¹ Soluba Sitiveniba utuainara boha auha batora. Mintibo bi entarahiro biba mono bainti nahenti Jerusaremini bariaka orai'a nimitebaumanta; eka mono bainti nahenti etake Judia bata Sameria batuka bata biro aniro bura, kai'a bainti'ai a'irake bira'i baura. ² Bainti taukae Kotira antu'a abatebauka Sitivanira i'irateha bira untora. ³ Iboma Soluba mono'i bariaka oraha orai'a nimitebaura. Biba bohau bohau nabu'i ori'etero bainti nahenti barabeba kero karabuhi'i baura. ⁴ Mara'ura utua bainti nahentika etake eka batuka buanaini bika mini buru Nora uba tibanimi baura. ⁵ Pilipiba nora tauni Sameriani otubiro biba Karaitira uba bika muntu tiba nimibaura. ⁶ Airu bainti nahenti pilipiba mirakori autira iri tabe, bika ato bate nanahikara biba uba tira ko'eke iri baura. ⁷ Airu banti nahenti ora aiho bataka a'ini tubitareha bibauara, bi aihoka keke tibabareha tubitare baura. Bainti nahenti taukae ai'u kau'u utirobika, bika anirante ko'e'i bura. ⁸ Mintibo nora uaharahika bano bira nora tauni'ira obarai ura. ⁹ Mintibo bo bainti bira autu Saimoniba baka biba burebare barebaiba airu bainti nahenti Sameriaini bariaka rabukubi biba bihaikara mintura tabe, biba nariara tiharo te nora baintibe tiro. ¹⁰ Eka bainti nahenti Samerianihai, noru'a baintika'a hiro nati baiinti'a muntu bikero ato bira'i amibaura. Bika tiha, "Ma baintira Kotira aikaro bo'ara batairabe ti bika bira auturehe Norabe ti." ¹¹ Bika bira uba iriha, bira nanare, bukai enta biba burebare barebaumanta bika bira tabe rabukubi. ¹² Minti bika Kotira kindom ihaina ko'e uba bata Ihu Karaitira autuara bata Pilipiba tumanta bika iri, bainti bata nahenti namai barora. ¹³ Saimoniba nai bata mara'ura utiro namai barora, eka enta biba Pilipira aumanto baura. Biba tabaibo Pilipiba mirikori autiharo kempuka kai'a barebaubo. ¹⁴ Kai'a bainti Jerusaremini baiha irumanta Sameria batanaka Kotira uba irumanta, bika Pitaka Jonika atitomanta bika ianaini otubura. ¹⁵ Bikahanta tubi, nunabu'a nimite Aiho Bainti baratera. ¹⁶ Bi entara, bika Ihura autu'a'i namai barobo Aiho Bainti bano kia bika boru'a bata anibaura. ¹⁷ Nantiara Pitaka Jonika bika'a kau'u bate nunabu iamanta Aiho Bainti barora. ¹⁸ Saimoniba tabomanta kai'a bainti bi bainti nahentika'a kau'u batomanta Aiho Bainti barebaubaro, biba mone bika nimiro. ¹⁹ Biba tiharo, Bi kempukara tibata timi'e bainti nahenti taukae te bata kau'u bari batai Aiho Bainti barate tiro. ²⁰ Mintibo Pitaba bira tibamiro tiharo, "ai mone bano bata are bata orai'ama bibarabe tiro, bira nanare, are Kotiba ihaikara mone nohaira ko'ai irebama iaro tiro. ²¹ Kiama ai kai'a boru bata ma bi kai'ara'a baibo, bira nanare, ai auha bano kiama Koti kantiro abu abu'abiro baibo tiro. ²² Mintiboma ai ora okara bano ai auha'ira baina are auha tu'antarera, Noraini nunabu tiro ai auha hi'a mitero ba'u irirahika ai auha'ira baina a'ini barakaire. ²³ Bira nanare, te tabauro orahika banoma ai'a anianobe are ora auha batakera a'i kumi okara'i bairo." ²⁴ Saimoniba tiharo, "Tiriara Norai nunabu tibo, nanahikae ne tiba kia ti'a obarai'iaire tero." ²⁵ Bika Nora uba tiba o'ai'ake, Pitaka Jonika eka batuka Sameriai bairiaka ko'e uba tibanimi bika anirante Jerusaremini bura. ²⁶ Ensori bano tiharo, "Himpira arabano sautini otubira Jerusaremini haira Gasani buane tiro." (Bi araba kia bohika bano bata baina bairabe) ²⁷ Biba himpiro bura. Biba tabaibo Itiopia bainti kuinira kai'a bainti Itiopiai haina bainti bano, Jerusaremini Noraini mono tireba bura. Bi baintira nora bainti kamanika kai'a ra'iki taira Itiopiani, biba kuinira mone'a ra'iki taiba. ²⁸ Biba karesi'a o'ubiro anirante Itiopiai bireba biharo biba poropeti Asaira aratanu'i bai ubara kararu'ira bibaura. ²⁹ Nora Aiho bano Pilipira tibamiro tiharo, "Butura karisi bano baina aumanto buane tiro." ³⁰ Pilipiba kantero bira'a biro, iribo Itiopia bainti bano poropeti Aisaiara aratanu karari baibo, biba tiharo, are bi ubara karari bariana bira okara iriterae iaro?" ³¹ Itiopia bainti biba tiharo, "Nantiake-e te bi ubara okara tabarabe, kia bo bainti bano ti tibatimi'e?" Biba Pilipira irero tiharo karisi'ira barirera tikantira o'ubuane tiro. ³² Bi ubara Itiopia bainti bano karariba mantikero tirabe, bika bira bitabare sipisipi nati bo'ara ta baintibae ubara sipisipi bano ihaa'a biro bira ka'u'ira bairo kauhi mu'ukero aru utukairo, biba kiama no-o antua kero bo uba bata tianarobe. ³³ Bika bira baramuntubike bika kia bira abu abu ko-o iri amitarai ti. Tabae bika baiintinti antuara tianarobe? Bira nanare, bika bira mara'ura ma bataraihai a'ini barakabe. ³⁴ Itiopia bainti biba Pilipira irero tiharo, te ai irarebe, bi poropetiba bira nariare tibo o hinikia baintikare tibo?" ³⁵ Pilipiba uba antake tireba, Kotira uba ma ubara nohairo antakero turabe, biba Ihura ko'e uba bira tibamurabe' ³⁶ Bika arana biha iabaro, namai bontano tubibaubo Itiopia bainti biba tiharo, "Tabane, namai ma'ama baibo, te namai barare iairo nanahika banoe ti raba'uanobe?" ³⁷ undefined ³⁸ Mintibo Itiopia bainti biba kempukai'ake tibakero nai karisi raba'ukero. Bikahanta namai'ira otububaro Pilipiba Itiopia bainti bira namai a'u amitora. ³⁹ Bikahanta namai'ihai barirobaro, Nora Aiho bano Pilipira bitabarero bubaro Itiopia bainti bano kia bira tabora, iboma biba uahara batakero nai arana bura. ⁴⁰ Mintibo Pilipiba Asotus batuka orurero eka batana biro, bi batukara ko'e uba nora tani'ira tibai'iro biro Sisariaini orurora.