umupashi wantwele mumulu nokumfumyako kabili naile mubukali bwa mupashi wandi, nokuboko ukwa maka ukwakwa Yawe kwali pali ine. ¹⁵ Eico naile kuli bankole ku Tele Afifi abaikele mululamba lwa munyangala wa Kebari, kabili naikele kulya pakati kabo panshiku cine lubali, uwapeshiwa amano. ¹⁶ Panuma yanshiku cine lubali, icebo cakwa Yawe caishikle kuli ine, aciti, ¹⁷ "We mwana mwaume wa muntu, ine ninkucita malonda waba ng'anda ya Israeli, eico kutika kucebo ukufuma ku kanwa kandi, kabili bapeele ukusoka kwando. ¹⁸ Ilyo nasosa kumubifi, 'Imwe icine cine mukafwa, elyo taumusokele nangu ukulanda ukwa kusoka kumubifi pamulandu wa micitile yakwe iibi pakuti abe no mweo- umubifi akafwa pabupulumushi bwakwe, leelo ukafwaya umulopa wakwe ukufuma kukuboko kobe. ¹⁹ Leelo nga wasoka umubifi, kabili tafumine ku bubifi bwakwe nangu kumicitile yakwe iya bipa, elyo akafwa pamulandu wabupulumushi bwakwe, leelo iwe ukapususha umweo obe. ²⁰ Nga umuntu umulungami afuma kubulungami bwakwe nokucita ifya bubi, kabili ine nabika icakuipununako kuntanshi yakwe, akafwa. pantu tawamusokele, akafwila mulubembu lwakwe, kabili ine nshakebukishe ifintu ifisuma ifyo acitile, leelo nkafwaya umulopa wakwe ukufuma kukuboko kwakwe. ²¹ Leelo nga wasoka umuntu umulungami ukuleka ukubembuka pakuti tatwalilile ukubembuka, ena akaba no mweo pantu alisokelwe; naiwe ninshi naupususha umweo wakwe. ²² Eico ukuboko kwakwa Yawe kwali naine kulya, kabili atile kuli ine, "Ima! kabiye kumupokapoka, kabili ndelanda kuli iwe kulya!" ²³ Ine nali iminee nokuya ku mupokapoka, kabili kulya eko ubukata bwakwa Yawe bwaleikala, ngo bukata ubo namwene mupepi nomunyangala wa Kebari, eico nawile ubunkupeme. ²⁴ Umupashi waishile kuli ine nokunjimika pa makasa yandi; kabili asosele kuli ine, kabili atile, "Kabiye noku isalila mukati ya ng'anda yobe, ²⁵ pantu nomba, we mwana mwaume wa muntu, bakabika imyando pali iwe nokukaka iwepakutitaufumine pakati kabo. ²⁶ Nkalenga ululimi lobe ukwikata ku mutenge wakanwa kobe, pakuti ukabe cibuulu, kabili tawakaba kalipile, pantu ni ng'anda yaba cisanguka. ²⁷ Lelo ilyo nalanda naiwe, ukesula akanwa kobe pakuti ikalande kuli bena, Ifi, efyo shikulu Yawe atila. Umuntu uulefwaya ukumfwa akomfwa; umuntu uushilefwaya ukumfwa takomfwe, pantu ni ng'anda yaba cisanguka!