1 Bate kai'a bainti bata hinikiaka mara'ura ututa bainti nahentika Judiaini bariaka iri tiha, hinikia bainti nahentika bata Kotira ubara mara'ura utuabo. 2 Pitaba Jerusaremini anumanta, taukae nai baata to'ataka Pitara'ira uba tiba'i bibaura. 3 Bika tiha, "Are nai baata kia to'a baintika hampatama ruba'uabiha kara nebariaro ti." 4 Mintibo Pitaba nanahika bano obarai'ira ko'ekero bika tibanimura. Biba tiharo. 5 "Te nora tauni Jopaini nunabu tiha, te bo taira tabaunabe. Tairai tabauro narubai hairo nora utabano tubirabe, bika 4-nabu raba'era bita'a uatabare tutatuta'i te bauna'a tubibariarabe. 6 Te tabe bihaikarara iriha, te bataihaina antaubahi bata akau antaubahi bata tabe, 4-nabu ai'u bai antaubahira bata memaru bata antau bata tabe. 7 Nantiara iruro bo noo bano tiriara tiharo, "Pitao, himpira bika arukera nane tiro." Te tiha, "Nora baubo ti, kia te konkomai'i antau bahira naunabe ti." 8 Minti te tiha, "Nora baubo ti, kia te konkomai'ira naunabe ti. 9 Mintibo e'a bata bi nooba narubai hairo ti tibatimiro tiharo, "Nanahika Kotiba tiharo nane tina, kia kiabe tiane." 10 Bihaikaba taratata bohatata obara'iro anirantero bihaikaba narubai ori'etora. 11 Totara tara bainti boha bainti tenabu nabu baitauna entana himpuarabe. Bika Sisariainihai atitomanta tunanai anurabe. 12 Mintibo Aiho Bainti bano tiriara bikara hampata buane tirabe, kia te bikara tiha bokabe tiare. Ata bakauka 6-nabu batake tenabu bi baintira nabu'ira bunabe. 13 Bi baintiba tinabu tibatimiro tiharo ankero bano bira nabu'ira himpiro tiharo, "Bainti atitaira Jopaini orubi Saimonira bira bo autu Pitara bitakeme tubuate. 14 Bibama ni kaha'iaina ubara tiba nimianobe, are bata ai bainti nahenti bata ne ba'u okara a'irakema ko'e ara abatebabe." 15 Te antake bikaini uba tibauro, Aiho Bainti bano baaka tinabu'a tubintekero bikaini bata tubirabe. 16 Nora baaka bano uba tibataira anirante irunabe, biba tiharo, 'Joniba namai nohairo namai a'irabe; iboma ne Aiho Bainti'ama namai barebabe.' 17 Mintiro Kotiba Aiho Bainti Nora Ihu Karaitira'a mara'ura uturo tinabu timintekero bikabata nimirera, te tauka baihae Kotiba bi kai'ara baraina tintarabe?" 18 Bika bihaikara iri, kia bo uba bata tura, mintimanta bika Kotira autu tuahereha tiha, "Kotiba hinikia bainti nahentika batama nai kumiara umpo'i mara'ura baratera nimibo ti." 19 Sitivenira orai'amite arukara nantiara, mara'ura utua baintika eteke Fonisiaini, bata Saipurusini bata Antiokini bata bura, bika Ihura uba Juda batanaka tibanimi baura. 20 Minti hinikia baintika mara'ura utuaka Saipurusini hai bata Sairinini hai bata Antiokini bii Nora Ihura ko'e uba Giriki batanaka bata tibanimi baura. 21 Nora kau'u bano bika'a baumanta, airu bainti nahenti uba bira'a mara'ura uti Noraini anura. 22 Mono bainti nahenti Jerusaremini barika bi ubara iri, bika banabasira atitabo Antiokini bura. 23 Biba aniro Kotira a'urihaka bika mara'ura'a tabero, biba uahakero bika kempukai'a nimitero Nora batake baiha eka nai auha batake bira'a mara'ura utute bariatera. 24 Banabasiba biba ko'e bainti bano, biba kempuka mara'ura ututero Aiho Bainti'a mpi'a biba, mintimanta airu bainti nahenti Nora'a mara'ura utura. 25 Nantiara Banabasiba Tasusini Solura rantareba bura. 26 Biba Solura oru rantakero bira bitakero Antiokini anirantero bura. Boha ihi'i bikahanta bika hampata ruba'uabi baiha Ihurara uba mono bainti nahenti tibanimi baura. Bi entara Antiokini, bika abuhaina enta kai'a baintiara mono baintibe tura. 27 Bi entara hinikia poropetika Jerusaremi ke Antiokini tubura. 28 Bika'ihairo bo bainti bira autu Akabusira, Aiho Bainti bano bira'a baibo biba poropeti uba tibakero tiharo nora narara banoma eka bataini obarianobe tiro. Bi poropeti ubaba Kaladiusiba Romu iata bainti baibaro obarai'ura. 29 Bika Akabusiba uba tura iri, kai'a bainti mone ruba'uake mara'ura utua bainti nahentika Judiani bariaka kaho'a nimitora, bika ho'ake barenteke nimitora. 30 Bika mintiaka, bi monera Banabasika soluka nimi Judia mono iata bainti nimiatera.