¹ Bi entara, Kin Herotiba bainti taukae kempukai'ake mono okara'a mara'ura utuaka ariharo, bika orai'a nimite baura. ² Biba Jemisira arukaira, Jonira atabakara bainati noharo arukora. ³ Nantiara biba tabero tiharo bi okaraba Juda batanaka uahama nimite baibo tiro, mintibo biba biro Pitara bitakero rumpakareba. Bi okaraba obarireba kia yis bai paretira naa enatara obarura. ⁴ Nantiara kini Herotiba Pitara raba'ukero karabuhi'a kora, biba Pitara 4-bainti nabu ka'u'ira kero bira'a ra'ikiatera; kiniba nai iritero Pitara barabeba kero bainti nahenti nimire tiro, Pasova nantiara. ⁵ Pitaba karabuhi'ira baumanta, mara'ura utua bainati nahentika Kotiraini nunabu tibaura. ⁶ Bi entara'ira Herotiba kia Pitara barabeba kora. Bika tara seni nohai bira rumpa tara, Pitaba huru bainti tarau abutana baintatero baura. Hinikia ra'ikira baintika bata karabuhi nabu'ira abunihaina enta'a ra'ikibi baura. ⁷ Nantiara Nora ankero bano bira'a obarai'a bibo oba bano karabuhi nabu'i bata atama kaira. Biba Pitara ta'eni akakero bira uri himpi kero tiharo, "Totara himpuane tiro," totara seni bira ka'u'i amitaba hi'iri bura. Ankero bano bira tibamiro tiharo, "Utaba'a nonkiha nena sentoru bata autuane tiro, "Pitaba ankero bano tintekero mintura. nantiara Ankero bano bira tibamiro tiharo, " Nenina kempuka utaba'a bata autu barare ti abatane tiro. ⁹ Mintibo Pitaba ankero abatabarero baha'a bebarare tiro. Kiama biba iriro baraibo, nanahika ankero bano mintira. Mintibo biba iriro tiharo a'ibira tairaha'ibe tiro. ¹⁰ Bikahanta abunihaina ra'ikira bainti bata nanatiarai haina ra'ikira bainti bata atarake, bikahanta aini enta'a aara bano nora tauni'i bibaura'a oru obarai'a buabo; otitare entaba nai bikahantaini antua bura. Bikahanta baha'a bebare aarana bibaubo, totara ankero bano Pitara tutakero bura. ¹¹ Pitaba anirantero ko'e irirahika barero; biba tiharo, u'a u'ai'akema bate te tabauro, Nora bano nai ankero baraibo Herotira kau'u ihairo ti kaho'ireba tubirabe Juda bainti nahenti nana okara tini mintireka iara biba tabero." ¹² Biba bihaikara anirantero tabero, biba Mariara nabu'ira bura, Jonira bira noora, bika Makira bata arabo airu bainti nahenti ruba'uabi baiha nunabu tibaria batukara'i anurabe. ¹³ Biba aniro enta'a himpiro enta ru'utibaubo, kai'a nahenti bora, bira autu Rodaba, biba bira enta antua amitareba otubira. ¹⁴ Biba iribo Pitara aunta bo'aribo, biba nora uaharahika barero kia enta bata antuarora, kiabe, biba kantero kaba'ara'ira biro bika tibanimiro tiharo, Pitabama entana himpiro baibo tiro. ¹⁵ Bika bira tibami tiha, "are una'arama tiaro ti." Iboma biba tiharo te u'ama turo tiro. Bika tiha, "Are bira mara'uraha taberama tibariaro ti." ¹⁶ Pitaba a'i enta ru'uti haro baimanta bika utu enata antua mitara. Bika enta otuake, Pitara tabe bika oraha rabuku bura. ¹⁷ Pitaba nabu'ira ori'etero, biba ka'u nai no'a batero bikara tiharo noo tintate tiro, biba bika tibanimiro Nora bano karabuhi nabu'ihairo barabeba kaira. Biba bika tibanimiro tiharo, "Ne Jemisira bata ti atabakauka bata tibanimiate nanahika bano ti'a obarina."Nantiara biba bika a'irakero bo batuka bura ¹⁸ Arara to'a'ira, kia bohika bano karabuhi ra'ikira bainti abutana obarira nanahika bano Pitara'a obarira. ¹⁹ Nanatira kini Herotiba birara ranteharo kia bira tabaira. Mintibo biba bikara tiharo karabuhi nabu'ira ra'ikirauka arikate tiro. Nantiara biba Judia a'irakero Sisariaini biro mini oru baura. ²⁰ Herotiba oraha arara itora Taia bata Saidoni bainti nahentiara bata. Eka bika bata bibinaini bi. Bika kempu kai'ake Blastusra abuni haina kinira opisara nai kaha'iaire tiha. Nantiara bika boha auha okarara irora, bira nanare, kinira tauni'ihai bika kara barebariakabe. ²¹ Bi entara Herotirara kini utaba'a nonkutera kini tainta'a o'ubira; bokina ubara eka bainti nahenti abu'a tiane ti. ²² Mintimanta eka bainti nahenti naberai tibake tiha, auriro bira una'ara kotira auntabe ti. "Kia bainti auntabe ti!" ²³ Totara, Kotira ankero bano tubiro bira arukora bira nanare, biba kia Kotira autu tuaheraimanta; Tobe'i bira ku'iri bariabo biba utubura. ²⁴ Mintibo Kotira ubabano eka batuka biro kempukai'a bura. ²⁵ Nantiara Banabasika Soluka misini kai'a Jerusaremini tai'ake Jonira, Makirabe tibake autu rebariara batake anirante bura.