2 Henaga'a ani 7-venia Agelo waya naga apagowe lagi God-ti aula kale hetinaya ina 7-venia fepula alina'e 3 Mago Agelo vega 'e' ina goli uyapa aliniye alakepa atu amisiya ina efute hetiye. God-tia mago'e amiye atu aisiya salamana kanaya'e nunumu api'e apametiti ve-ane goli efute viye ala sauwe kinimo si'ale. 4 Mani atu yamo hali nagi nunumu'e apametiti waya ai God-ti tega hainiye Agelo vegamo ayapi haneniya uyapa fiti. 5 Ani Agelo vegamo'a efu teti mago ata atipa alino ina uyapafi male alakepe atu haneni yapi. Henaga ani uyapa yaga ai'keno mopafi emi'e ina ala hakalu ya'e alave huno ina mopamo imima aliye. 6 Apaga lagi 7-nia Agelo mogi 7-nia fepula fu hukefe nehae. 7 Aga hogote Agelo moa fepula husi momo ina aote komopa'e ata'e alino hagu hiye kola'e, aga yaga aute keno mopafi emi 'e' ina tole'e mago'e haopa mopa fiti makoke haopa mopa ata le, tole'e mago'e hopa fiti makoke haopa'e yosa-ki mugi kauki ata le. 8 Anile tu Agelo moa fepula fu hike noa ina mago agufa awamete ya ala agoya ata nele ina hake anipi asa kauno aiye. Tole'e mago'e haopa hake ani piti mago haopa'a kola alino hamale, 9 tole'e mago'e haopa hake ani mago haopa'a apau laga haneni ya'a faliye ina tole'e mago'e haopa sipi fiti mago haopa'a haviya hiye. 10 Aga tole'e mago'e Agelo moa fepula'a hikenoa, magfo ala kanefi kokuna tekati ata kana huno asakau'no emi'e, aga totsi kani kana huno aeno hale ina aeno hale tole'e mago'e haopa'a ala ani'e ina aise ani pie. 11 Aki'a mani kane fimo'a, aga atu ofa yosaitae. Mago haopa'a tole'e mago'e haopa ani moa atu ofa ani hamale ina hai laga ve-ane mani atu ofa ani nete'a faliye. 12 Toleki toleki Agelo vegamo'a fepula'a hikeno'a, God-tia mago tole'e mago'e yakemo haopa'a, kai mo'e ina kanefi moa kani aeno hao'le, inaya hikea ina yakeki, kaiki ina kanefi nagi apaga hani hae, ina tole'e mago'e haopa fiti mago haopa'a felukaki ina hani inaga kani hao'le. 13 Maina alu alu hena mai nokeno ina mago hakiki afuwana kokalu matega hale ina alopa keya ma auno ae, ''maita halowe hiyo maita halowe hiyo ,apaga anaga ve-ane lagi mopafi maina'ya. Nayafene apaga mago tole'e mago'e Agelo fepula hukefe maina'e.''