¹ Henaga akame laga'a toleki toleki mago'e Agelo moa fepula'a hiye. Naga'e, Joni'a akeke noa mago kokuna tega haneni kanefi asa kauno mopafi emi 'e'. Ani kanefi moa lao'to kelile ki aliniye ina aga ayo'a omaleni keliye. ² Aga mani ayo'a omale kelimo'a awaya'a yakiye ina ala mutimuti halina ani keli fiti hai'e ala atamo awamete halina'e. Ala halina'e ina yasi'e ani keli fiti eno malega huno yake'e ina kokuna'e uno hani hiye. ³ Ani halina fiti falona eno awayu hiye ma mopafi, ina God-tia apaga lokiya apamiye skopioni-mo awamete ma mopafi. ⁴ God-tia apaga hapa paiye kahu alitapa haviya osiyo huno, o mago kahu yosaita akufa yae ina yosa'e, inaya hiyanagi apaga waya God-ti lakenaya apau kosale omale nesiya'a alino'a haviya hupa tegaiye. ⁵ Apaga falona mogi o'alinae mani ve-ane heta kipa teyo ke. Inaya hiyanagi apaga kanalene ke aliye ve-ane 5-fua kaimo agu'ainaga ala ale alitapa haviya hupateyo. Ina mani apakafu yamo'a skopioni-mo analisa ya awa mete mago vega alino haviya hute. ⁶ Inani kanalena ve-ane mogi faliya fena kauya hukae, inaya hiyanagi apaga mago falisa kana akea awa'otae. apaga falisa yafe alakefa ale hapau kiye, inaya hukiya nagi fali yamoa apaga o'apatafau kiye. ⁷ Inani falona mogi hosi afu kana hunae kaveta hukefe neha awamete. Mani hosi afu mogi apakeno pale, sauwe kinimo akufa goli kakolita haneniye . Ina apau kosamo'a waya ai apau kosa kana huniye. ⁸ Apakenopa apayo kamo'a ane ai apayo kana huniye, ina apawemo'a Laiyoni-mo akufa apawene. ⁹ Kapa sioti api aeni leti humale neke kana huniye. Ina hala keno aemo, hapagu kemoa hailaga hosi afumo'a aigo aeno halulino nevi awame tene ina hosi afumo'a nevi kaweta fi. ¹⁰ Apai koyafi analisa ya haneniye skopioni-mo aikoyafi awamete ina apai goya moa ve-ane alino haviya husa lokiya haneniye 5-fua kaimo agu ainaka. ¹¹ Ani kelifi Agelo-moa hano ya'a omale kaiye aga sauwe kini kana huno yagai pate kaiye. Ani Agelo-mo hibru kefiti akia Abadon ina Griki kefitia aga Apalion. ¹² Hogote haviya ago eteno ago uno hano hiye. Afiyo! Ma kanayamo'a akame laga, haneniye tole kanaya ala kanaya awayu hugiya. ¹³ Aga 6-kisi Agelo vegamo'a fepula'a fu hikeno'a naga mago lugo ke afuwe toleki toleki afumo ave goli leti efu God-ti haute haneniye. ¹⁴ Mani lugo ke la'a 6-kisi fepula alini Agelo laga keke viye ina make hiye,'' Hatu mae'pato 4-a Agelo ala Yufretisi anipi kalawusi hupa tenoa ina apaga hatu mae'a ukae.'' ¹⁵ Ani kanale, kana, kai ina kafu awayu hiye, apaga 4-a Agelo God-tia alino ago lalo lala hupa teniye, Agelo moa apatale ke awae tole'e mago'e haopa'a ve-ane hapae kefe. Apa ani Agelo mogi mai'a yakai nae ina agawa hunae ani kana afafa ae, kanaki, ina kafu awayu husi efe. ¹⁶ Naga afuwa momo 200-mili'enia ami ati waya hosi afule fai'miye. ¹⁷ Alaga munanifi, naga hosi afu apagowe ina apaga lagi ani hosi afule fai'maina ma awame tene, kapa sioti apimo'a ata wai kana haesa ne, hani oko ina nekama ause agufa yafa ata leke leke. Apaga hosi afu mogi apake nopamo'a, Laioni mogi akufa apakeno pae, ina apawaga pina, ata, halina ina avina,a aino wali lamiye. ¹⁸ Tole'e mago'e ha'opa ve-ane halinamo'a faliye, ataki, ina avina aki apawaya fiti aino walila miye. ¹⁹ Apaga ani hosi afu mogi lokiya api apawaya fi haneniye ina apaga apai goyamo'a satamo aigoya kana huniye ina apaga apakenopa moa ve-ane alino haviya nehiye. ²⁰ Apaga mago ve-ne'a lagi mani havi yapi ofali saya, apaga hapau ke osunae havi huna aepa apiye ina apaga o'atalenae havi awumute mono afisa aepa api, ina aikofe goli god-tite, siliva, brasi,yafa, in a yosa akufa ya aulu heno akesi aulaka omale niye, afisi akesa, o ka aesi aiya. ²¹ Ina God-ti tegae hapau ke osunae waya hapae'a falina yatefe ina waya apagutu nena aepa apiye, o aikofe god-tite mono afina ya o apaga kumai aepa malenaya, ina mago mogi ya kumaya ya huna yafe.