1 Iata bainti ire tiha, "Bihaikaba bira u'ai'ae ibo ti?" 2 Stiveniba bika tibanimiro tiharo, "Ti ata bakauka bata ti oka batabe, te uba tiaina ato timiate, Kotira ataira bano tinabu oba Ebarahamuba Mesapotemiai hairo Haranini oru baireba ibaro bira'a a'ira'a obarai'urabe; 3 Kotiba bira tibamiro tiharo, "Nena bataa bata nena antu bata a'irakera bo batuka te umi'aina'a buane turabe.' 4 Biba Kaldia bataa a'irakero Haranini oru baura, mini bira oba utububaro bira nantiara biba bura, ne bate ma baria bataara'a biba anurabe. 5 Kotiba kia bataa boru bira amura, kiabe, kia bo batuka biba ai'u bataina baura. Mintibo, biba bira poromisi'ake tiharo, kia Ebarahamuba baiinti batairo, Kotiba bi bataara Ebarahamura bata bira naintiti batama nimianarobe. 6 Kotiba bira tibamiro tiharo, bira naintiti bo batuka bonabu'ake baiha imantama minihaina bainti nahenti bika anirante kai'a bainti'atai 400 ihima bika oarai'a nimite baibarabe. 7 'Minti'e, te koma amirabe bi kantariba Isireri batanaka kai'a nimibaina, ' Kotiba tiharo, 'nantiara bika anirema ma batukara'ama Ti'a mono tibarabe tiro. ' 8 Nantiara, Kotiba baata to'aina kontarakira Ebarahamura amura, mintibo Ebarahamuba Aisakira oba baiharo 8 entanabu aitarobaro Aisakira baata to'ora. Aisakiba Jekopura oba baibaro Jekopuba 12-nabu iata bainti oba baura. 9 Mintimanta, bi iata baintika Josepirara arara'iteha bira Isipi batanaka'a salimi'a kora, iboma Kotiba bikantiro baura. 10 biba bikantiro baiharo bira eka mara kaha'i baura. Biba Josepirara antu'ariharo nai ko'e irahika Josepira Ferora biri'a amibaura, biba Isipini kiniba biba Josepira bitakero Isipini haina gabanai'a kaibo eka Ferora bainti nahenti bata ra'iki tora. 11 Nora narara hikabano eka Isipini bata Kenani batukaini obarumanta, nora orahika bano obarai'ura, mintumanta tinabu okabara kara rante araba kia baura. 12 Mintubo, Jekopuba irumanta karabano Isipini baibo tubaro, biba tinabu okabara nititomanta haru bata kia mintibariara bika karara rantabare Isipini bura. 13 E'a nantiara tinabu okabara karara oru rantora, Josepiba nai atabakauka abu'a nai o'ai'a kaibo Fero bata Josepira antu tabora. 14 Josepiba nai atabakauka anirante nititero nai ora Jekopura oru bitabare Isipini aniate tiro, eka nai antu batakero, bika eka 75 nabu baura. 15 Mintubo Jekopuba Isipina otubura, biba bata tinabu okabara bata ututi bura. 16 Biba utubumanta bika bira bare Jokopura bata bira baintiti Sekemuni Ebarahamuba matimati silva nohairo Hamora orainti baiinti iharo ko'ai'a tora'ira Sekemuni bura batora. 17 Mintubo bi poromisira tibatai entaba obarai'iaina ani aumai'ura, bi poromisira Ebarahamurai mintiatoba, Isireri bainti nahenti Isipini orautaha bubara, 18 bira'ahiro biro bo kiniba obrai'iro Isipi batanaka rai'ikiairaba kia bi kiniba Josepira tabora. 19 Bi kiniba tinabu bainti nahenti una'ara tibakero kempukai'a kero tinabu okabarara tiharo inara baiinti haika a'ira'a bataimanta bika kia mara'ura bariate tiro. 20 Bi entara Moseba obarura, biba Kotira abu'a bo'abata ko'eumanta bika bira 3-tora nabu'ira nai ora nabu'ira ra'ikura. 21 Bika bira baha'aini barabeba kabo, Ferora rabura bano bira bitakero ra'ikitaibo biba noru'a biro nai ma'u bo'ara baura. 22 Moseba eka irahika Isipini hairo barero biba uba'a bata nai kai'a'a bata nora bainti'a bura. 23 Mintubo bira ihi 40-nabuano aitarobo, nai atabakauka tabaira auhaba bira uri himpura, bika Isirera batanaka. 24 Biba tabaibo Isipi bainti bo bano Isireri bainti bora orai'akero aribo biba Isireri bainti bira kaha'akero Isipi bainti bira aru'utu kaira: 25 Moseba iriro tiharo nai atabakauka Kotiba nai kau'u'i hairo anirantero bitanaro tiro, imanta kia bika bira taborabe. 26 Bo enta, biba Isireri batana bariana biharo tabomanta bika nai abutana tirori bariabo biba boha auha bare bariatera biba tiharo, 'Ma baintikabe, ne nenta atabakaukabe, nanahare ne nenta ora'i bariabo tiro?' 27 "Mintibo bi baintiba tabae nai atabakara mara amiba Mosera aubenta niarai'akero tiharo, 'Taba ai makimi'a tero tinabu'a siasi boa'ara ra'ikiane tibae are tiaro? 28 Are ti aru utukarebe enta Isipi bainti aru utukana tekera?' 29 Moseba bi ubara iriro a'irakero bura biba bonai haina bainti bo'ara Midaini oru baura, mini baiharo biba tara baiinti oba baura. 30 40 ihi nabu aitaro baro, bo ankero bano bira'a obarai'ama bura Sainai Ai'ina'ata katari bo'ira iha itebaura'i hairo. 31 Moseba ihabano itaira tabero, biba bihaikara tabero rabuku biro, biba bo'abata aumanto'a biro tabare tiro, bo uba bano Nora no'ihairo obara'iro tiharo, 32 Te ai okabara Kotika baiha Ebrahamura, Aisakira, Jekopura Kotikabe. Moseba bi ubara iriro, biba bo'akero etero kia e'abata tabora. 33 Nora bano Mosera tibamiro tiharo, 'Nena ai'u ihara sentoru bi'uane tiro, bira nanare, are himpuana'a, abu abu'i batara'abe. 34 Ti bainti nahenti taukae Isipini bariaka mara barara te tabauro, te bika i'i irima te bika anirante bitarema tuburo, bate are aniane, te ai atitaira Isipinima binabe.' 35 Bi Mosera bika tauba'a utu'ami, bika tiha, 'Taba ariara tiharo tinabu ra'ikirara bata siasi bata bariane tibae iaro?' Bi Mosera, Kotiba ra'ikirara bainti bo'ara atitaibo Isipini karabuhi'i bariaka ntintora. Ankerobano bi katarira'i obarai'iro Moseraini ubatura Kotiba bira atitora. 36 Moseba bika Isipini hairo ntinta bebakora, bira nantiara biba airu mirakori Nare namai Soruara'a auti baura, 40 ihi umina batana baiharo. 37 Bi Moseba tabae Isirera batanakara tiharo, 'Kotiba ni abutanahiro bo atabakara himpi kairoma biba ti bo'ara poropetima barianarobe tiro.' 38 Bi baintiba tabae ankero batakero baiharo umina batana Sainai Ai'ina'ata uba tibauba. Bi baintiba tabae tinabu okabara hampata baiharo bi baintiba aiho bai ubara barakero tinabu timibaiba. 39 Bi baintira tarae tinabu okabara kia bira uba irireka auti bariara, bira a'ira niarai barake beta Isipini hainahikara iribaura. 40 Bi entara bika Aronira tibami tiha, 'Bo kotira mintiakairo biba tinabu abuni buaire ti. Bira nanare, Bi Moseba tabae tinabu Isipi batanaka bata'a bauro tinabu bitabeba kaibabe, tenabu kiama tabauro nanahika banoe bira'a obrai'ibo ti. 41 Mintumanta bika inara kau mara'ura autuke bika uaheha baura, bira nanare, bihaikara bika nai kau'u nohai mintiatora. 42 Mintubo, Kotiba tauba'a utunimiro imanta bika narubaihaina opuka makau'a mono tiha baura poropeti aratani'ira tibatontekero. Ne Isirari bainti nahentibe, 'Ne akau haika aruke ti opa timie iabo 40 ihi nabu'ira nane? 43 Ne boha auha bate ne Molekaba mono'ibai seri nabura bata koti Refanira opu makau'a una'ara mara'ura mintiate ne bira'a mono tibariabo, mintima te ni bitabare Bibiloni bata atarake niaraima birabe.' 44 Tinabu okabara umi batana seri nabu batorabe, boha'arakero Kotiba kempukai'a kero Moserai uba turabe, mintiro biba nana hikae mara'ura tabaina boha'ara kero mintiaire. 45 Bi seri nabura tinabu okabara nai iahira bo'arake bare anurabe, bika bihaira bata bare Kenanini Josuara batake ori'etorabe. Tinabu okabara abu'ata, bika iara ekahika batakero Kotiba bi batara'i hairo bika atitakairabe, biba tinabu okabara nai iahira bo'arakero nimurabe. Bi seri nabuba tinabu okabara batakero bari'iro biro Devitira enta'a orurorabe, 46 biba Kotira antu'a abatareba, Kotira iraibo biba bo batuka Jekopura Kotiba bariaina batukara amurabe. 47 Solomoniba bainti tabae Kotira nabu ka'ataiba. 48 Mintibo, Kotiba Norabano kaanta'a baiba kiama biba bainti kau'u nohai ka'ata nabura'i baibabe, 49 Norabano tiharo 'Narubai ti kini tainta baiboma batai te ai'u batauna'abe. Nantina naburae ne ti ka'a timitebabe? Hanto'ae te ana baraina batukara barianobe? 50 Tinta kau'u banoe kia ekahika bihaikara mintiataibo? 51 Ne taukae uba rauheha kia baata to'eha nenta auha a'to'iha bata, kia ne Aiho Bainti kabo nai kai'a baraira, bi okararama ne minti bariabo, haru ni okabara mintibaria okarara boha'arima ni okara banobata babo. 52 Tau poropeti kae ni okabara kia bika orai'a nimitabo? Ni okabara poropeti taukae abuni aniaka Abu'abu Bainti ntaihorabe; mintima ne bata bainti bitakeha nabutaka kau'u'ira bateha ne bata bika arua baintika bo'arama bariabo. 53 Ne ankero Lo batara barema kima ne bira tatauke uatabo." 54 Kansori bi ubara iri, bi ubaba bika rapontaimanta bika Sitivenirara bo'ake arara'itora. 55 Mintibo Sitiveniba Aiho Bainti'a mpia biro Kotira kempuka narubaini burubi tabora; biba tabobaro Ihuba Kotira kau'u tanarai himpiro baura. 56 Sitiveniba tiharo, "Tabate, te tabauro narubabano antuabibo Bainti Ma'u bano Kotira kau'u tanarama himpiro baibo tiro. 57 Minti tumanta kansori nai ato tinteha norai'ake naberai tiha bika eka kante Sitiveni binaini bura. 58 Bika tauni'ihai Sitivenira baha'a bitabebake bika ori bira'a a'i baumanta bainti nahenti bira tabora, bika nai saketi bi'ike bo ubara bainti ai'u'ira batete bi ubarara autu, bira Solurabe. 59 Bika Sitivenira'a ori a'i baubaro, biba Naoraini naberai tibakero tiharo, "Nora Ihu tiro, ti aiho barane tiro." 60 Biba tori kauru arabiro biba nora naberai tibakero tiharo, "Norabaubo tiro, kia bika mara uata nimitane tiro" Biba minti tibakero, biba utubura