¹ Hikia baintika Judiainihai Atiokuni otubi atabakauka tibanimi, tiha, "Ne kia Mosera Lo abatake kia baata to'aibera, Kotiba kiama ni nditanarobe. " ² bihaibakaba mintiakai Poluka Banabasika bi baintika hampata nora tirorura. Mintumanta bika Poluka Banabasi bata hinikiaka bika abutanahi Jerusalemini oru ruba'uabi iata bainti bata kai'a bainti hampata ubatika himpi tora. ³ Mintimanta mono bainti nahenti bika nititomanta bika Ponisiani bata Sameriani bi buru tibanimi tiha, hinikiaka bata Koti binaini aniate ti. Bi ubaba nora uaharahika barero atabakauka ianaini anura. ⁴ Bika Jerusaremini anumanta, mono'irauka, kai'a bainti bata iata bainti bata bika uahara batake bika bitora, Poluka Banabasika Kotiba eka norahika bikaini mintura tibanimi baura. ⁵ Mintunanta Farisi'ira bainti mara'ura utua bainti nahentika, himpi, "Bika tibanimi tiha nenta baata to'ake Mosera Lo abatate ti ." ⁶ Mintumanta kai'a bainti bata iata bainti bata ruba'uabi bihaikarara tibaura. ⁷ Uba i'oka nantira, Pitba himpiro bika tibanimiro tiharo, "Atabakaukabe tiro, ne tababo bo entanabu aitarora'a, Kotiba bo ara ni abutana kubai taira mintiroma baibo, uba te tibakauna'i, hikia bainti nahentika batama ko'e uba ma bira irima, mara'ura utibabe ⁸ Kotiba, tabae auha tabebaiba, nai bikara tibakeroma Aiho Bainti nimibo, tinabu timira boha'ara keroma bika'a bata mintibo. ⁹ Bihaikaba mintia kai'e bika bata tenabu bata tentanabu abutana kiama tu'abu birabe, iboma mara'ura utua okara bibama bika auha hi'a kaibo. ¹⁰ Bate, ne nanahare Kotira aba'areka iabo, mintima ne bi mara kai'ara bainti auntanama batabo bibaikara tinabu oka bata tenabu bata kiama ho bararabe. ¹¹ Iboma tenabu mara'ura uturo Kotiba Nora Ihukaraitira a'urihitara nohairo tinabu bitaira, bika bata boha'arama ibo." ¹² Eka bainti nahenti iha'abi baiha Poluka Banabasika Kotiba kaha'imanta bikahanta hinikia bainti nahentika'a bata mirakoli autira iribaura. ¹³ Bika uba tai'akara nantiara, Jemisiba tiharo, "atabakau iriate tiro, ¹⁴ Saimoniba tiharo nana ara'ae baaka ho'arero Kotiba nai a'urihaka umi'ero hinikia bainti nahentika bata kaha'iro nai autu'a bitanobe tirabe. ¹⁵ Poropeti baaka araruata ubaba ma bi ubara batakero boha auhama baibo. ¹⁶ Bihaikara nantiara, te orurate anima Devitira seli nabu ka'atema, ekahika orai'a binahikara te baaka baina'ama barababi karabe, ¹⁷ mintima ianarobe ina bainti nabuma Norara rantebabe hikia bainti nahentika hampata te tenta autu'a arauraukabe.' ¹⁸ Bira Nora bano tirabe, tenabu tabebe haru tabae bihaikara minitibabe. ¹⁹ Mintiboma ti irirahika mantiakeroma baibo, tenabu kia hinikia bainti nahentika auha mararahika nimiare taukae Koti binai anikara. ²⁰ Iboma, tenabu bika pahi araruma nimitarabe, bika mintiake tibanimiai una'ara kotira niarai'abi bariate, natabatiara ia okarara bata, utubina hikara bata, nare naara bata. ²¹ Bira nanare, Mosera Lo'i baaka tibake nora tauni haru baira'i tibake eka mono nabu'i Sabati'a tibanimi bariarabe. ²² Ko'ehabe kai'a bainti bata iata bainti bata eka mono'irauka Judasira bira auturareka Basabasirabe tiara, bata Sailasira bata bikahanta mono'ira iata bainti iamanta bika bikahanta nititomanta Poluka Banabasika hampata Antiokuni bura. ²³ Mantiake Pahi ararura, "Ma pahiba kai'a bainti bata iata baintini batama anibo, bika ni atabakaukabe, hinikia atabaukauka Antioku bata Siria Silia batabe, bika tiha, niara kuari'abema tiabo, ²⁴ Tenabu irura hinikia baintika tinabu abutanahi buabo, iboma bika kia tinabu'ihai uba bararai tibe, bika anima hiniki hikuru ubara tiahama ni auha mararahikama nimiabo. ²⁵ Mintima tenabu uba tiba tatauke bainti barakai tinabu tara ko'e atabakaka Banabasika Poiuka hampata ni oru tabebabe. ²⁶ Tara bainti kia naihanta mara'ura Nora Ihu Karaitira autu'a kaka'irara irura. ²⁷ Mintima tenabu Judasika Sailasika barakaura aniabo, bikahantama boha'arina ubara naihanta no'ihaima ni tiba nimibabe. ²⁸ Bira ko'ehabe Aiho Bainti bata tinabu batabe, kia nora mara ni'a bari batebarabe, mintima kia mararaina hikarama tenabu ni'a batarabe. ²⁹ Mintirama ne tauba'a utu'amiate una'ara kotira opa amibaira, nare nebaria okarara bata antaubahi ai'i tintakaibo utina bata natabatiara ia okarara batabe. Ne eka bi okarara niara'abi baihama, ko'ebi baibarabe, niara ko'erabema turo. ³⁰ Bika ruba'uara tai'aimanta Antiokuni otububi, bikahanta eka bainti nahenti ruba'uake bi pahira bika nimura. ³¹ Bika bi pahira kararuake tabe, bika oraha uahora bi ubaba bika kaha'ura. ³² Judasika Sailasika, bikahanta bata poropetibe, minti bikahanta airi uba nohai atabakauka kempukai'a nimitora. ³³ Bo entanabu mini barike iamanta, atabakauka bika iha'ara auha batake nititomanta taukae atitomanta anika unaini anirante bura. ³⁴ undefind ³⁵ Minti Poluka banabasika airu bainti nahenti hampata Antiokuni baiha Nora uba tibanimi baura. ³⁶ Mini bariabo bo entanabu aitarobo, Poluba Banabasira tibamiro tiharo, "Tehanta anirate bi atabakauka eka nora tauni'irai Nora uba tibanimurauka oru tabare, bika hoe bariabo. ³⁷ Banabasira irahika Jonira bira bo autu Makira biba bata bikahanta hampata buaire tiro. ³⁸ Poluba iriro tiharo kiama ko'eibo Makiba tinabu hampa buainabe tiro, bira nanare, biba Pamfiliai bikahanta kero bikahanta kai'a baronai kia bura. ³⁹ Nantiara, bilkahanta tiroria bare abutanahi tu'abu bura, Mintibo Banbasiba Makira bitakero sipi'ira barirero bikahanta Saipurusini bura. ⁴⁰ Mintibo Poluba Sailasira bitabatero imanta atabakauka bira Nora a'urihaka'ira bate iabaro bira a'irakero bura. ⁴¹ Mintibo biba Siriai bata Silisiaini bata biro mono'ira bariaka kempuka'a nimite baura.