¹ Bi entara, kai'a bainti airu iamanta Juda bata Girisi bata Hiburu bata tirori baura, kara raira entara'i bika tirori baura, Hiburu batanaka kara rairakeha kia nahenti haika bika batibara utubuaka nimibaura. ² Abuni'ia kai'a baintika hinikiaka airu kai'a bainti nara aniamanta tiha, "kiama ko'e'ibo tenabu Kotira uba bainti nahenti tibanimuna okarara a'irake kara rairakeha bika nimibauna. ³ Ata bakauka, ne 7-nabu nenta abutanahi kubaitate, bainti taukae ko'e autu bataka, Aiho'a bata irirahika'a bata, tarae bi kai'ara'a tenabu kubai taina. ⁴ Tentanabu, tenabu eka nunabu okara'a baiha Kotira uba tiainarara'i iritare," ⁵ Bi ubara tibake bika eka uahora. Minti bika Stivenira bitara, bainti tabae kempuka mara'ura ututero Aiho bainti'a mpi'a bira, Pilipira ibo, Porokorusira ibo, ibo, Nikanora ibo, Timonira ibo, Pamenasira ibo, Nikolasira ibo bo bainti Antiokuni hairo auha tu'antaraira bata. ⁶ Mara'ura utua baintika bi baintika ntintabare kai'a bainti unaini anura, bika kau'u bika'a bari bate nunabu'a nimite kubai taimanta bi kai'ara baratera. ⁷ Mintibo Kotira uba bano buru norai'a bubaro, kai'a bainti bata airu'abi norai'a bura Jerusaremi bira'ira imanta airu pirisi bainti mara'ura utua arara abatora. ⁸ Mintibo Stiveniba a'urihaka'a bata a kempuka'a bata mpi'abiro bo'ari kai'ara bareharo mirakori bata bainti nahenti abutana minti baura. ⁹ Mintumanta hinikia bainti nahentika taukae Juda nora mono nabu'ira mono tiaka, bika nariara tiha tenabu Juda nora nabu'ira umina baintibe ti, nora tauni Sairini bata Aleksanderia bata, hinikiaka Silisia bata Esia bata. Bi baintika Stivenira batake uba i'oka ra'ibaura. ¹⁰ Minti bika kia himpi uba i'oka ra'iha ko'e irirahika Kempuka Aiho bano Stivenira amibo tira iriara. ¹¹ Mintimanta bika kuke'ake bainti tibanimi tiha buru mintima tiate ti, "Tenabu iruro Stiveniba Mosera bata Kotirara bata ora uba tibakaima tenabu turo tiate ti." ¹² Bika mintiamanta arar'iteha, nora bainti bata lo'ira irarahika bata baintika bata, bika Stivenira raba'uke bitabare maimarara ka'u'ira buru nimura. ¹³ Bika una'ara bainti bite buabo biba tiharo, "Ma baintiba kiama noo tintaibo biba ora ubama lora bata bi taku'ira batukara bata tibabo ti. ¹⁴ U'ai'akema turo tenabu iruro mintima tibo, Nasaretini haina Ihuba bi batukara orai'a keroma Moseba tinabu na'uba tinabu timina okarara tu'antama kanarobe ti." ¹⁵ Eka bainti taukae maimarara nabu'ira o'ubi bariaka bika bira biri'a ato bate, bira biri ankero biri bo'ara tabora.