1 Antiokuni mono tiara'ira, hinikia poropetika bata tisauka bata bariara. Bika autu Banabasirsbe, (tarae auturareka Nigarabe tiara), Lusiasiba Sairinini hainaba, Manaeniba (Herotira ata bakara bika barake biritaba, Herotiba tauni 4-nabu ra'iki taiba) Soluba. 2 Bika kara a'irake Nora'a mono'iha bariabo, Aiho Bainti bano bika tibanimiro tiharo, "Banabasika Solukabe tura, bira nanare bikahanta te arake nimuna kai'ara baraterabe tiro." 3 Bika kara a'irakara nantiara, bika bikahanta'a kau'u bate nunabu'a nimite bikahanta atitomanta bura. 4 Minti Banabasika Soluka Aiho Bainti uba iri bikahanta Selusiaini bura; minihai bikahanta sipi'ira barire Saipurusi aileni'a bura. 5 Bikahanta nora tauni Salamisini baiha; bika Kotira uba Juda batanaka mono nabu'ira tibanimi baura. Bikahanta Jon Makira bata bitake naihanta kaha'ira bainti bo'ara. 6 Bika bii Pofasi ailan abutana bi, bika bo bainti burebare bare bai baintira oru rantakora, bira una'ara poropeti bainti Judai hainara, bira autu Ba Jisasirabe tiara. 7 Burebare bare bai baintiba kabana kantiro tataubiba, Sekiusi Polusiba, biba irirahika bataa bainti bano. Bi baintiba Banabasika Soluka arero bira oru tabatera, bira nanare biba Kotira uba irireba. 8 Mintibo Elimasiba, (Elimasira bi autura okara burebare bare bairabe ti) kia bikara antu'ariro kabanaba bata Kotira uba iriro mara'ura utuainara. 9 Mintibo Solura, bira auturareka Polurabe tiara, Aiho Bainti'a mpi'a biba, burebare bare bai baintira'a abu tato'atero baiharo. 10 Biba tiharo, "Are Satara ma'u banobe tiro, are una'ara okara batakerama mpi'a buaro tiro. Are eka abu abu okara nabutababe tiro. Kiama are Nora abu abu okara tintenabe tiro, Are ho'irera?" 11 Bate tabane, Nora arara itarahika bano ai'a aniro, ai abubano impama buanobe. Bo enatanabuma are kia kuari tabenabe." Totara inara tonabu bano bata konkira bano Elimasira'a anura, bira abu impaibo biba bainti nahentiara ranteharo bira kau'u uatabare ara umi'atera. 12 Nantiara kabanaba nanahika obarira tabero, biba mara'ura utura. Biba rabuku bura Nora hikuru uba iriro. 13 Poluba bata bira batake nuaka Pafosi tute sipi'ira barire Pega Pamfiliaini bura. Mintibo Joniba bika a'irakero anirantero Jerusaremini bura. 14 Poluba bata bira batake nuaka Pega a'irake Antioku Pisidiani anirora. Mini ani sabati'a umanta bika mono nabu'i ori'ete o'ubi baura. 15 Poropeti Lo uba kararua manta iriara bira nantiara, mono'ira iata bainti bo uba barakabo Polura bata bira batake nukainiara tiha, "Ata bakaukabe ti, ne boki ubara ma bainti nahentika kempukai'a nimitera ibera, ne tiate ti." 16 Mintibo Poluba himpiro nai kau'u bini'a kero bi ubara kempukai'iharo tiharo, "Israri baintibe taukae Kotira uba iriha abataka, ne irirate. 17 Isirari batanaka Kotira bainti nahenti tinabu okabara noo bare bainti nahenti airutahai'a kora Isipini baiha, kau'u bini'akero bika Isipini hairo bitabarero bebarora. 18 40 ihi aumanto'a kero, Moseba bikara hampata umuna batana mara bara'ira bibaura. 19 Biba 7-kantri nabu Kenani batta'a bariaka orai'a kaira nantiara, biba Kenani batta barakero tinabu timira nai ira bo'ara. 20 Eka bihaikaba 450 ihi aitaraibo obarura. eka bihaikara nantiara, Kotiba hiniki iata baintika nimi'iro bibaubo poropeti Samueliba obarura. 21 Nantiara bainti nahenti bo kinirara irora, irobo Kotiba Solura nimura Kisira ma'u bi baintira Benjameni antu'irara, kini'a biro 40 ihi bariairera. 22 Kotiba Solura kini tainta'a hiro a'ini barakero, Kotiba Devitira barabibi kaibo Isireri kinira baura. Devitirara iriharo Kotira tura, te Devitara rantama kauro tiro Jesira ma'u biba ti auha irirahika abatairabe, biba ekahika te antu'ari mintiane tuna minti baibabe tiro. 23 Bi baintira naintiti bara'ahiro bo bainti Kotiba Isirari batanaka nimiro bika dintairera, bira Ihurabe, biba mintireba tibataira. 24 Ihuba kia tubibo, bihaikaba antakero obarurabe, Joniba Isirari bainti nahenti tibanimiro bikara auha tu'antare namai baratera. 25 Joniba nai kai'a tai'a karebiharo, ne iri tiha tiriara tarabee tiabo? Kia te bi baintikaube. Iboma iriate, bobano ti nantiara aniaina, kiama te ko'e bainti ho'ake bira ai'u'ihai su rapa'uainabe tiro. 26 Ata bakaukabe, Ebarahamura baintiti antu'ihai bata, ni abutanahi taukae Kotira'a mono ibariaka, tinabuaro tiro bainti bitaira ubaba obarai'irabe. 27 Taukae Jerusaremini bariaka bata, bainti bika'a ra'ikiaka'a bata, kia bika bira tabora, poropeti uba u'ai'akero kara'irora bika eka Sabati'a karariha bira ko amireka. 28 Kia bika orahika bira'i rantake tababo biba uminan utireba ura, bika Pairati ireha bira arireka. 29 Poropeti ekahika araruake bainti nahenti birai mintira tibatara mintura, bika katari'ahi bira baramuntubike ori'ira bera batora. 30 Iboma Kotiba utubuaka batuka'iharo bira a'i himpi kora. 31 Bika airu enta bira tabora, eka bi bainti nahentika taukae Galilini'hai Jerusaremini bireka aniakabe. bi bainti nahentika bira tabaka, bika birara hinikia bainti nahentika bata tibanimi baura. 32 Mintima tenabu Kotiba bi ubara tinabu na'uka barara tibataira ni tibanimuro, 33 bibama tinabu bihaikarara tibataina ho'a kanarobe, bika baintiti, biba Ihura matmat'ihairo uri himpi kaira. Bika Ihi Buku-2'ira ararua tantekero: 'Are ti ma'u banobe, bi entara te ai Oka baunabe.' 34 U'a uba mantiroma baibo, Kotiba Ihura utubuaka batuka ihairoma uri himpi kaiboma kiama bira baata bano orai'ibo, bi arara'ama Kotiba tiharo: 'Te abu abu u'a aiho Davitirara tibataina ni nimirabe tibo. 35 Bi okarara baiboma Ihi Buku bo'ira biba tiharo, 'Kiama are kairo abu abu Bainti baata bano orai ianarobe tibo.' 36 Davitiba nai enta'a eka Kotiara antu'a bataini mintiakero, biba utu birabe, bika bira baata matimati'ira nai okabara batake batara, batabo bira baata bano ntera bura. 37 Iboma bainti tarae Kotiba uri himpi kairaba, kiama orai ianarobe. 38 Mintiboma ata bakauka ne anirante tabate, bi baintira'a hiroma kumi bi'u baria okaraba a'ira'a obaribo. 39 Bira'a hiro'aima, eka bainti nahenti taukae mara'ura utika abu abu bainti nahenti'a bibarabe. Iboma Mosera Lo bano kiama ai bara abu abu bainti'a kanarobe. 40 Mintira, ne ko'eke ra'iki baiboma nanahika poropeti tibataiba kia ni'a obarai'iaire 41 'Tabate, ne una'ara tibaria baintikabe, ne rabukubima ne ekama kaka'ia bibarabe, bira nanare, te ni entama kai'a barauro. Bo kai'a kiama ne mara'ura utibarabe, auri hinikiaka ni tibama nimibarabe.''' 42 Poluka Banbasika bumanta, bo Sabati'a bainti nahenti bikahanta ireha boha'arina ubara tiateti. 43 Ruba'ua monoba tai'omanta, airu bainti nahenti Juda bata araka mara'ura utua bainti nahentika bata Poluka Banabasika abata'i bibaura, bikahanta bika tibanimi tiha kekaubi Kotira a'urihitara'i bariate ti. 44 Bo Sabati'a aumantaka eka nora tauni'i bariaka ani ruba'uabi Kotira uba iribaura. 45 Juda batanaka nora bainti nahenti tabe, bika ora auha nimiha, bika nanahika Poruba tibakairara tiha bira ora uba tibamite baura. 46 Mintimanta Poruka Banabasika abu abu'ake bika tibanimi, tiha, "Kaibo bihaikaba obarai'iaire, Kotira uba bano ni Juda batanaka'a nanema obarai ianarobe. Minti, ne niarai'a nenta karabe bi okarara'ahi, ne tiha eka enta mara'ura barairo kiama ko'e ianarobe tiarabe, tabate, bate tehanta hinikia bainti nahenti kainima tu'anta birabe. 47 Boha'arakero Nora bano buka uba batero tiharo, 'Te ai ataira bo'ara hinikia bainti nahenti kaini batama batauro, bira nanare are Kotira uba tiraba baintima bitanobe, eka bataa naruba tai'ai nanaima buanarobe." 48 Hinikia bainti nahentika bihaikara iri, bika uaheha Nora autu tuahere baura. Airutaha Kotira'a mara'ura uti eka enta eka enta bai mara'urara barora. 49 Kotira ubabano eka bi batukara bura. 50 Mintimanta Juda batanaka kempukai'ake nahenti autu batakara bata mono okara'a bo'abata kempukai'abi bariakara bata nora tauni bira'i bainti abuni'iakara bata tura. Bihaikaba nora orahika himpi kaimanta bika Poluka Banabasika nora tauni bira'ihai a'ini barabeba kora. 51 Mintimanta Polukaka Banabasika bikaini konkoma naihanta ai'u'ihai rintat'iake bura. Nanatiara bikahanta nora tauni Ikoniamini bura. 52 Kai'a bainti Aiho Bainti'a mpi'abi nora uaharahika barora.