1 Mintibo Soluba, tabae kempukai'a kero tiharo Nora kai'a bainti aruatera, biba iata bainti oru tabero 2 bira irero pahi bano eo tiro mono bainti nahenti taukae Damaskasini baiha Nora abataka raba'ukero, bika bitakero Jerusalemini aniainara. 3 Biba biharo, Damasikasini oru aumai'a kaibo, totara nora ataiara bo bano narubai hairo tubiro, bira babama tora, 4 biba bataini hi'iriro irubo bo no-o bano narubai hairo tiharo, "Soluo, Soluo tiro, are nanatibae ti orai'i bariaro?" 5 Soluba anirante tibamiro tiharo, Are tababe, are Nora banoe iaro?" Nora bano tiharo, "Te Ihukabe, are tima orai'i bariaro. 6 Himpira tauni'ira ori'etane, orubira bika nanahikae are mintina tibamiate." 7 Bainti taukae solura batake orubuaka bo no-o iri bika himpi baiha kia bo uba bata tura, minti kia bika bainti bo bata tabora. 8 Soluba batai hairo himpiro nai abu rampaikero, kia biba bohika bata tabora, mintumanta bika bira kau'u uate bitabare Damasikasini ori'etora. 9 Tara enta boha enta kia biba aitu'ura, biba kia kara bata namai bata noora. 10 Kai'a bainti bo bano Damasikasini baura bira autu Ananaiasira, Nora bano taira'a aniro birara tiharo, "Ananaiasio tubo!" biba bira tibamiro tiharo, Nora baubo te ma'a bauro tibo. " 11 Nora bano bira tibamiro tiharo, "Himpuane, Abu abube tibaria arar'ata buane, Judasira nabu'ira bira bainti borara irane, bira autu Solurabe, biba nunabu tiharo. 12 Biba bo taira tabaibo, bo bainti bira autu Anaiasiba uri'etero nai kau'u bira'a bari batairo, biba anirante aitu'uaina." 13 Mintibo Ananaiasiba bira tibamiro tiharo, "Norabaubo, te irura airu bainti nahenti bi baintirara tibariarabe, biba ai bainti nahenti Jerusareini abu abu'abi bairiaka orai'a nimite baibabe tiarabe. 14 Biba pirisi nora bainti'ahiro uba barero eka bainti nahenti taukae ai autu tuahere baika raba'uane tiabobe." 15 Mintibo Norabano bira tibamiro tiharo, "Buane tiro, bira nanare biba ti kai'a bainti'ama buanobe, biba ti autu barero bo bainti nahenti tibanimireba buanobe, kinika bata Isireri batanaka baiintiti batabe. 16 Te bira umi'airo bo aiha bo aihama biba ti autu'a kai'a bareharo barebarianobe, 17 Mintibo ananaiasiba mini biro, bi nabura'i ori'etorabe. Biba nai kau'u bira'a bari batero, tiharo, "Soluo ti atabakao, Nora Ihuba, tabae ai'a a'ira arana obarai'a biba ma'a anireba iaro, biba ti atitaima aini anuro are anirantera aitu'uanerabe booha bata are Aiho bainti'a bata mpi'ama binabe." 18 Totara habuka parepa'a bo'aba Solura abu'ihairo hi'iribo, biba anirante aitu'iro, biba himpiro namai barora, 19 biba kara nero kempuka barero. biba kai'a bainti hampata Damasikasini boki entanabura baura. 20 Totara biba Ihura autu Juda batanaka mono nabu'ira tibanimiro tiharo, te Kotira Ma'ube tiro. Eka bainti nahenti taukae bira 21 uba iriaka bika rabukubi tiha, "Ma bi baintibae Jerusaremini Nora autu auture barika ori'a nimite baibabe ti. Biba ma ani bika raba'ukero bitabarero pirisi iata bainti ianaini birebabe ti. 22 Mintibo Soluba bo'abata kempu kai'akero uba tiharo imanta Juda batanaka Damasikasini bariaka bika auha marareha baubo biba kempu kai'akero Ihura Karaitirabe tibaura. 23 Bo entanabu aitarora nantiara Juda batanaka uba tatauke bira arireka. 24 Mintibo Soluba baaka tabero nana uba bika tatauruara. Mintimanta bika enta'i bata atitaira'a bata tauni entana ra'ikite baiha bira arireka. 25 Mintiamanta bira kai'a bainti enta'i uta'ira rubake ubika'ahi babikabo biba binura. 26 Biba Jerusaremini obariro, biba kai'a bainti hampata oru baireba. Minti bika eka eteha, bika kia mara'ura uti birara kaia'a bainti'a bibo ti. 27 Mintibo Banabasiba bira bitakero kai'a bainti ianaini bura, biba bika tibanimiro tiharo, Soloba Nora ara'a tabaibo Nora bano biraini uba tibo, Soluba Damaskasini kempu kai'akero Ihura autuara tibaura kia biba etora. 28 Biba bikara hamata ruba'uabiro baumanta, bika Jerusaremini ani anirante bura. Kia biba etora biba kemukai'a kero Nora Ihukaratira uba tibaura. 29 Biba Juda batanaka Kirisi binai aniaka hamata bata tirori baura, minti bika bira arireka ura. 30 Atabakauka bihaikara tabe, bira bitabare Sisariaini otubi bira atitakabo Tasusini bura. 31 Bihaikaba obaribo, Juda mono nabu'ira, Galili bata Sameria bata iha'ara auha bare kempukai'abi baura; bika Norara ete okarara'a nibaura, Aiho Bainti bano bikara ko'e'ura, airu bainti nahenti auha tu'antarora. 32 Bi entara, Pitaba eka batuka kai'a bara'iro biharo, biba mara'ura utua bainti nahentika Lida tauni'ira barika tabareba tubura. 33 Mini biba bo bainti rantakero bira autu Ainiasira. Biba nai tainta'a baiteharo 8-nabu ihi barakaiba, bira nanare bira eka baata bano utubiba. 34 Pitaba bira tibamiro, "Ainiasio tiro, Ihu Karaitiba ai ho'ama kaibo tiro. Are himpira nena tariba'a bu'iane tiro," minti tibo biba totara himpura. 35 Mintimanta eka bainti nahenti Lidai bata Saronini bata bariaka bi baintira tabe, bika auha tu'antare Norai anura. 36 Jopaini bo kai'a bainti baura bira autu Tabitara, (bi autura okara baireba "Dokasira" Giriki uba ihairo). Bi nahentiba ko'e okara'a mpi'a biba, biba behi bainti nahentiara umpo ibaiba. 37 Bi entara biba aiha barero utu bumanta bika bira hi'ake bira baata kaba'ara mintiatara marira'a bari batora. 38 Lida batuka bano Jopa aumanto baura kai'a bainti iriabo Pitaba mini baimanta. Bika taara bainti atitomanta bira oru ire tiha, " totara tinabu unanai aniane ti." 39 Mintibo Pitaba himpiro bikara hampata bura. Biba oru obarumanta, bika bira bitabare kaba'ara mintiatara marira'a barikara. Eka tento'a nahenti bira aumanto himpi i'irateha baiha, bika bira umi'eha Dokasiba bikara hampata baiharo mintiato utaba'ara. 40 Pitaba eka kaba'ara ihairo bika atite bebakero, biba torikauru arabiro nunabu tibakero, nantiara biba tu'anta biro baata baira'a biro tiharo, "Tabitao, himpuane tiro." Biba nai abu rampaikero, Pitara tabero biba himpiro o'ubura. 41 Pitaba nai kau'u beta batero bara babi'ara kero, nantiara biba mara'ura utua bainti nahentika bata tento'a nahenti bata narakero, biba bira bika nimura. 42 Bi ubaba eka Jopa batuka biro aniro bura, mintimanta airu bainti nahenti Noraini mara'ura utura. 43 Pitaba bo entanabu Saimoni kantiro Jopaini baura, biba antau arukeharo utaba'a mintibaiba.