¹ Bihaikaba Ikoniamini obarai'ura, Poluka banabasika Juda batanaka mono nabu'i ori'ete Nora uba tura'ira. ² Minti hinikia Juda batanaka kia uba iriaka, hinikia bainti nahentika bata irahika uri himpi komanta bika hinikia atabakauka nabutai'a nimite baura. ³ Bikahanta bukai'ake mini baura, Nora kempuka batake, bikahanta Nora uba tiha kia etora. Bi entara bata, Nora bano bikahanta kaha'imanta airu mirakoli bira a'urihaika batake autibaura. Nora bano bihaikara mintura biba Poluka Banabasika aikaro nimimanta mirakori auti baubo. ⁴ Minti nora bainti nahenti tauni bira'ihai tu'abu tarai'a bura. Hinikiaka Juda batanaka hampata oru bariamanta hinikiaka kai'a bainti hampata bauro. ⁵ Nantiara hinikia bainti nahentika bata Juda batana bata nai iata bainti auha uri himpi kaimanta, bika Poluka banabasika orai'a nimite orinohai bikahanta ntaihateti, ⁶ Bikahanta bihaikara tabe etake Likonia tauni'i bata Listara, Debi bata hiniki batukara aumanto baura bira'ira oru baura. ⁷ Bikahanta Ihu Karaitira ko'e uba tibanimibaura. ⁸ Listara tauni'ira bo bainti bano o'ubiro baura, Bira ai'u bano kia kempuka baiba. Nai noora auha'i ai'u orai'a bibo, kia ho'akero niba. ⁹ Bi baintiba Poluba uba tira iribaibo. Poluba bi baintira bubi tabaibo, biba mara'ura ututero kaha'ira bara'ina'a baibo. ¹⁰ Poluba bira arero tiharo, "Nena ai'u'a himpuane tiro." Bi baintiba himpiro bura. ¹¹ Poluba bihaikara mitumanta airu bainti nahenti tabe, bika naberai tibake nai Likonia uba'ihai tiha. "kotika tinabuni bainti bo'ara tubuabo ti." ¹² Bika auturareka " "Banabasirara Sesusirabe ti" Emesirara Polurabe ti, bira nanare bi baintiba abuni biharo uba tibaibabe. ¹³ Sesusira pirisi bika nai mono nabu nora tauni baha'ai batakabe, mintibo biba eka bainti nahenti hampata opa autirabe biba ko'e sikoni barero nora tauni enta'a tubirabe. ¹⁴ Mintimanta Poluka Banabasika bihana iri, bikahanta naihanta utaba'a upanike, totara bikahanta bainti nahenti bariara'a bi naberai tibake ¹⁵ tiha, Ne nanahare bi okarara mintibariabo ti? tehanta bata bainti ni bo'aukabe ti tehanta bata ni rirahika okara bo'ara baikabe ti. Tehanta ko'e uba barema nini tuburo ne bi ubara iri ne ora okara a'rake Nora Kotirai mara'ura baira ekahika Ora, biba batanaruba mintiatero, soluara mintiatero ekahika bira'i bai haikara bata mintiataibabe. ¹⁶ Haru enta biba bainti nahenti kaimanta nai antu'a'a nibariarabe. ¹⁷ Mintibo Kia biba nai a'ira kairabe kia bira o'ai'iaraba baibo, biba ko'e okarama mintibo biba naru baihaina a'uma ni nimiroma ko'e kara enta bata nimibo, ni auha'ira uahara hikabanoma mpi'a buanorobe. ¹⁸ Mintimanta Poluka Banabasika bi ubara tiaba kia nora bainti nahenti bikahanta opa amireka iara raba'irabe. ¹⁹ Mintimanta hinikia Juda Antiokuni hainauka bata Ikoniumuni hainauka bata ani nora bainti nahenti bahabera uba tibanimi baurabe. Minti bika ori a'uke Polura ari, bira raraubare nora tauni baha'aini beba'ukara, bira nanare bika iri tiha biba utuma bibo tibake. ²⁰ Kai'a bainti ani ruba'uabi biba baira'a bariabo, biba himpiro tauni'ira ori'etora. Bira nantiara, biba Banabasi kantiro Debeni bura. ²¹ Bikahanta nora tauni bira'ira Kotira uba tumanta airu bainti nahenti auha tu'antare kai'a bainti'i bura, bikahanta tai'ake, Listara, Ikoniamu bata Antiokuni bata anirante bura. ²² Bikahanta kai'a bainti auha kempukai'a nimiteha, ko'e uba tiba nimimanta mara'ura ututaira'a eka enta kempukai'abi bariatera. Bikahanta bainti nahenti tibanimi tiha, "Kotira batuka'ira ori'etareriha, tenabu mara a'u barema irabe." ²³ Bikahanta eka mono nabu'ihai iata bainti himpi komanta, bika kara a'irake nunabu tibaura. Bikahanta iata bainti bika barake Nora kau'u'ira kora, naihanta mara'ura utua Kotira'a. ²⁴ Nantiara bikahanta Pisidiani ani Pamfiliani anirora. ²⁵ Bikahanta Pegaini uba tiba nimi Ataliaini otubura. ²⁶ Minihai bikahanta sipi'i barire Antiokuni bura, bi batukara'i bikahanta naihanta mara'ura Kotira ami bira kai'a barora'i, bi kai'ara bikahanta bi batukara'i muntubi tai'a kora. ²⁷ Bikahanta Antiokuni oru obarai'i, eka mono tiaka ruba'uake nanahika Kotiba bikahantaini mintura tibanimi baura. Bira nanare Kotiba enta antua kaira hinikia bainti nahentika bata mara'ura utuatera. ²⁸ bikahanta bukai'ake kai'a bainti hampata baura.